الموضوع: اعوجاج الجنط

الموضوع ده كان عندى بس كانت جنوط صينى
الى عرفته يومها انها هتاثر على زوايا العربيه والعربيه هتحدف منك
وبعدها غيرتهم للجنوط الحديد الاصليه بتاعه العربيه

هو هيعمل رعشة فى العربية
وفى ناس بتستعدل الجنوط

انا عارف ان فى ناس بتستعدل الجنوط وعارف الراجل القى فى الملك الصالح فوق النفق .انا القى عاوز افهمة تحديداً هل يؤثر على ترصيص الجنط لان لما روحت ارصص بتاع الترصيص القى الجنط عاوز استعدال وهايغربل معاك لانه مخبوط من الشفة فى كذا مكان ( يعنى هل مجرد ان الشفة تتخبط ويحدث بها عوجة او تطبيقة ده يسبب عدم اتزان للجنط ).

( يعنى هل مجرد ان الشفة تتخبط ويحدث بها عوجة او تطبيقة ده يسبب عدم اتزان للجنط ).

لا ....

المهندس سمير متشكر لرد حضرتك

ومعلش احب استزيد اكتر من حضرتك

بما ان هذا الامر لا يؤثر لماذا بتوع الترصيص بيقولو كده ، ام انهم مجرد ما بيشوفو اى خبطات فى الجنط بيفترض انه محتاج استعدال وامتى اعرف ان الجنط محتاج استعدال .

واسف على الازعاج

أحتمال بتبقى المنطقه المعوجه من الشفه
هى المكان اللى حيركب فيه رصاصة تعويض الوزن
أما لو عملية الوزن والأتزان كانت بعيده عن المنطقه المشوهه
فكلامهم غير دقيق علميا فى عمليات الأتزان
سواء الأستاتيكى أو الديناميكى
مع ملاحظة أن الأتزان الذى يتم على ماكينات الترصيص والمعروفه بالموتوسيكل كمثال (هو من النوع الديناميكى )

لأن ببساطه شديده الوزن الأصلى موجود (سواء الشفه متنيه أو غير متنيه )
المهم هل مكان التنيه ده حيأثر على أمكانية تركيب الوزن التعويضى ولا لا ( أى الرصاص المطلوب وضعه على حرف الجنط )

إعوجاج الجنط هيأثر معاك فى المشى يعنى هتلاقى العربيع بتغربل منك أو بترعش بعد سرعات معينع وكمان ممكن تحدف بس خالى بالك الغربله ممكن تكون مش مبينه الحدفه فحتى لو رصصت ملهاش اى لزمه غير الجنط أحسن