السلام عليكم ..

اولا انا من نوعية الناس المش بتبوص العربية دى المانى ولا يابانى ولا كورى ..

انا يهمنى فى العربية انها تناسبنى ماديا و معنويا ..

بس لاقيت ان تقريبا 85 او 90 % من الناس يهمها الموضوع دة جدا ..

و لاقيت ان لما حد يقارن اليابانى بالالمانى لغرض الشراء .. ناس كتير تقوله خليك فى الالمانى .. الالمانى لا يعلى عليه ..

انا طبعا مقدر ان الالمانى ممتاز و مش بقلل من قدره خالص ..

بس ليه دايما المقارنة ما بينه و بين اى نوع اخر محسومة ..

و دى احد ردود احد الاعضاء فى موضوع مماثل

"وسعت من الناس المره دى مفيش وجه مقارنه بين التيوتا اليابانى والفولكس اللمانى
ههههههههههههههههههههههههه هههههههههههههههههههههههه
لماالناس اتكلمت وقالت الكورى بقى فى مستوى اليابانى قامت الدنيا ومقعدتش وقالو كورى ايه دا اللى جايين تتكلمو عليه
دلوقتى بقى وسعت منهم وبيقولو تيوتا احسن من فولكس
انا مش متعصب
بس بجد دى نكته ههههههههههههههههههههههههه هههههههه
تيوتا احسن من فولكس
جديده تنين
وعلى فكره اللى قال اللى مركبش اوربى مركبش عر بيات
يبقى زميلنا العزيز أحمد كمال
ياريت بس انصار السيارات اليابانيه يخلوهم واقعيين شويه ويحولوش الموضوع فى الأخر لخناقه عشان انا عارف اللى هيحصل بعدقليل "

انا حاسس انها وسعت منه هو شوية :)

يعنى ليه الناس بتحط الجيتا فى فئة اعلى من السيفيك و الكورولا و الامبريزا ..

انا شايف ان ممكن يكون من اسباب تفوقه الفخامة و الثبات و المكانيكا الداخلية ..

بس دى حاجات محدش يعرف يستفيد منها فى شوارعنا دى ..

اما العربيات اليابانية فمميزتها هى اسس البيع و الشراء هنا فى مصر .. قطع الغيار , اعادة البيع , يفهم كل الصنايعية فيها , وكلاء اليابانى كلهم افضل من وكلاء الالمانى و اسباب تانية كتير ..


انا بس عايز حد يقولى ليه ناس كتير تقول حرام عليك تقارن المانى بيابانى و بتستخف باليابانى ؟؟..

مع ان اليابان هى الافضل فى تكنولوجيا السيارات .. كل جديد دلوقتى بقا من اليابان .. من عربيات بالكهرباء لعربيات تكلم سائقها لعربيات مقصورتها بتلف 180 درجة ..

ياريت الموضوع ميقلبش بخناقة .. و انا والله مش متحيز لليابانى لانى امتلكه ,, بالعكس .. و لو رجع بيا الزمن هختار نفس الاختيارات ..


انا قلت كلام كتير بس انا فعلا عايز اعرف السبب

و مستنى مشاركتكم