على فكره انت مفهمتش كلامى فى المشاركه دى بلذات صح حاول تقراها كويس تانى وتقرا اللى بين السطور انا بقولك فين الميكروباص التيوتا موديل ال 75 اللى شغال لحد دلوقتى ولو موجود كام واحد
وهل فى عربيه شغاله لحد دلوقتى من تيوتا زى البيتلز موديل 65
المشاركه اللى فاتت كانت اخر مشاركه ليه فى الموضوع وعارف ان الناس هتعتقد انى كده بستسلم بوجه نظرهم او مش عارف اقنعهم لكن الحقيقه اللى انا شايفه الناس بتاخد الحتى اللى على هواها وتسيب اللى مش عجباها او تفسرها وتفهمها زى ماهواها يميلها والأخ الفاضل اللى دخل بيقولى الدايو الليجانزا هى فين العربيه دى دلوقتى وفى منها كام عربيه واليتشرمان اللى عددها 4 أو 5 عربيات يتعدو على الصوابع منتشرتش وبقت تنافس ليه مدام هى قويه
ثم انى قلت قبل كده ان
احترم البلد والمصنع اللى يهتمو بعيملهم اللى هيركبهاويهتمو بامانه وحياته ويدولو حاجه تستاهل الفلوس اللى بتدفع فيها
بع أذن الأخ الفاضل أبو عبدالله
دا كان كلامه لما حاولو يثبتو ان الكورى بينافس اليابانى
مع احترامي لجميع الأراء
ولكن كلامي ده عن حاجات شوفتها بعيني وسمعتها من الصناعية تأكيدا لكلامي
اي واحد مع احترامي بيقول ان الكوري زي الياباني ومفيش فرق او فروقات بسيطه
يبقى بيكرر كلام سمعه وليس مع دليل
في فروقات في العربيات مش لازم تلاحظ بمجرد النظر لمنظر العربيه من الخارج
يعني هقول بعض النقاط اللي انا شوفتها بعيني وكل واحد حر انه بيعتبرها لها تأثير ولا لأ في اختياره لعربيته
ولكن انا بتكلم في فرق ولا لأ
1- ودي حاجه مهمه جدا وهيا جلفنة الصاج بتاع العربيه كله ومواد وطريقة عزل العربيه كلها
دي بقه اتحدى اي واحد بأتي بصاجه من اي عربيه كوري ويقارنها بصاجه من عربيه ياباني ويلاقي دي جلفنتها زي دي
الكوري اصل غير مجلفن
يعني بمعنى ان الصاج من الخارج ومن الداخل ايضا وتحت اللحامات بتاعت الشركة بيبقى مجلفن يعني الميه لو دخلت داخل العلب بتاعت الشاسيه مش هتعمل ولا هتأثر في اي حاجه
ولكن الكوري بيبقى من الداخل مرشوش فقط وغير مجلفن يعني بمر السنين ودخول رطوبه او ميه العربيه بياكلها الصدأ
ودي حاجه مش هتقدر تشوفها او ما تشوف العربيه وهيا جديده
ودي انا شوفتها بعيني وسمكري قالهاله لوحده وانا بتكلم معاه
وقال اللي بيقول ان الياباني زي الكوري واحد مشفشي حاجه
2- الخامات كلها في العربيتين مختلفتين
سواء خامة الكوري بتعجبك او لأ فبرضه ده مش كلامنا
احنا كلامنا انه في فرق في الجودة وبالتالي لازم يكون في فرق في السعر اكيد
من اول خامات قطع الغيار وعمرها الأفتراضي والخامات لكل العربيه كلها
مثلا خامات الدهان مختلفه تماما السيور والوصلات الخراطيم والشكمانات والكاوتش والفرش الداخلي والبلاستيك الداخلي وجودة وخامة الصاج المصنع منه العربيه
3- مسالة ياباني او كوري او الماني او امريكي دي مسألة ان في بلاد لا تسمح لخروج السيارة او المنتج من بلدها الا بمواصفات معينه ومعايير معينه لا تتنازل عنها من اجل اسمها في العالم
وهو ده الشئ اللي موجود في اليابان والمانيا وامريكا وضعيف في كوريا
يعني هيونداي معندهاش اي مشكلة ان غبور ينتج عربيات زي الزفت مع احترامي لمالكيها ولكن صناعة زفت بجد يعني
مثلا شركة مثل تويوتا لا تفتح مصنع في اي حته الا بمواصفات لا تتنازل عنها
لأنها بتحافظ على اسم لها ولازم يكون تحت ادارتهم هما
في النهاية انا عاوز الناس تسال الميكانيكية والسمكرية المحترفين وهما يقولولهم في اختلاف ولا لأ
لأن اللي شاف غير اللي مشفشي
طيب ليه السيارات الياباني أسعارها أغلى أو متساوية مع الاوروبي مع أختلاف فارق التاريخ الكبير ما بين أوروبا و اليابان في صناعة السيارات ؟؟؟؟؟؟؟؟؟؟؟؟؟؟
و ليه أحنا بنشتري ياباني و نسيب الأوروبي ؟؟؟؟
أجابة السؤال ده ..........
هي نفسها ............ أجابة سؤال حضرتك
فيه حاجة كمان .......... فيه شركات ممكن تكون قديمة و لكن مش على المستوى و فيه شركات جديدة بتكون أفضل من اللي أقدم منها ....
المهم التطور و التحسن ........ مش التاريخ
ودى مشاركه الأخ الفاضل توت عنخ أمون
ياريت نقرا دى ونقرا مشاركه الأخ أبو عبدالله وانتو تفهمو أناعايز اقول ايه
طبعا نخلى كلام الأستاذ ابو عبدالله بعد اذنه يتحول الى مكان كلمه اليابانى يبقى المانى ومكان كلمه الكورى يبقى يابانى
الموقف متشابه بالظبط
وبالنسبه للمشاركه بتاعت الأخ توت عنخ امون كان السؤال فيها
واللى هو رد عليها وقال الكلام اللى انا نقلتو كان ليه الكورى زى اليابانى فى السعر