نزلت النهارده اشترى انذار لان الاصلى الريموت بتاعه اتكسر
لقيت 3 انواع
سيمفونى تيوانى
وولف
سباى
شفت الشكل بصراحه السيمفونى شكله جميل بس مش عارف كنت شفت هنا ان الوولف افضلهم
ايه رايكم ؟؟؟؟؟؟؟؟؟؟؟
عرض للطباعة
نزلت النهارده اشترى انذار لان الاصلى الريموت بتاعه اتكسر
لقيت 3 انواع
سيمفونى تيوانى
وولف
سباى
شفت الشكل بصراحه السيمفونى شكله جميل بس مش عارف كنت شفت هنا ان الوولف افضلهم
ايه رايكم ؟؟؟؟؟؟؟؟؟؟؟
انا كان عندى الولف و باظ بعد 4 شهور
بصراحة الولف امكانيات عالية ومجال الاستقبال كبير بصراحة عندي كويس
انسى اي حاجة وهات الوولف
ليه ما في كذا موضوع هنا عن spy 2way وبيقولوا ممتاز
متابع باهتمام
معلش سؤال
حضرتك اشتريته ولا حد اكلم عنه
لانى شاريه من التوكيل نفسه 330 جنيه
وصينى
وهما نفسهم قالوا ان مداه 300 متر او بالكتير 400
http://www.nilemotors.net/Nile/49832-a.html
http://www.nilemotors.net/Nile/69604...car-alarm.html
هوا للعلم
السيمفونى كان ب 165
الوولف 160
سباى تقريبا 150 بس مش متاكد
بس حسيت ان السيمفونى ريموته شكله شيك جدا وشكله اجمد كمان فى الخامه من الوولف هوا صغير ونيكل من الجنوب وفى زرار لفتح الشنطه (مكنتش اعرف انه ممكن ) لان العربيه مفهاش فتح الشنطه من الريموت فى الاساس مش عارف تشتغل والا لا
-بالنسبه للولف هل هوا مصرى المانى ؟؟؟؟
أيوه يا باشا كلامك مظبوط وسام اختلط عليه الأمر عشان العلبتين كانوا جنب بعض اصلي كنت معاه لما شافه النوع اللي وسام باشا بيتكلم عليه ده حاجه تانيه 2 واي برده موجود في التوفيقية ومداه الفعلى 1000 متر عن تجربة الناس اللي في المحل وده فعلا سعره 950 جنيه انا الحقيقة مش فاكر كان اسمه ايه
لكن الspy سعره زي ما حضرتك بتقول
الماركة
spy
نوع الانذار او نقول تقنية التشغيل
2 way
وده بيكون فى الريموت شاشة بتبين اللى بيحصل للعربية على الريموت اللى معاك
بتتخبط والانذار اشتغل
الباب اتفتح
قفلت العربية
فتحتها
وده اللى ركبته وهوة اللى احمد اسماعيل ركبه فى السيراتو فى موضوعه فوق
واتمنى انك تقرا الموضوع ده وتشوف صور الجهاز هل هوة اللى 950 ولا النوع اللى استاذ وسام اتكلم عنه ده نوع تانى
وانا اشتريته من التوكيل فى التوفيقية مش من محل تانى
لا من محل غريب
اول ممر يمين فى التوفيقية
وماكنش فيه غير الموديل ده وموديل تانى اللى هوة الانذار العادى
انا مستغرب من حاجة ان التوكيل يكون نزل نفس الموديل بسعر اعلى تلات مرات او ان البياع اللى كلمكم مش عارف حاجة
انا ركبته من 5 اللى فات
الحمد لله كويس
مداه حوالى 400 متر
وكمان ممكن اكون فى التالت وشغال عادى
الافضل توديه لادريان او كلاريون
انا ركبت جهازين عند ادريان
واحد فى الهرم
تعبونى فى التقفيل
وواحد فى جامعة الدول
وتقفيلهم نظيف
هما بس تاخد بالك من مكان اختيار السارينة وعزل السلك بتاعها
ولاحظ ان فيه اريال
لازم يتركب فى مكان بعيد عن الصاج ب 10 سم
انا لزقته فى ظهر المرايا بتاعت الصالون
واحمد اسماعيل قاللى انه لزقه فى الزجاج الامامى وده اداه مدى اطول
بس انا قلت ابعده عن الشمس شوية
تركيبه ب 75 جنيه
على فكرة فيه نوعين
القديم
شاشة الريموت لون اخضر بس
فيها زرار واحد قدام
الاحدث
الشاشة بتتغير الوانها معاك
الريموت فيه زرارين قدام
وكلامى هنا عن الريموت اللى بشاشة مش العادى
هوة بس عيبه انه بياخد بطارية aaa كل شهر
بس
وعلى فكرة انا اعرف ان توكيل الانذار الولف كويسين فى التعامل
الوولف فى التوفيقية شفته ب 200 جنيه من غير تركيب
انا مركبه و زى الفل
طب يا جماعة عاوز اشترى انذار ومحتاج اعرف كل نوع بكام والامكانيات بتاعته ايه عشان اقدر احدد الانذار الى هشتريه.
