هل من الضرورى تنضيف الرشاشت قبل تركيبهم؟ أصل أنا لسه مغيرهم برشاشات اكسنت بس الميكانيكى ما نضفهمش قبل التركيب
برجاء الافادة
عرض للطباعة
هل من الضرورى تنضيف الرشاشت قبل تركيبهم؟ أصل أنا لسه مغيرهم برشاشات اكسنت بس الميكانيكى ما نضفهمش قبل التركيب
برجاء الافادة
حط منظف رشاشات لو الرشاشات استيراد
لو جداد يبقى انت مش محتاج حاجة
MMamdouh
امبارح سألت فى المحترفين عليهم ولقيت ناس بتقول بتوع الفيكترا كمان بيركبوا
غالبا حتلاقيهم بوش برضة زى بتوع الBMW
MMamdouh
غالبا كانوا بوش بس المسكلة انك بتلاقى كل واحد ليى رأى وكمان انت عارف شغل الصنايعية حافظين مش فاهمين يعنى لو دخلت معاة فى نواحى فنية هيفصل منك
جبت اسبراى منظف وفرق شوية لدرجة انى فكرت افك الرشاشات انضفهم واركبهم تانى :) بس قلقت لأنى معرفش طريقة فكهم ومش عندى ال service manual
الفك و التركيب سهل جدا... كل المطلوب تفضى الضغط من دورة الوقود و بعدين تفك المسطرة و تشيل الكلبسات بتاعت الرشاشات و الفيش و تشدهم من المسطرة
المشكلة ان التنضيف الخارجى للرشاشات ولا يفرق حاجة خالص... الفرق كلة فى الرشاش من جوة
MMamdouh
اكيد طبعا بس من جوة هتنضفهم ازاى!!! بيبقى المفروض فى جهزة تنظيف فى التوكيلات بس هنا بيغير على طول :s والاظرف بيقولك انها فعلا فيها مشاكل وعلشان كدة مش بيدوا عليها ضمان
انا جربت مرة احط علبة تنظيف دورة البنزين فى التنك وكان التنك خلاص بيخلص حطينها ومشيت بيها لحد البنزينة (يعنى كان حوالى كيلو مثلا) قلت يمكن التركيز يعمل فيها فرق :) لما وصلت البنزينة كانت بتخرف و تسقف ودة معناة ان المنظف تمام ..بس محستش بفرق اوى برضة :):):)
اكيد يانجم رشاشات الالينترا احسن
وكمان مبتاخرش فى دوارة العربية
التنظيف الصح بيبقى عن طريق ماكينة الالترا سونيك
استخدام المنظفات مش فعال بالدرجة اللى انت متخيلها خصوصا لو الرشاشات بداءت فعلا تتسد
كدة مش صح.... التركيز العالى للمنظف ممكن ياكل الخراطيم الكاوتش بتاعت دورة الوقود و ياثر بالسلب على اداء العربية
عايز تركيز ابقى حط المنظف على نث التنك بس مش اقل من كدة
MMamdouh
هيا كانت مرة واحدة وكنت عامل حسابى ان المسافة متبقاش كبيرة انا كنت شارى العلبة وسايبها معاياي وقبل البنزينة بحاجة بسيطة حطيتها
انت عندك حق فى موضوع تنظيف الرشاشات العلب دى اصلا وقاية مش علاج يعنى المفروض بتستخدمها بصفة دورية حسب التعليمات على كل علبة بس هيا فين اجهزة الالتراسونيك ؟!!! التوكيل ميعرفش غير حاجة واحدة بس ..التغيير.. :rolleyes:
فى محل المنير كانوا قالولى على ورشة فى فيصل عندها ماكينة الالترا سونيك
MMamdouh
لو سمحتوا ياجماعة
حد بيعمل موضوع الرشاشات دة في الأسكندرية؟
ودة علشان لانوس 2 موديل 2000
السلام عليكم ...انا سمعت ان رشاشات الاوبيل فكترا احسن بانسبة للنوبيرا........صح ولا خطأ
احسن من ناحية ايه؟ لو هى بوش تبقى هى هى بتاعت الBMW بس ممكن تبقى اغلى
MMamdouh
إخواني الافاضل جزاكم الله كل خير علي هذا المجهود الجبار وخصوصا الاستاذ ممدوح والاستاذ شريف خليفه دي اول مشلركه ليه في هذا المنتدي الرائع فيا ريت تسمحولي اشارك بسؤال بسيط انا لسه شاري نوبيرا 2004 والعربيه بتاكل بنزين جامد وبتغيب في الدواره فعايز اعرف اذا كان يمكن اغير برششات بي ام ام40 ولا لا
وجزاكم الله كل خير
ينفع طبعا
MMamdouh
رشاشات الفكترا هى gm
مهندس ممدوح جزاك الله كل خير علي المعلومات القيمه انا فعلا نزلت الحرفيين وغيرت الرششات الي ام40 وكمان غيرت الموبينه لان الكهربه بتاعتها كانت ضعيفه جدا وعلي فرات معايا جامد في الدواره والسحب واستهلاك البنزين والف الف شكر علي هذه المعلومات القيمه.
