طيب التلميع اللي هو و الجهاز شغال تقصد صح؟
ياباشا من اول كلمه هتبدى شغل فوق يعنى هتبتدى تدور الجهاز وتفرد البوليش بيه على السطح
والشغل يكون فى اتجاهين الأول طولى و بعد كده عرضى كل ده وانت مركب الوش السفنج
والتلميع نفس الشىء بس بالوش الصوف اللى بيركب بأستيك وعندك 2 تبدل فيهم
اقتباس:
بالمكينه هتلاقى عندك غطائين صوف بأستك هما دول اللى بتشيل بيهم
وفى واحد صوف برباط دى للتلميع النهائى
لكن نصيحه اعمل بفوطه ميكرو فايبر على خفيف الاول قبل التلميع بالمكينه
شكرا يا سيف باشا و العتب عالنظر هههههههههههههه
بلاش موضوع الجاز ده خالص
الجاز ده هيخربش البوية
الموضوع بسيط
الأسفنجة دي المفروض للواكس
اما القطعه الصوف اللي برباط دي فهيا للبولش علشان البولش بيبقى عاوز حاجه تحك براحه على الدهان علشان يزيل منه طبقه خفيفه
ولما بتحب تزيله فبالقطعتين التانيين اللي بأستيك
ولما تحط البولش السائل هتحطه على الأسفنجة نفسها بعدين تحط الأسفنجة على البودي بتاع العربيه وتشتغل براحه الأول لحد ما السائل يلين الأسفنجة معاك وبعدين براحتك
اما لو واكس عجين هتحط على بودي العربيه حتت بأيدك عادي وبعدين تشتغل عادي زي الأول كده
اما موضوع جاز لا انصحك تماما
اخى الفاضل ابو عبد الله
تقريبا نفس طريقه الشغل لكن أنصحك انك توزع الكميه اللى على السفنجه على المسطح اللى هتفرد عليه عن طريق وضع السفنجه المبلله عل اكتر من مكان و الجهاز واقف
بالنسبه للجاز او النفط فانا مش عارف هيخربش البويه ازاى (دة نقطتين على السفنجه)
انا بقالى اكتر من سبعه شهور باستعمل البولش مع النفط(زجاجه ب 1.5 جم) والنتيجه اكتر من رائعه , مع العلم انى اقوم بتشميع العربيه مره كل شهر و الحمد لله مافيش ولا خربوش من الجاز
وعلى فكره برضه الحمد لله مر اخرى البويه(اللون Pearl Black ) عندى زى بويه الفبريكه بالضبط:ask:
جرب و احكم او لا تجرب وصدقنى :satelite:
بجد بجد حلو اوي الموضوع ده :Ta_clap[1]:
بس ياخسارة مش هاعرف اعمله لوحدي :120146b عشان بركن في جراج عمومي (مش خاص يعني) وفي ناس كتير وهايقعدوا يتريقوا بقي :120146b
لو كان عندي جراج في بيتي او بركنها تحت البيت كنت عملت كدة (رغم اني برده هاتكسف اعمل كده عشان انا بنت ومش هاينفع) بس ممكن ساعتها ادبس حد من اخواتي واقف اشرف عليه انا بقي :ma:
انا اساسا نفسي نفسي اغسل العربية والمعها وانظفها كل يوم بنفسي (انا بحب كدة اوي)
بس الناس اللي شغالين في الجراج بيعملوها كل يوم وبتكسف اعملها لوحدي لحسن يفتكروني مستخسرة فيهم فلوس النظافة :majd(2): مع ان ساعات كتير طريقتهم في التنظيف مش بتعجبني اصلا وبيتهيألي اني لو عملتها بنفسي هاعملها احسن من كدة بكتير.
بس اذا ربنا سهل وبقي عندي جراج في بيتي او تحت البيت علي طول مش هاتردد ابدا اني اعمل كل حاجة في عربيتي بنفسي :ask:.
عموما بجد بجد شكرا ياابو عبد الله على الموضوع الهايل ده :Ta_clap[1]:
وانا لما روحت غبور عشان استلم عربيتي بعد الحادثة شوفتهم بيحطوا الكمباوند على العربية وبيفردوه بالجهاز ده وده كان في مرحلة التلميع وعجبتني الفكرة دي اوي.
بس في سؤال طيب
هل البوليش اللي بنفس لون العربية ده لو عندي شوية حكات بسيطة في الاكصدام قشرت الدهان وظهر لونه الفيبر الاسود هل لو عملتها بالبولش ده بقطنة مثلا تجيب نتيجة فعلا وتغطي كل الخدوش دي؟
ياريت الاقي كمان اللون النبيتي بتاع عربيتي ده عشان ميبقاش في فرق في اللون.
عموما انا هاحاول انزل كارفور قريب واشوف يمكن الاقيه واللي يعرف اماكن تانية ليه ياريت يقوللي برده :s1[1]:.
موتورايزر: انت بتقول انه موجود في وطنية هل يكون موجود في وطنية اللي جنب سيتي ستارز ولا وطنية في حتة تانية؟
ومرة تانية شكرا على الموضوع الهايل ده :satelite:.
مش عارف بالنسبة لسيتي ستارز انا جبته من وطنية طريق الواحات في 6 أكتوبر و لسه بشوفه هناك .
بس ممكن تلاقيه في سبينس سيتي ستارز .
موضوع الجاز ده صدقني بيضر بالدهان بتاع العربيه
ولو عاوز تجرب انت هات قطنة وحط عليها نقطتين الجاز اللي انت بتقول عليهم دول
وحاول تمسح بها حته في العربيه وتحت ضوء جيد جدا
وامسح اكن جهاز البولش هو اللي بيمسح يعني تقل ايدك او امسح بسرعه وليس بخفيه
وبعد كده شوف المكان اللي انت اشتغلت فيه عامل ازاي والفرق بينه وبين الأجزاء اللي بجواره عامله ازاي وانت هتعرف الفرق بيتاع الجاز بيعمل ايه
شكرا لكي يا استاذه رنا
وموضوع الأكصدام ده فلو الحتت اللي متقشره كتير ومساحتها كبيره
يبقى تتعمل بقطنة ودهان بنفس لون العربيه عند اي واحد بتاع دهان عربيات
هيبقى افضل
البولش ده للنقر الصغيره والخرابيش اللي متقدريش تعمليها بالقطنة والدهان
وبرضه البولش بيعمل فرق ماشاء الله ملحوظ فعلا
ممكن طريقة استعمال البوليش السائل ده من غير الجهاز بالقطن مثلا زى البوليش المعجون وشكرا
مشكور للغاية