الاقى نيسان صنى الشكل ده فين ياجماعة؟؟

السلام عليكم
كيفكم شباب
كنت عاوز اسأل منين اقدر اجيب نيسان صنى الشكل ده فى مصر
http://www.nissan-almasaoodautomobil...640x480-01.jpg
لانى مش لاقى الا الشكل الجديد وبصراحة تصميم غبى جدا
وشفت العربية اللى ارفقت صورتها دى من يومين هنا بمصر وحاولت اسأل عن الشكل ده بالتوكيل ومالقيتوش\ياريت حد يفيدنى بالموضوع ده ممكن اجيب العربية دى منين او ازاى هنا فى مصر
ولو تعرفو رقم معرض ممكن يخلص فى الموضوع ده او تكون عنده اصلا ياريت تدلونى عليه
واللى عنده فكرة عن مواصفاتها الفنية او سعرها كام ياريت يقول لى
تحياتى لكم وشكرا جزيلا مقدما

انا باردو شوفت زى الشكل ده كتير فى الشوارع والدركسيون بتاعها عامل زى التيدا
ومستغرب بيجيبوها من فين مع انى ماشوفتهاش فى اى معرض
بصراحة شكلها احسن من الصنى التانية من رأيي

ده الشكل الذى يباع فى الخليج، وهو يصنيع كورى فى مصانع سامسونج لحساب نيسان، هذة السيارة كان فترة بيجيبوها تجار السيارات الخليجى، لكن حاليا معرفش لسه حد بيجيبها وللا لأ، انت محتاج تسأل عند الناس اللى بتجيب عربيتا خليجى زى ناشيونال موتورز مثلا اذا كانوا لسة بيجيبوها وللا لأ

بس خد بالك إن الشكل ده سعره غالى جدا

الشكل دا هوا اللى بينزل فى الخليج من بعد الشكل اللى موجود حالياً وكان متواجد فى مصر من فترة بس معرفش اختفى ولا ايه وكنت اسمع انها كورى وكمان سعرها تقريباً 120 او 125 ألف

واللهي احنا بلد غريبة قوي يعني اية موديل موجود برة ومش موجود هنا

انا كنت فى السعودية وسألت على المودىل دة الكل كان بيشكر فى الموديل الموجود فى مصر

اقتباس:

---

المشاركة الأصلية كتبت بواسطة wal111

انا كنت فى السعودية وسألت على المودىل دة الكل كان بيشكر فى الموديل الموجود فى مصر

---

تمام كلام حضرتك
انا برضه سمعت كدا من الإمارات...
كله بيقول ان الموديل دا مش حلو زي اللي قبله اللي بيتباع في مصر.

اعتقد انها مخاطرة لو حضرتك تشتري الموديل الخليجي في مصر عشان الصيانة و الضمان

ممكن تجبها من السعودية
حد ينزل بيها وتدفع جماركها
هي هي نفس العربية الصني بس دية موديل 2008 بس في الخليج
اما احنا لازم الموديل يخلل عندنا لغية ميقول جاي والشعب يتشبع ويجيله اكتأب حاد منة عشان يحدثوة
بس العربية دية بتتصنع في كوريا مصانع سامونج وعليها علامة غير النيسان وممكن تنزل عليها علامة النيسان بس في مصانع نيسان الي في كوريا متغير الفونيس من ادام وورة وكمان الفوج ليت والفرامل abs
لكن الشكل القديم ممكن تجيبة من برة بس بلد المنشأء اليابان بس الكلام دة كان زمان مش هتلاقية اليومين دولة
وانا شايف ان شكلها تحفة اقرب ما يكون الي الاسكودا اكتافيا من وجهة نظري

الموديل خليجي ومش انصح بيها ومش ماشية كويس في سوق السيارات في الخليج

اقتباس:

---

المشاركة الأصلية كتبت بواسطة mr_sameh

واللهي احنا بلد غريبة قوي يعني اية موديل موجود برة ومش موجود هنا

---

اخى العزيز ، المسألة مش مسألة اننا بلد غريبة ولا حاجة، جميع شركات السيارات فى العالم بتعمل مجموعة من السيارات فى نفس الفئة كل سيارة منها تباع فى بلد مختلف حسب متطلبات السوق، الحكاية بس الشركات بتقسم مناطق التسويق ازاى، بالنسبة لشركات مثل تويوتا وميتسوبيشى مصر تقع ضمن نفس المنطقة التى تقع فيها دول الخليج علشان كدة بتلاقى نفس العربية بتتسوق عندنا وعندهم ، لكن لو رحت اوروبا مثلا لا هتلاقى كورولا ولا لانسر لكن هتلاقى موديلات اخرى فى نفس الفئة، اما بالنسبة لنيسان فمصر تعتبر منطقة مختلفة عن دول الخليج علشان مصر فيها مصنع لنيسان، علشان كدة نيسان تسوق فى مصر سيارات غير التى تسوقها فى الخليج بنفس المنطق الذى تسوق به تويوتا وميتسوبيشى سيارات غير الكورولا واللانسر فى اوروبا

السلام عليكم ورحمة الله وبركاتة أخوك السيد عطعوط من بورسعيد علي فكرة أنا مهندس ميكانيكا بعمل بالسعودية واشتريت السيارة الصني دي من وكالتها بالسعودية موديل 2008 وحاليا السيارة معايا وممتازة جدا جدا شكلا وجودة ونزلت بيها مصر ورجعت ونازل بيها تاني في شهر 6 القادم وبفكر ابيعها لو تحب تشتري انا هكون في مصر إن شاء الله في 15- 6- 2010 السيارة اوتوماتيك ماشية 10000 كم ولسة بأكياسها فضي ميتالك ياريت تبعتلي تليفونك في مصر أنا تليفوني بالسعودية 00966507265605

ده خليجى ياباشا ومش موجود فى مصر لدى الوكيل