الحيره هاتجنيني وعايز حد ينصحني لوجه الله

**Youssef.Awad** · 05-10-2009 01:23 AM

المشاركة الأصلية كتبت بواسطة ibrahim88

nissan sunny

مع احترامى لرأى حضرتك دى عربية فاشلة جوة وبرة مصر
فعلا لولا اختلاف الاذواق لبارت السلع

**M.ABDEEN** · 05-10-2009 04:42 PM

الاكسنت قوية لكن يعيبها
الصالون ضيق قدام ووراء
التوكيل مش قوي
الثبات بعد 120 مش قوي
الياريس 1300 سي سي وسعرها مبالغ فيه ومش ثابتة مع السرعات
ممكن تخليك في الجين او البيرسونا واللي هيفرق الشكل والشنطة
وممكن الكيا ريو برده 1400 سي سي و 97 حصان وتقفيلها ممتاز وتوكيل ممتاز

**rov** · 06-10-2009 05:27 AM

انظر اتفرج علي الاوبترا
حتحقق كل اللي انت عاوزه

**khela** · 06-10-2009 09:12 AM

الياريس:
1-يابانى
2-مش حتحاج ميكانيكى لمدة طويلة(مع الاستعمال العادى طبعا)يعنى مفيش قرص وحرق والذى منه
3-مساحة داخلية واسعة عن باقى السيارات المقارنة
4- توفير بنزين رهيب
5-موتور تويوتا بما يعنية اسم تويوتا
6-اعلى جودة خامات ودة حتشوفة بنفسك لما تقعد فى جميع سيارات المقارنة
7- سعر اعادة بيع اعتقد افضلهم
8- بنسبة للثبات معنديش تجربة شخصية ليها مع السرعه بس اعتقد ان 120كم / ساعة سرعه كافية جدا لاى طريق فى مصر يعنى اعتقد دة موضوع يضايق الى غاويين يجروا على 160و170 ودى حاجة ترجع لسواقتك ومزاجك الشخصى
9- بالنسبة لضعف الاكصدام الامامى اعتقد معظم السيارات النهاردة صاجها واكصدامتها ضعيفه ويقال ان الياريس بتصميمها و خامات اكصدامها بتدى حمايه اكبر للراكب فى حالة الحوادث والله اعلم

**Ibrahim88** · 06-10-2009 10:28 AM

المشاركة الأصلية كتبت بواسطة y2y1500

مع احترامى لرأى حضرتك دى عربية فاشلة جوة وبرة مصر
فعلا لولا اختلاف الاذواق لبارت السلع

شوف هى منعرفش نقول عليها فاشلة بس سعرها بالنسبة للعربية ممتاز جدا،انا بركبها كتير،هى مش بتاعتى،بس عربية محترمة

**emadhamdy** · 06-10-2009 10:58 AM

السلام عليكم جميعا
انا بس هرد علي ملحوظه ان انا طولي 187 وبركب عربيتي مرتاح جدا وبجد ما شاء الله الجين.2 عربيه واسعه وممتازه
في الثبات الخارق
زئير قوه ماتورها المميز
تكيييف فوق الممتاز
فعلا عربيه تستحق الاحترام
بالنسبه لموضوع التقفيل ده مش معمم لاني معايا 2007 والحمد لله مفيهاش حاجه خالص
الموضوع نسبي ومش كلي
شوف العربيه علي الطبيعه وفعلا هتبهرك كل ما تقرب منها
كمان كل ما العربيه تقعد معاك هتتعلق بيها اكتر
وبردوااذا انت عايز اوسع شويه ممكن بيرسونا
يارب اكون افدت
وتحياتي للجميع

سبحانك اللهم وبحمدك ، أشهد أن لا إله إلا أنت أستغفرك وأتوب إليك

**Youssef.Awad** · 06-10-2009 02:01 PM

المشاركة الأصلية كتبت بواسطة ibrahim88

شوف هى منعرفش نقول عليها فاشلة بس سعرها بالنسبة للعربية ممتاز جدا،انا بركبها كتير،هى مش بتاعتى،بس عربية محترمة

المشكلة اللى احنا لسه بنحكم على العربية بشكلها وسعرها وحجمها
وما بنحمكش على الاداء والاعتمادية والكفاءة وقوة احتمال كافة ظروف التشغيل

مش معنى ان سعرها منافس تبقى كويسة يكفى انها عربية خفيفة وموتورها قديم يعنى صناعته والتقنية المصنوع بها قديمة مافيش تطوير حتى التصميم يا استاذ لو هانحكم ع الشكل قديم ومافيش اعادة تصميم
انا لما ركبتها مع واحد صاحبى ما عجبتنيش خالص ومفيش متعة وانت سايقها ده فيه عربيات كورى كتير احسن منها
من رأيى حرااااااااااااااااام فيها الفلوس وسيبك من موضوع وسائل الامان ده ايرباج وabs وesb والذى منه ده كله كلام هجص اهم حاجة اساسيات العربية وبعدين نشوف الكماليات
حضرتك عامل زى اللى بيقيم العربية بقوة تبريد تكييفها

**tarekabosdera** · 06-10-2009 03:08 PM

الهيونداي اكسنت تتميز بما يلي:

1- قوة المحرك الجبار . ( 1600 سي سي) بالاضافة الى تكنولوجيا cvvt اللي بتوفر في البنزين بشكل كبير جدا.

2- الاعتمادية وقلة الاعطال واكبر دليل على كده نجاحها الباهر في دول الخليج رغم الطقس شديد الحرارة والمسافات الشاسعة.ويكفيك اسم هيونداي.

3- اعتقد انها في الثبات تتفوق على الياريس.

4- تكييف ممتاز( زي كل الهيونداي).

5-مراكز الصيانة منتشرة بشكل كبير جدا وممكن تستغنى عن غبور لو عايز.

6- قطع الغيار رخيصة ومتوفرة.
................................................