عربيتى الفنتازيا الجديدة 2010

**Youssef.Awad** · 06-10-2009 01:51 PM

المشاركة الأصلية كتبت بواسطة abuelhadid

يا باشا ربنا يخليك وعقبالك

بس هو انت شغال فى ارتوك ولا ايه ؟ :-)))

لا والله ده حتى ما ينفعش لأنى صيدلى
الفكرة كلها انى من زمان وعشقى الاول والاخير هو العربيات وماحبش حد يكون راكب عربية باحبها مش عارف قيمتها او مش بيحافظ عليها ومهتم بيها
ومن العربيات دى ماركات كتير زى سوبارو - رينو - ميتسوبيشى - فولفو - كيا - سكودا وحبيبة الملايين bmw
ادى كل الحكاية ومش عشان توكيل وحش تبقى العربية وحشة يعنى تقدر تقول كده انى بأقيم العربية international مش national
وشكرا لذوقك وربنا يباركلك فيها

**pop** · 06-10-2009 05:15 PM

عايز اعرف يعنى ايه gbs

**Youssef.Awad** · 06-10-2009 05:38 PM

المشاركة الأصلية كتبت بواسطة pop

عايز اعرف يعنى ايه gbs

GPS اختصار لـ Global Position System
ومعناه جهاز ملاحة دولى لتحديد المواقع
واعتقد انه مش مهم اوى دلوقتى فى مصر لأنهم لسه ما عملوش خريطة تفصيلية فيها كل شوارع وحوارى ومعالم مصر باستثناء الخرائط العامة للقاهرة والاسكندرية والطرق الرئيسية واللى بتكون ثابتة او يتم ادخال بيانتها عن طريق اسطوانة مدمجة

من غير شك هو من كماليات العربية الجامدة والملفتة للنظر خصوصا انك هتلاقى شاشة ملونة فى الكونصول وزراير مالتى فانكشن للتحكم بأغلب تجهيزات العربية لكن مع الاسف مش هاتستفيد بيه زى برة
لأنه فى اوروبا والدول المتقدمة يزبطه مثلا على طريقه من البيت الى الشغل ومهمة جهاز الملاحة ده اللى بيكون متوصل بالأقمار الصناعية يدور على اقصر الطرق وكمان لو فيه زحمة مرور يدور على طرق بديلة وبيبقى كمان فيه صوت يوجهك يمين - شمال - عالطول والمسافات كل شوية عشان ما يشتتش انتباهك عن الطريق او ممكن بتبقى فى شاشة عرض صغيرة بين العدادت مرسوم عليها الاسهم والمسافات زى اللى فى عربيات مرسيدس او شاشة ضوئية على الزجاج الامامى زى نظام HUD فى عربيات BMW

على فكرة النظام ده مطبق فى الامارات العربية الشقيقة بقاله اكتر من سنة ومتصل بالاقمار الصناعية

**Samah AbdAllah** · 07-10-2009 03:27 AM

الف مبروك لحضرتك
حتى سكودا توكيل غير مرضى لعملاؤه
يعنى تشترى عربية ب 207000 وفى الاخر التوكيل سئ

**abuelhadid** · 10-10-2009 05:23 AM

المشاركة الأصلية كتبت بواسطة pop

ربنا يخليك لينا وتقدر تفيدنا كمان وكمان وان شاء الله اول ما استلم طبعا هكتب انطباعتى عليها من اول ركوبه وان شاء الله يكون مصحوب بالصور وعلى فكره انا اخترت اللون السماوى اللى هو( اكوا بلو ) ايه رأيك فى اللون ده مع العلم ان اى الوان غامقه مش بتستحمل التراب والغبار اللى موجود فى مصر عموما وللمره التانيه الف شكر على اهتمامك وذوقك

