الراجل ده كلامه صح ولا ايه و مين يركبلي العدة دي

**mr_shims_49** · 03-10-2009 01:11 PM

سلاموا عليكوا

انا يا جماعة عندي sound system علي أدي كده مكوناته :-
1- كاسيت بايونير 6050
2- صب اوفر سوني اكسبلود 1500 وات 15 انش
3-سماعتين كينوود 500 وات
4- هاجيب كمان سماعتين بايونير 440 وات
5- جي ام 600 وات سيمفوني للاسف 2 تشانل بس للصب
6- جي ام 340 وات للسامعتين الكينوود

عايز اركبهم في عربيتي الجديد هي ابيزا 2009 و فيها اريع سماعات ابواب و اربع تويترات
المهم دلوقت انا عايز مساعدتكم في حاجتين
انا مش عايز احفر في البوردة بتاع العربية روحت لواحد قالي البوردة عندك واخدة بومبيه صعب تتعمل و لو اتعملك ممكن تبقي حمل علي البلاستيك اللي في الاجناب العربية اللي هو شايلها
فهل اعملها و خلاص و ربنا يستر ولا انا عندي فكرة تانية
بفكر اعمل للصب بوكس كبيير شوية و اركب فيه من فوق الاربع سماعات و اشيل البوردة الاصلية بتاع العربية بحيث الصوت كله يبقي داخل عندي جوه مع العلم ان البوردة بتتشال و تتركب عادي ولا كده الصوت هايبوظ؟
و عايز اعرف مين احسن واحد يركبلي و يعملي سواء البوردة او الصب بس يكون قريب من 6 اكتوبر يعني مهندسين او دقي بس انا عايز اركب النهاردة ارجو سرعة الرد

وفي حاجة كمان الراجل قولتله طب لما نجيب السامعتين البايونير كمان هنحتاج نغير حاجة في الجي ام او نجيب واحد تاني قالي لأ مش هانغير حاجة هاظبطهالك انا الكلام ده صح ولا ايه

**KoDaK_Gti** · 03-10-2009 02:22 PM

بص انا من رأيى انك تركب سماعتين بس ورا على بوردة الفابريقة
افتح فيها بس بنضافة وخلى السماعتين بعيد عن بعض بحيث لو حبيت تزود قدام تانى سماعات يبقة فى مكان على البوردة

وموضوع انك تعمل صندوق للصب مع السماعات مش هيكون حلو
نفترض انك احتجت شنطة العربية لأى ظروف هتضطر تفك كل سلوك السماعات والصب وبالتالى مش هيكون فى اى صوت

اعمل السماعات زى ما قولتلك فوق على البوردة وهما سماعتين كفايا لأنك مش هتحتاج بيز من السماعات اصلا وهتلغى البيز
حبيت تزود يبقة ممكن تشوف سماستين كلاريون قدام ويتوصلو مع السماعات

وموضوع 4 سماعات ده على امبلفاير ينفع لأن زى ما بقولك انت هتحتاج ميدرنج بس من السماعات مش هتحتاج بيز

توكيل كريون كويسين فى التركيب اللى فى احمد عرابى

**mr_shims_49** · 03-10-2009 03:03 PM

طب بس انا كان عندي مشكلة في النوبيرا مع العدة دي اني كنت بحس ان صوت السماعات ضعيف علي الصب عشان سماعتين بس
معلش ممكن تفهمني ليه سماعتين بس احسن
و هل لو انا مش بحتاج الشنطة هل موضوع كله في صندوق واحد ده له علاقة بالصوت يعني هو كده احسن ولا البوردة احسن اصلي لسه جايب العربية و مش عايز احفر في البوردة
و هل كلاريون ممكن يعملولي البوكس ولا لأ
و حضرتك ساكن فين
و معلش بتقل عليك استحملني