خش على موقع وولف و شوف الشكل اللى يعجبك
إمبارح إشتريت spy 5000 من التوفيقية ب 340 جنيه - الكهربائى ركبه ب 40 ج - الجهاز 2 ways يعنى الريموت أبو شاشة بيستقبل من الإنذار ويبين حالة السيارة - الريموت به vibration +sound notification و مداه كبير لوجود إريال ب كابل متصل بالإنذار - أعتقد إن ده من أفضل الأجهزة:biggrin2:
http://www.nilemotors.net/Nile/69604...car-alarm.html
شكله جامد قوى
أشكركم يا جماعة - الجهاز حلو بس الريموت الشاشة كبير نوعا ما - الإريال مثبت ف الشبكة السوداء خلف مراية الصالون - المدى بتاعه معقول بالنسبة لتجربة سابقة مع الولف - الريموت بيعمل إنذارصوتى و فيبراشن لو خرجت و نسيت تقفل العربية - الجهاز معاه خريطة كاملة للتوصيل بكافة إحتمالات السيارات. للأسف لا يوجد أى معلومات أقدر أضيفها حاليا يادوب يومين لكن أوعدكم إذا جد شى أقولكم عليه فورا:36_3_10[1]:
انا ركبت االنذار النهارده والراجل خد 70 جنيه تركيب فى الانذار ووحدتين رفع وجه واحد بتاع ابواب يرجبلى فتح الشنطه من الريموت فضل ساعه كده ومعرفش
http://img188.imageshack.us/img188/149/an163676x507.jpg
مع كامل اللاحترام لكل الاخواه .
الانزار السييمفوني عمره ميكون تايواني ده والله مصري هو والولف والاتنين ميتخيروش عن بعض زي الزفت
لو عايز حاجه كويسه ممكن spy العادي او spy 2way او الفوما او الكوبرا دول كويسين جدا
واحسنهم spy 250 شامل التركيب والضمان +450 spy 2way شامل التركيب والضمان
يا ريت تفيدونا برضه انا معايا دايو موديل 92 و عاوز اركبلها انذار بمفتاح ريموت .. انا شايف كله بيشجع النوع بتاع الولف ..
و عاوز اركب وحدتين رفع للازاز الكهرباء .. تمنهم كام دلوقتي .. انا كنت مركبهم في اللانسر من سنتين ب150 .. اكيد رخصوا ولا ايه ؟
يا ترى موضوع الانذار الولف بوحدات الرفع ده هيكلف كام و منين احسن مكان اشتري منه وهل اي كهربائي بيركبهم عادي ولا لازم ادريان ؟
spy كان موجود برضه واقلهم سعرا ب 140 باين واللى معجبنيش فيه شكل الريموت مش حلو
سيمفونى والشكل دا ب 160اقتباس:
الف مبروك لحضرتك بس حضرتك ما قولتش هو نوعة ايه وبكام
انا شارى الوحدتين الرفع الواحده ب 40 جنيه تيوانىاقتباس:
يا ريت تفيدونا برضه انا معايا دايو موديل 92 و عاوز اركبلها انذار بمفتاح ريموت .. انا شايف كله بيشجع النوع بتاع الولف ..
و عاوز اركب وحدتين رفع للازاز الكهرباء .. تمنهم كام دلوقتي .. انا كنت مركبهم في اللانسر من سنتين ب150 .. اكيد رخصوا ولا ايه ؟
يا ترى موضوع الانذار الولف بوحدات الرفع ده هيكلف كام و منين احسن مكان اشتري منه وهل اي كهربائي بيركبهم عادي ولا لازم ادريان ؟
وكان فى طقم spy للاربعه بس بيرفع شباك شباك ب 75
من عند العراقى (المنصورة)
اسمهم حاجه زى excharger باين ودول بيرفعو الاربعه فى نفس الوقت
الأخ cyber007
منين شكل مفتاح السنتر ده ... علشان أنا معايا نفس الشكل بالظبط وتكسر منى ... واتمنى اجيب نوع النوع ده
يا ريت تقولى فين وبكام تقريبا