اولا يا باشا مبروك عليك مقدما

اما بالنسبة لموضوع الالوان فهى اولا واخيرا اذواق

اما عن الالوان الفاتحة فانا ليا معاها تجارب سيئة منها مثلا انك تبقى نايم فى بيتكوا وتنزل الصبح تلاقى واحد ابن حلال حاكك لك العربية سواء بعربية تانية او بمسمار وخصوصا الفبر ( الاكصدامات يعنى ) وبما ان الفبر اسود تحت الدهان فبيبقى باين جدا ويقطع قلبك كل ما تشوفه وخصوصا والعربية جديدة

واحنا فى مصر يا باشا ويا مكتر المسامير

اما عن اللون اللى انا اخترته اللى هو الفيرانى فانا برده اخدت فى الاعتبار اللى انت بتقوله برده وعشان كده ماجبتش الاسود ده غير انى مابحبوش

لان الفرانى ( رمادى ) والتراب رمادى فمايبانش اوى التراب عليه الا اذا دققت فيه ده بالاضافة الا انه اكتر لون بياع فى العربية عشان لو حبيت ابيعها ما تدوخنيش وانا ببيعها

وده عن تجربة يا باشا
وعموما الف مبروك مقدما مرة تانية

**zigoma** · 16-10-2009 01:14 PM

معلش يا mr abu alhadid انا عايز اعرف ايه حكايات الي بتتقال على البلوتوث انو بتركب شريحة لتقوية الارسال مش العربية البلوتوث الي فيها كويس ولا هو ضعيف
انا عايز اشتري فانتازيا 2010 المنيوال الي ب 150000 هل دي بردوه فيها نفس المشكلة
و برده عايز اسئلا انت لما ركبت الشريحة عند وهدان مش دي فيها مشاكل بالنسبة ل الضمان الي انت ختوه من التوكيل

**abuelhadid** · 17-10-2009 04:51 AM

المشاركة الأصلية كتبت بواسطة zigoma

معلش يا mr abu alhadid انا عايز اعرف ايه حكايات الي بتتقال على البلوتوث انو بتركب شريحة لتقوية الارسال مش العربية البلوتوث الي فيها كويس ولا هو ضعيف
انا عايز اشتري فانتازيا 2010 المنيوال الي ب 150000 هل دي بردوه فيها نفس المشكلة
و برده عايز اسئلا انت لما ركبت الشريحة عند وهدان مش دي فيها مشاكل بالنسبة ل الضمان الي انت ختوه من التوكيل

بص يا باشا اولا ايوه العربية بتنزل ببلوتوث ومتهيألى بنسبة 80% ان المانوال كمان فيها

اما هن موضوع التقوية فالموضوع عامل زى الراديو كده

يعنى انت ممكن تشغل الراديو بدون ما ترفع الاريال وتسمع بس هيكون الصوت مشوش شوية ولما تشغل الاريال هتسمع احسن وبدون تشويش

البلوتوث اللى نازل فى العربية كده لازم تركبله الشريحة دى عشان تسمع بوضوح بدون تشويش وده اللى كان حاصل معايا بالظبط

اما عن موضوع وهدان... انا روحت التوكيل وما لقتش عنهم الشريحة وقت ما روحت

وبعدين هى كانت ب 92 جم وكمان غلوها وخلوها ب 200 جم

ووهدان وكيل معتمد لارتوك ولسه عنده ستوك من الشريحة فركبهالى اصلى وب 92 جم + 25 جم مصنعية بالسعر الاصلى بدون سرقة زى التوكيل الحرامى

وبعدين طبعا ماتخرجش العربية من الضمان لان قطعة الغيار اصلية وراكبة عند توكيل معتمد

وبعدين يا باشا دى بتركب تحت الكرسى فى ثانية ده حتى انت لو جبتها هتركبها بايدك

وطبعا مبروك عليك مقدما بس حاول تجيب الاوتوماتيك ام 168000 اريح كتير من المانوال فى البلد الزحمة دى وترحم نفسك من شد الرجل الشمال

ومبروك مرة تانية

واى استفسار انا فى الخدمة يا باشا