Mohamed
سلام:
أنا أخوكم من الأردن، و عندي سيارة لانوس 96
استفدت كثير من هادي المعلومات و الله يبارك فيكم و فيكم الخير...
المشكلة:
1- أغلب الأسماء اللي بتستخدموها ما بتكون نفسها عنا.
2- ما في أي حد من الأردن ممكن اتناقش معه و أروحله و أخليه يشوف السيارة.
ما بحب أروح على الميكانيكيين لأنهم تعاملهم صعب، و إذا مش صعب مستحيل،، إلا إذا كان بده يدفعك مبالغ كبيرة.. و هذا الكلام غير مطبق على الكل.
المهم بارك بارك الله فيكم...
:7bteen:
اهلا بيك
وقت ما تلاقى اسم استعملناه و غير دارج عندكم ابقى قولنا عليه و احنا نديلك الاسم الانجليزى او صورة المكون اللى بنتكلم علية و انت تشوف هو اسمه ايه فى الاردن
MMamdouh
متشكر جدا أخي محمد، و بصراحة أنا جدا مبسوط انه صادفت هذا المنتدى و اعجبتني معرفتك و جرأتك في موضوع السيارات خاصة بالدايو لانوس.
بارك الله فيك و في الاخوة الموجودين و الله يكتر خيركم و خبرتكم.
انا احمد ابوزيد من الاسكندرية و مشارك جديد معاكم و باشكركم كتير جدا جدا على كل من ابدى براى صائب فى هذا الحوار عن رشاشات اللانوس لانها بجد معلومات قيمة جدا و ربنا يبارك فيكم ان شاء الله
ممكن اعرف تمن علبه البيئه للانوس 99 كام
بصراحه وفيتوا الموضوع
الشكر للجميع على المجهود الرائع
الرشاش ده بكام بتاع البى ام و ينفع الطقم منه فى اوبل فيكترا 1995 = 2000 سى سى و لا يعمل مشكله
لحسن الخبراء الأجانب قالوا لازم كل عربية ليها رشاشاتها
ممكن يا جماعة حد يقولي اجيب الرشاشات بتاعت ال bmw الاستيراد من فين بالظبط ولا انزل الحرفيين وبتوع الbmw هيكونوا معزوفين و لو فيه حد في مصر الجديدة بيبيعهم يبقى احسن
معلش يا جماعة كمان عندي سؤال هو انا اجيب رشاشات اي موديل bmw ولا لازم موديل معين وكملن وانا بشتري اعرف ازاي ان الرشاشات سليمة ولا انا اشتري بي البركة كده و خلاص
did you read the topic??
MMamdouh
أستاذ/ ممدوح
رأيك مطلوب في هذا الموضوع
http://www.nilemotors.net/Nile/showthread.php?t=60057
اية انا قرات الموضوع كله وحدش جاب سيرت الموديل الناس قالت Bmw
3500cc والناس قالت على المكان الحرفين وبس محدش قال اسامي
BMW M40 1600cc
انا ركبت انهارده رشاشات ال bmw
شكرا يا جماعة لكل واحد شارك في الموضوع الجامد
يس انا عندي استفسار انا روحت كشفت على العربية بالكمبيوتر قبل ما اركب الرشاشات وقالولي ان انا محتاج رشاشات وحساس اكسجين يا ترى اجيب الحساسات بتاعت اللانوس ولا اجيب بتاعت حاجة تانية
هات بتاع اللانوس
MMamdouh
شكرا
استاذ ممدوح و انا نازل اشتريهم بكرة إن شاء الله
انا معايه جوليت 99 ومعدل استهاك البنزين جوه البلد وبراها 255 كيلو/صفيحة وده المتوسط ، انا من الإسماعيلية
وكنت متدايق جامد لإن السياره مكانتشي بتدور من أول مرة كان لازم ادورها مرتين وأزودلها بنزين كمان وكنت باسمع برجله في الموتور عند بداية الدواره كانت مدايقاني خالص.
فرحت لميكانيكي متخصص للدايو هنا في الإسماعيلية فقلي هغيرلك الرشاشات برشاشات هيونداي استعمال كوري وفعلا غيرهم في خمس دقائق ومن ساعتها والسياره بتدور من أول تكة ومن نفسي غيرت البوجيهات.
وخلال يومين كده هأحسب استهلاك البنزين وأبلغكم