المشاركة الأصلية كتبت بواسطة terrible_darsh
الخبرة مبتتمثلش فى عربيات فخمة و غالية فقط ..
اليابان ممكن تكون اكثر فخامة و شياكة من المانيا و ترفع اسعار عربياتها , و لكن تفتكر هتبيع زى المانيا ؟؟
لا طبعا !
عارف ليه ؟
لان اليابان نهضتها مبنية على احسن جودة و اقل سعر متاح ..
الخبرة مش ان شركة تعمل عربية غالية و فخمة مش دى الخبرة
الخبرة انك تعمل عربية تفضل بحالة الزيرو لسنين قدام و تفضل معاك كانها زيرو من اول الموتور لحد الكماليات و بسعر اقل من الالمانى .
شوف ميكروباصات تويوتا موديلات التسعينات شغالة ازاى لحد النهارده و محافظة على نفسها ؟؟
شوف الكورولا موديل 93 الناس لحد النهارده الناس بتحترمها ازاى و محافظة على نفسها ازاى
و لو هتتكلم على اليابانى بشكل عام فالامثال كتيرة جدا و عندك مثل منهم اللانسر الكريستاله اللى مازالت نموذج لحد الان ..
انت ممكن تشترى المانى بنفس المواصفات و لكن هتلاقيها اغلى بكتيررررر من اليابانى و دى نقطة الخبرة اللى انا بتكلم فيها ..
شوف تاريخ فولكس و شوف تاريخ تويوتا هتعرف ان تويوتا اكثر خبرة .