يا جماعه حد يقولى مين فينا الصح

بسم الله الرحمن الرحيم

دى يا جماعه اول مشاركه ليا هنا فى المنتدى و إن شاء الله مش هتبقا الاخيرة
بس واضح بجد ان المنتدى هنا فيه ناس فاهمه جدا عشان كده دخلت استفسر منكو عن حاجه

نخش ف الموضوع طوالى
دلوقتى فيه واحد صاحبى على طول بيحب يفتى فى العربيات بعلم وبدون علم
و بصراحه كلامه خلانى اشك فى معلوماتى عن الفئات المختلفه للفولكس فاجن

اول حاجه انا بقولو ان مكنه الجيتا تقريبا هيه هياها مكنه ال a5 وهو بيقولى ان كلامى غلط

تانى حاجه انا بقولو ان مكنه الجيتا تقيله و التيوتا واللانسر والكلام ده كلو يطلع منها ( 1600 سى سى طبعا )
وهو بيقولى مستحيل لان الجيتا عربيه المانى واحسن واقوى من اليابانى والعربيه ب 190 الف جنيه مش من فراغ واكيد المكنه اخف واحسن

تالت حاجه لقيتو بيقولى انهرده ان مكنه الجيتا والجولف وال a5 و الباسات هيه مكنه واحده مفيش بينهم فرق

رابع حاجه بيقولى ان الجيتا 92 حصان !!

انا مش عارف بجد اقولو ايه الراجل ده
ياريت حد فيكم يقولى مين فينا الصح جايز يكون هوه مظبوط وانا اللى غلطان
مستنى ردودكم يا رجالتنا

1- مكنه الجيتا هى الأيه 5 مفيش جدال اللى هى أم بى اى
2-التيوتا والانسر يطلعو من الجيتا فى الأول بس بعد كده هات منظار عشان تبص عليهم ورا
3-لأ طبعا فى فرق بين مكنه الجيتا والجولف والباسات
بالنسبه للموجود من الموديلات الحديثه
الجولف المكنه بتاعتها تى أسى أى 1400 سى سى وفيها تربو تشارجر
الجيتا لحد دلوقتى لسه بينزلوها بالمكنه الأم بى أى والكلام دا هنا فى مصر
الباسات بتنزل دلوقتى بمكنتين مكنه تى أسى أى ومكنه أف أس أى
واحده 1400 سى سى 120 حصان والتانيه 1600 سى سى بس مش متذكر الهورس باور بتاعها
أما صاحبك دا فهو فتاى من الدرجه الأولى

قبل اختراع المكن ال tsi

موتور الجولف 5 والجيتا والأوكتافيا a5 والباسات المانيول والسيات الليون موتور واحد بتصميمين

وحروف الموتور bse وbsf وهو موتور 1600 سي سي 105 حصان

الله ينور يا رجاله على المعلومات

اقتباس:

---

المشاركة الأصلية كتبت بواسطة m.mostafa80

1- مكنه الجيتا هى الأيه 5 مفيش جدال اللى هى أم بى اى
2-التيوتا والانسر يطلعو من الجيتا فى الأول بس بعد كده هات منظار عشان تبص عليهم ورا
3-لأ طبعا فى فرق بين مكنه الجيتا والجولف والباسات
بالنسبه للموجود من الموديلات الحديثه
الجولف المكنه بتاعتها تى أسى أى 1400 سى سى وفيها تربو تشارجر
الجيتا لحد دلوقتى لسه بينزلوها بالمكنه الأم بى أى والكلام دا هنا فى مصر
الباسات بتنزل دلوقتى بمكنتين مكنه تى أسى أى ومكنه أف أس أى
واحده 1400 سى سى 120 حصان والتانيه 1600 سى سى بس مش متذكر الهورس باور بتاعها
أما صاحبك دا فهو فتاى من الدرجه الأولى

---

اشكرك يا باشا على ردك القيم ده وانا دلةثتى اتاكدت انو فعلا بيفتى
شكرا ليك ولكن احب اعرف منك معلومه
لمااللانسر تشد مع الجيتا هتطلع منها فى الاول سليم ؟؟
اللانسر بقا هتفضل متفوقه على الجيتا لحد سرعه كام ؟؟
يعنى انا عاوز اعرف تقريبا السرعه اللى الجيتا هتتفوق فيها على اللانسر !! وشكرا يا بوب

اقتباس:

---

المشاركة الأصلية كتبت بواسطة umoussa

قبل اختراع المكن ال tsi

موتور الجولف 5 والجيتا والأوكتافيا a5 والباسات المانيول والسيات الليون موتور واحد بتصميمين

وحروف الموتور bse وbsf وهو موتور 1600 سي سي 105 حصان

---

معلش انا مش فاهم حضرتك خالص
ياريت لو امكن حضرتك تعلق على الكام سؤال اللى فى الموضوع عشان اقدر استفيد وافهم سيادتك
شكرا مقدما يا كبير

اقتباس:

---

المشاركة الأصلية كتبت بواسطة chester16583

الله ينور يا رجاله على المعلومات

---

شكرا على مرورك يا جميل واتمنى لو حضرتك تعمل تعليق بسيط على الاسئله لو امكن

إيه الي انت مش فاهمه؟ أنا مش شايف حاجة في كلامي صعبة، انت بتسأل على المواتير الموجودة في العربية وأنا رديت عليك، ركز بس في الكلام وانت حتستوعب أصلها مش كيمياء.