**محمد فريد** · 03-10-2009 03:47 PM

ايه ده يا حسام يعنى ممكن يركب 4 سماعات على جى ام 2 تشانلز

**mr_shims_49** · 03-10-2009 05:35 PM

حد يرد عليا بليييييييز
انت فين يا حساااام

**mr_shims_49** · 03-10-2009 09:41 PM

انا سألت توكيل كلاريون قالي نعملك بوردة احسن
و قالي البوردة هاتتكلف 70 جنيه
و التركيب 60 جنيه يعني كله 130 جنيه بس ده علي اساس الحاجات دي بس من غير السامعتين البايونير اللي عايز اجيبهم هل كده غالي ولا ايه النظام و ياريت يا حسام ترد علي بقية استفساراتي

**mohd79** · 04-10-2009 12:12 AM

أنا كنت عملت عن كلاريون - أحمد عرابي بورده للبولو سنة 2002 وكانت بـ 70 جنيه بالفرش بتاعها فأعتقد ان السعر كده حلو جدا

**mr_shims_49** · 04-10-2009 12:43 AM

المشاركة الأصلية كتبت بواسطة mohd79

أنا كنت عملت عن كلاريون - أحمد عرابي بورده للبولو سنة 2002 وكانت بـ 70 جنيه بالفرش بتاعها فأعتقد ان السعر كده حلو جدا

الف شكر يا باشا علي ردك و اهتمامك

**HNaga** · 04-10-2009 02:27 AM

المشاركة الأصلية كتبت بواسطة محمد فريد

ايه ده يا حسام يعنى ممكن يركب 4 سماعات على جى ام 2 تشانلز

ممكن بس السماعات هتطلع نفس الصوت و مافيش تحكم ورا و ادام و كمان الأمب لازم يدعم الأوم الجديد لان طبعا الأوم مش هيفضل 4 ياهيبقى 2 يا 8

**HNaga** · 04-10-2009 02:39 AM

المشاركة الأصلية كتبت بواسطة mr_shims_49

سلاموا عليكوا
- جي ام 340 وات للسامعتين الكينوود

عايز اركبهم في عربيتي الجديد هي ابيزا 2009 و فيها اريع سماعات ابواب و اربع تويترات
المهم دلوقت انا عايز مساعدتكم في حاجتين
انا مش عايز احفر في البوردة بتاع العربية روحت لواحد قالي البوردة عندك واخدة بومبيه صعب تتعمل و لو اتعملك ممكن تبقي حمل علي البلاستيك اللي في الاجناب العربية اللي هو شايلها
فهل اعملها و خلاص و ربنا يستر ولا انا عندي فكرة تانية
بفكر اعمل للصب بوكس كبيير شوية و اركب فيه من فوق الاربع سماعات و اشيل البوردة الاصلية بتاع العربية بحيث الصوت كله يبقي داخل عندي جوه مع العلم ان البوردة بتتشال و تتركب عادي ولا كده الصوت هايبوظ؟

موضوع البوكس اللى واخد كله ده ماعتقدش هيطلع صوت حلو ابدا
التريبلات هتضيع خالص جنب البيز

الأول ركب الهيد يونيت البيونير على سماعات العربية
سماعات الأبواب مش معمولة للبيز وخصوصا البيز الواطى -طالما عندك صب هتبقى مشكلتك فى تقوية باور السماعات - لو سماعات الفابريكة حلو و تستحمل باور - هاتلهم امب
لو ماكانش و لسه عايز باور يبقى غيرهم بحاجة انظف وأقوى

الموضوع: الراجل ده كلامه صح ولا ايه و مين يركبلي العدة دي

LinkBack

أدوات الموضوع

عرض

الراجل ده كلامه صح ولا ايه و مين يركبلي العدة دي - انشر الموضوع فى :

-

-

-

-

-

-

-

-

المواضيع المتشابهه

عايز حد كويس يركبلي فيمية!!

عايز حد يركبلي كاسيت وسماعات بس رخيص ضروررررررري

عزالعرب كلامه جر رجل

مين أفضل واحد يركبلي انذار؟

الكلمات الدلالية لهذا الموضوع

المفضلات

المفضلات

ضوابط المشاركة