مشاكل ال ليون

**zigoma** · 03-10-2009 04:02 AM

يا جماعة انا العربية دي عجابني جدا بس سمعت انها فيها مشكلتين اولا ان العربية المفروض يتحطلها بنزين 95 مش 92 وعلشان كده العربية بتنتش و بتقطع على السرعات البطيئة و في اخر ترمبة البنزين بتبوظ و الرشاشات
ثانيا ان الجير بوكس بيبوظ بردو و ده اريتو من ناس كتير على الفيس بوك في جروب سيات ليون
الرجاء من ملاك ليون في مصر الرد و بكل شفافية علشان بجد الناس تستفيد
وشكرا

**عبد الرحمن اسامه** · 03-10-2009 10:47 AM

انا معايه ليون ٢٠٠٩ في السعودية الغطاء بتاع البنزين مكتوب عليه ٩١ - ٩٥ كنت بحطلها ٩١ في الاول و دلوقتي بحطلها ٩٥ كده شغاله و كده شغالة

بخصوص الجير بوكس هي لسة مكملتش معايه ٥٠،٠٠٠ مقدرش اعرف اذا كان هيبوز ولا لاء ، بس هو محترم جدا و نفس الفي الجولف و الاودي علي ما اعتقد.

ممكن تقولي اسم الجروب بتاعة سيات ليون العلي الفيس بوك.

**عبد الرحمن اسامه** · 03-10-2009 10:49 AM

علي فكرة ضغط الموتور ١٠.٣ و ده علي حسب مقالة نشرت هنا قبل كده كانت بتقول ضغط ١٠ يتحطله ٩٢ و ضغط ١١ يتحطله ٩٥ و هي اقرب للعشرة بس انا هحطلها ٩٥ علي قد ماقدر، بس لو نزلت بيها مصر اعتقد هطر احط ٩٢.

**عبد الرحمن اسامه** · 03-10-2009 10:59 AM

انت ازدك علي الفتيس المانيوال ولا الاوتوماتيك، انا مانيوال.
انا مش عارف هي في منها اوتوماتيك ولا لاء، هي هنا في السعودية لغاية ٢٠٠٩ مفيش منها اوتوماتيك.

**ehab_mansour** · 03-10-2009 11:29 AM

مافيش اي حد اشتكي قبل كده من فتيس ليون او ابيزا او غيرهم ولا في اي موديل غريبه قوي دي واشاعه جديدة

**mr_shims_49** · 03-10-2009 04:15 PM

انا اول مرة اسمع الكلام ده

**zigoma** · 04-10-2009 05:37 PM

[caution]تنبيه بمخالفة القاعدة رقم 6 بند ب
ممنوع الكتابة بالفرانكو
الرجاء مراجعة قوانين المنتدى
مشرف الأوروبى 1
[/caution]

**hossaam** · 06-10-2009 06:22 PM

مش عارف..اعتقد الكلام ده غير دقيق
انا دخلت على الجروب بتاع الفيس بوك..
مشكلة الجير بوكس دي مش جماعيةولا حاجة زي ما الاخ بيقول...
هو واحد فقط كان عنده مشكلة ..والباقي "كلهم " بيشكر في العربية..وانا معاهم

العربيه حلوة بجد ما شاء الله ..اذا ماتفرقش معاك حتة الجير العادي توكل على الله وما تترددش
ورأيي ان افضل عربيه في الفئة دي واحدة من تلاته:
الليون
الجولف
والبرافو

**alzelafy** · 06-10-2009 10:18 PM

مستحيل فولكس واجن تنزل عربيه موديل 2009 و الجير بتاعها بيبوظ بسرعه متنساش ان الليون موتورها فولكس امال اللى معاة هيونداى و كيا و ميتسوبيشى يقول ايه العربيه بتطلع من المعرض على التوكيل تغير فتيس ؟؟؟؟؟؟ دا كلام غير منطقى تماما المهم المحافظه على الفتيس لو كان اوتوماتيك ابعد عن الكيكات و الشد و الجرى و انتا تنسى موضوع الفتيس دة خالص و دة فى كل الاعربيات الاوتوماتيك