استلم اللوجان ازاي؟!

**gebreel** · 03-10-2009 09:53 PM

سلام عليكم يا جماعة
الحمد لله و بعد انتظار جامد جدا هستلم اللوجان و كنت عاوز اعرف استلم اللوجان ازاي لان دي اول عربية زيرو استلمها فمش عارف هيجي معاها ايه و محمد زكي قالي ان الورق هيتأخر اسبوع فمش عارف هل ده طبيعي ولا هيطلع عيني علا ميجيبو ولا ايه؟!
و متشكر و يزيدني فخرا اني اكون لوجانوي و رينوهاوي

**mindvision** · 04-10-2009 01:49 AM

العربية بيجي معاها:
1- الكوريك
2- الاستبن
3- الكتالوج
4- كتالوج السي دي
5- الاريال طبعا

اما بالنسبة للاستلام فاتاكد من كل تفصيلة صغيره في العربية براحتك حتي صوت المرايات في القفل والفتح تتاكد منه... والابواب والسي دي والسماعات والاشارات..... الخ
وخلي بالك عشان ماتتلغبطش ساعة الاستلام ان المارشدير لمبة واحدة والشبورة الخلفية لمبة واحدة

واخيرا تمنياتي لك بالتوفيق وحفظك الله لك من كل شر

**gebreel** · 04-10-2009 08:05 AM

1000 شكر يا جماعة و ان شاء الله وعد مني بالتقيم المبدئي و النص نص و المتأني بعد مرور كل 1000 كم :) و الحمد لله بفضل الله ثم كلامكم على العربية اختارتها و الحمد لله نازل استلم كمان ساعات
1000 شكر يا جماعة لكل الناس بدون ذكر اسماء علشان مانساش حد لانكم كلكم حتى اللي قالي معلومة صغيرة كان السبب في اني اختارتها و انهاردة معرفتش انام علشان عاوز استلمها بقى :)