الزيرو............لكن المستعمل مش مضمون
الزيرو............لكن المستعمل مش مضمون
شكرا ليك جدا ياباشا بس هية حاجة منطقية انى اجيب عربية كورى زيرو بمجرد لما احط فيها المفتاح هتنزل 10000 جنية وبعد سنة هتنزل قدهم ودة عن تجربة مش كلام وخلاص انا واحد صاحبى جاب افيو كورى موديل 2007 العربية والله نظيفة جدا ومافيهاش خدش وبايعها بكاسيت سنتريت سونى كمان ب60 الف وتقسيط وكانت هتبقى ب53 الف لو كاش وكان جايبها 74 يبقى مش حرام عليا ومعلش عربيات يابانى كتير موديل تسعينات وتمنها اغلى من كورى جديد ومستعمل موديل 2009/2008
وياريتك هتجيب الجديد يعيش معاك لا دانت كل شوية هتلاقى فية مشاكل كتير ممكن تزهقك من العربية
خلية بقى يفرح بعربية زيروووووووووووووووووووووو ووووووووووووووووووووووووو وووووووووووووووووووووو كورى
ياباني مستعمل شرط الحالة يعنى كمثال انا عربيتى عمرها دلوقتي 12 او 13 سنة وكل كام يوم يجى واحد يقلى مش عاوز تبيع هيه في الاخر وجهات نظر
طبعا كورى جديد و مبصش ولا ليابانى و لا المانى و لا عفريت ازرق.. يعنى انا لما اشتريت i10 ب 60,000 ما كنت ممكن اجيب جولف او بولو او لانسر او اى زفت و المستعمل مفهوش و لا المانى و لا يابانى ممكن تلبس عربية تخليك تكره العربيات و اقعد غير بقى يا معلم.. زى واحد صاحبى كان عنده عربيتين غيرهم مع بعض و اشترى النترا 2006 زيرو (الشكل القديم) وopel vectra 2000 cc automatic مستعملة و بعد كام شهر الفتيس الاوتوماتيك باظظظظظظظظظظظ فيها ده غير انها عطلت بيه راح بايعها.
قولى بقى استفاد ايه؟؟؟؟؟؟؟؟؟؟؟؟؟؟؟؟؟
يابانى مستعمل بس المهم تكون حالته نضيفه
معلش انا مش بجيب عربية مستعملة وباخدها وبمشى لا لازم تتفحص كويس واكيد ودية حاجة معروفة انت بتجيب عربية مستعملة يبقى تعمل حسابك بعد ماتشتريها انك تشيلها كام الف كدة حسب نوع العربية طبعا وتظبطها بيهم وترجعها كانها زيرو وبعد اسبوعين بالظبط هتحس ان العربية بتاعتك من الاول وانت عارف عنها كل حاجة. وانت لما بتيجى تشترى عربية مستعملة مش بتفاصل مع صاحبها وتقولة لأ دية فيها وفيها عشان تنزلك كام الف ودول بقى اللى بتظبط بيهم العربية وترجعها جديدة
لكن ياباشا لو جيبت عربية زيرو ومعجبتكش هتعمل اية هتبيعها بكااااااااااااااااااااااا م طبعا بالنسبة للكورى اكيد هتبيعها بخسارة كبيرة مش اقل من 10000 الف جنية وعلى فكرة دة حال كل العربيات الجديدة وخاصة البى ام والمرسيدس ممكن يخسروا فوق 60 الف جنية مع اول 20000 الف كيلو بالعربية بس عشان حاجة اللى راكب بى ام ب600 الف وحب يبيعها لازم ينزل فيها جامد عشان عارف ان اللى هيشترى دية مش هتفرق معاة 20 الف جنية فهيجيبها جديدة احسن عشان كدة بتنزل جامد
لكن بقى الكورى الناس اللى يدوبك بتجيب عربية تمنها كلها مايزيدش عن 100 الف جنية وتبيع العربية بعد كام كيلو ب85000 تعمل اية
وكمان انت عندك عربيات يابانى كتير برقبة الكورى من موديلات 1990 لحد 2007 حرام ادفع فى حاجة جديدة وعارف انها هتقرفنى على المدى القريب فى كل حاجة ان مكنش فى قطع غيار يبقى فى تحمل يبقى فى صاج ومشاكل فجاة طيب انا (هاقولك حاجة بس تجاوبنى بصراحة شوفت كام عربية كورى جديدة بتتصلح او عطلانة) انا عن نفسى ويمكن ماتصدقهاش
3 عربيات فيرنا فى يوم واحد عطلانين على الطريق والانترا 2008 كانت على كوبرى قصر النيل طبعا دايو لانوس كتير جدا وغالبا الموديلات اللى بشوفها عطلانة عن اى نوع كورى هية الهيونداى بجميع انواعها
خلاصة الكلام فية ناس بتحب الجديد وراضية بية وناس بتحب المستعمل النضيف لانها بتشوف ان دية عربيات لايمكن تعويضها مهما حاولوا لان يوم عن يوم اللى بتعملوا الشركات انها بتحاول تقوى الماتور على حساب الشاسية والمتانة وبالتالى كثرة الحوادث ودة الكورى باختصار شديد جدا
وبعدين هاقول حاجة بسيطة جدا الكورى موديل 2006 مستعمل 1600 سى سى بتمن عربية يابانى موديل 1994 يبقى ايهما (افضل)
ولو عايز امثلة ممكن اقولك بس هتلاقى كتير جدا
كورى جديد اكيد
انا معاك ان اليابانى بصفة عامة احسن من الكورى بس مش للدرجة اللى انت بتقولها دى اهم حاجة اسلوب السواقة والمحافظة على العربية ويمكن الاخ محمد ممدوح فى منتدى الدايو قبل كده عرض صورة عربية لانوس عملت مليون كم بدون اى مشكلة يعنى اكيد صاحبها من النوع المحافظ عشان كده الواحد بيفضل الزيرو عشان يبقى هو اول واحد ركبها وعارف ايه اللى فيها
اما تعليقك انك شفت 3 فيرنا عطلانين وكذلك اللانوس فطبعا ده شئ طبيعى العملية نسبة وتناسب بين مدى انتشار السيارة فى البلد والسيارات المعطلة يعنى الهيونداى والدايو بيستحوذوا لوحدهم على اكتر من50% من عربيات البلد فالطبيعى ان السيارات المعطلة تبقى منهم طيب انا مشفتش والله العظيم عربية سبيرانزا ولا جيلى عطلانين وشفت عربيتين كورولا ولانسر عند الميكانيكى يبقى طبقا لكلامك الصينى احسن من اليابانى :ma: