انت عمرك ماهتلاقى صينى بيتصلح عند ميكانيكى لان مالوش قطع غيار الا فى التوكيل
تانى حاجة الصينى اللى بيجيبة مابشدش بية او بيفترى علية لانة عارف انة راكب عربية ورق مش هتستحمل وربنا بيسترها فى الاول والاخر انا معاك ان كل العربيات معرضة انها تعطل فجأة حتى لو جديدة بس يبقى العيب هنا فى العربية لو اتكرر نفس العيب فى اكتر من عربية وبدون سبب زى مثلا النيو اكسنت اللى بتنزل بباور كهرباء الباور دة فية عيب بيخلى الدركسيون يقفش مايتحركش فبيؤدى اللى حوادث لاقدر الله وعندك بردة اغلبية الكورى الجديدة فراملة ضعيفة وبالذات منتجات هيونداى كلها يعنى معلش شركة زى مابتقولوا تكنولوجيا عالية مش عارفة تعمل حتة فرامل من غير حتى abs يبقى ازاى
بس اللى مش ممكن ان اى حد ياخد بالة من حاجة ان دة راجع لسببين
1:ضعف جودة الفرامل المستخدمة فى السيارة بسبب الخامات الرديئة
2:ان العربية بيبقى ماتورها اقوى من العربية فامتحسش بقوة الفرامل لان الشاسية خفيف على الماتور ودة اللى مخليها فى الضياع ودة حال كل الكورى انا عن نفسى اعترف للكورى بس فى المواتير وبردة مش على المدى البعيد يعنى كام سنة والماتور بيودع بدرى بدرى
وعندك مثلا السيارات ومشاكلها ولو حد يعرف حد معاة العربيات دية وملاقاش المشاكل دية فيها يبقى ربنا يباركلة بس تكون قعدت معاة على الاقل سنتين:
1:دايو لانوس:علبة دركسيون وفتيس وكبالن
2:دايو نوبيرا :جلب مقصات وعلبة دركسيون وبارات كل فترة قصيرة
3:فيرنا:مشاكل فى الفرامل,اهتزاز للطارة بعد 130 وعند الفرملة,مشاكل فى حساس الهواء بتاع البوابة وحبة حاجات كدة كتير انا بس جيبت الاهم
النترا:فقدان قوة المساعدين الخلفية بعد فترة قصيرة لو انت بتحمل العربية على فترات متقطعة (حمولة عادية) ضعف الفرامل,صوت عند تغير نقل السرعات سواء اتوماتيك او عادى وانا بكرة الصوت دة جدا تحس ان الفتيس مش متربط من جوة
كيا:مقدرش احكم عليها لانى ماركبتش غير سيفيا وشوما بس وطبعا دول موديلات بقالها كتير بس اقولك انى ركبت كيا شوما ابن خالتى صرف عليها 10الاف جنية فى حبة حاجات ملهاش لازمة وكان جايبها 74 باعها بعد 3 سنين ب49 الف شوف بقى الخسارة قد اية
وطبعا اشتراك كل الكورى فى حاجة واحد قطع غيار رخيصة
ضعف عند تشغيل التكيف فى السحب
قطع غيار غير معمرة
انما اليابانى ماشى بقال قد اية بس الله ماشاء الله عربيات تركبها كانك راكب عربية 2008 مش موديلات 90 ودة الفرق زية زى الالمانى وممكن على فكرة تلاقى الحل بسهولة جدا وتقتنع بكلامى ان يابانى مستعمل موديل مثلا 94,95,96 بتكون بتمن الكورى المستعمل وساعات بتمن كورى جديد وعالى كمان طيب(ازاى) اكيد فية حاجة مميزة بتخلى سعرة عالى عن الجديد او موازى لية مع انها عربيات شغالة بقالها مثلا 15 سنة
طبعا بتكلم عن الحالات النظيفة ودة وارد فى عربية حتى لو2008
لانى مرة شوفت ومش مصدق لحد دلوقتى باجيرو 2007 ماتورها مفوت وبيطلع دخان ازرق ولا كانها شغالة بقالها 100 سنة فعادى جدا