بس لو انت مش فاهم الفرق بين mpi وfsi وtsi دا يبقى موضوع تاني خالص وكده تبقى انت لا فهمتني ولا فهمت محمد في كل الي هو قاله!!!!

وبعدين حكاية تفوق عربية على عربية تانيى دي مسألة نسبية وتعتمد على طريقة القيادة. دا مش سؤال فني إطلاقاً
لأن بمنتهى البساطة ممكن واحد راكب لانسر مبيعرفش يطلع بالعربية صح وواحد راكب جيتا يطلع منه

انت لو بتتكلم بقى في فنيات تقارن بين:
وزن العربيتين
الحمل على كل عجلة
عزم الدوارن
القدرة القصوى عند كام لفة للموتور
معدل استهلاك بنزين
مواصفات البيئية (ودي ليها علاقة باستهلاك الوقود)
نوع الزيت المستخدم
نسب الفتيس

في كلام تاني خالص مفروض تسأل عنه مش موضوع مين يطلع من مين
النقاط الي انا قولتها دي أصلا ولا حاجة بالنسبة لإمكانيات العربية والمقارنة برضو عمرها ما حتيجي في صالح الانسر في ولا نقطة

ومن الواضح انك عمرك مركبت فولكس علشان كده مفهمتش المقصود بحروف الموتور، بس مش عيب مين كان عارف

بص هو عادتا نظرا لخفه وزن السياره الانسر مع الموتورالجيد فى بعض الأحيان تتفوق الانسر فى التجميع ودا فى عامل مهم وهو أن سواق العربيه نفسه يقدر يطلع قوه العربيه الكامنه أزاى ودا بيبقى لحد سرعه 100 كيلو وبالنسبه للجيتا نظرا لوزنها الأذيد من الانسر فانها ابطئ قليلا وترجع بردو للسواق فى التجميع لحد سرعه 100 بس بعد كده عينكم ماتشوف الا النور حدث ولاحرج فى حاجات كتير تجميع الجيتا فى السرعات بعد كده هيفوق الانسر بمراحل دا غير ثبات دى فى السراعات العاليه عامله أزاى وثبات دى فى السرعات العاليه عامله أزاى فهمت ياصديقى

اقتباس:

---

المشاركة الأصلية كتبت بواسطة umoussa

إيه الي انت مش فاهمه؟ أنا مش شايف حاجة في كلامي صعبة، انت بتسأل على المواتير الموجودة في العربية وأنا رديت عليك، ركز بس في الكلام وانت حتستوعب أصلها مش كيمياء.

بس لو انت مش فاهم الفرق بين mpi وfsi وtsi دا يبقى موضوع تاني خالص وكده تبقى انت لا فهمتني ولا فهمت محمد في كل الي هو قاله!!!!

وبعدين حكاية تفوق عربية على عربية تانيى دي مسألة نسبية وتعتمد على طريقة القيادة. دا مش سؤال فني إطلاقاً
لأن بمنتهى البساطة ممكن واحد راكب لانسر مبيعرفش يطلع بالعربية صح وواحد راكب جيتا يطلع منه

انت لو بتتكلم بقى في فنيات تقارن بين:
وزن العربيتين
الحمل على كل عجلة
عزم الدوارن
القدرة القصوى عند كام لفة للموتور
معدل استهلاك بنزين
مواصفات البيئية (ودي ليها علاقة باستهلاك الوقود)
نوع الزيت المستخدم
نسب الفتيس

في كلام تاني خالص مفروض تسأل عنه مش موضوع مين يطلع من مين
النقاط الي انا قولتها دي أصلا ولا حاجة بالنسبة لإمكانيات العربية والمقارنة برضو عمرها ما حتيجي في صالح الانسر في ولا نقطة

ومن الواضح انك عمرك مركبت فولكس علشان كده مفهمتش المقصود بحروف الموتور، بس مش عيب مين كان عارف

---

مهو التجميعه اللى حضرتك كاتبها دى اكيد هتعطى فى النهايه نتيجه
يعنى اكيد فيه عربيه هتطلع من التانيه
انا بقا عايز النتيجه النهائيه
بعد ما حضرتك تحسب وزن العربيتين
و الحمل على كل عجلة
و عزم الدوارن
و القدرة القصوى عند كام لفة للموتور
و معدل استهلاك بنزين

ياريت اخد منك اجابه صريحه ,, وكمان ياريت تعليق حضرتك على موضوع الجيتا 92 حصان
وكمان بخصوص موضوع ان موتور الباسات والجيتا والجولت موتور واحد ولا اختلاف بينهم
وشكرا يا كبيرنا

اقتباس:

---

المشاركة الأصلية كتبت بواسطة m.mostafa80

بص هو عادتا نظرا لخفه وزن السياره الانسر مع الموتورالجيد فى بعض الأحيان تتفوق الانسر فى التجميع ودا فى عامل مهم وهو أن سواق العربيه نفسه يقدر يطلع قوه العربيه الكامنه أزاى ودا بيبقى لحد سرعه 100 كيلو وبالنسبه للجيتا نظرا لوزنها الأذيد من الانسر فانها ابطئ قليلا وترجع بردو للسواق فى التجميع لحد سرعه 100 بس بعد كده عينكم ماتشوف الا النور حدث ولاحرج فى حاجات كتير تجميع الجيتا فى السرعات بعد كده هيفوق الانسر بمراحل دا غير ثبات دى فى السراعات العاليه عامله أزاى وثبات دى فى السرعات العاليه عامله أزاى فهمت ياصديقى

---

يعنى اقدر الخص كلام وحضرتك واقول ان اللانسر هتطلع من الجيتا لحد سرعه 100 وبعد كده الجيتا هتجمع وهتعدى بمراحل نظرا لفروق الموتور والثبات فى السرعات العاليه
شكرا يا باشا على مرورك الكريم

ياباشا انا عندى لانسر و عندى جيتا....مبدئيا الجيتا مينفعش اصلا تتقارن ب اللانسر ....الا نسر ممكن تطلع من الجيتا بفرق بسيط لغايه سرعه 80 كم/س فقطططططططططططططط بعد كدا الانسر مش هتعمل معاها حاجه دا غير الثبات و الoptions و ححاجات كتييييير

يا أخي الفاضل الموتور 105 حصان

وبعدين حاول تفهم ضمنياً من الكلام مين الأفضل. الجيتا دي عربية بمعنى عربية العربية التانية مجرد عربية وزي ما بقولك الموضوع مش موضوع مين يطلع من مين

تحب تركب عربية وتحس بالفخامة والقوة

ولا تركب عربية والسلام؟؟؟

و على فكره مكنه الجيتا و الاوكتافيا واحد بس الجيتا بتطلع بفرق بسيط جدا...جايز فرق وزن او شكل العربيه و مقاومه الهواء و العربيتين 102 حصان ( بس دول غير ال 122 حصان اللى فى الانسر دول احصنه بجد :d)

اقتباس:

---

المشاركة الأصلية كتبت بواسطة islamaboelnaga

و على فكره مكنه الجيتا و الاوكتافيا واحد بس الجيتا بتطلع بفرق بسيط جدا...جايز فرق وزن او شكل العربيه و مقاومه الهواء و العربيتين 102 حصان ( بس دول غير ال 122 حصان اللى فى الانسر دول احصنه بجد :d)

---

فكرتنى بكلمه دايما اقولها لواحد صاحبى لما يستغرب ان عربيتى والحمد لله فى الشد مع عربيات تانيه بتسد أقولو عربيتى ألف سى سى 50 حصان بس حصان ينطح حصان وفكك من اللى يعض يقولك 67 حصان و62 حصان و75 حصان وهما فى الحقيقه غير كدا خالص
لأن فولكس طريقه حسابها للهورس باور بتاع العربيه وظروف تشغيلها للحساب غير عمتا اى مصنع أخر للعربيات بدون زكر أسماء عشان محدش يزعل مننا ويقول اننا بنقلل من شأن عربيته

اقتباس:

---

المشاركة الأصلية كتبت بواسطة islamaboelnaga

ياباشا انا عندى لانسر و عندى جيتا....مبدئيا الجيتا مينفعش اصلا تتقارن ب اللانسر ....الا نسر ممكن تطلع من الجيتا بفرق بسيط لغايه سرعه 80 كم/س فقطططططططططططططط بعد كدا الانسر مش هتعمل معاها حاجه دا غير الثبات و الoptions و ححاجات كتييييير

---

اجابه صريحه ومقنعه لانك معاك الاتنين ومجربهم اكيد
يعنى اللانسر هتطلع لحد 80 كيلو وبعد كده الجيتا تكسب
شكرا يا اسلام باشا نورت

اقتباس:

---

المشاركة الأصلية كتبت بواسطة umoussa

يا أخي الفاضل الموتور 105 حصان

وبعدين حاول تفهم ضمنياً من الكلام مين الأفضل. الجيتا دي عربية بمعنى عربية العربية التانية مجرد عربية وزي ما بقولك الموضوع مش موضوع مين يطلع من مين

تحب تركب عربية وتحس بالفخامة والقوة

ولا تركب عربية والسلام؟؟؟

---

ياباشا اقسم بالله انا عارف ان الجيتا احسن فى الامكانيات والقوة والفخامه والثبات وكل حاجه
لاكن انا بسال فى حاجه محدده مين يطلع من مين
سؤالى واضح والله بس حضرتك مش عارف ليه مش فاهمنى

اقتباس:

---

المشاركة الأصلية كتبت بواسطة islamaboelnaga

و على فكره مكنه الجيتا و الاوكتافيا واحد بس الجيتا بتطلع بفرق بسيط جدا...جايز فرق وزن او شكل العربيه و مقاومه الهواء و العربيتين 102 حصان ( بس دول غير ال 122 حصان اللى فى الانسر دول احصنه بجد :d)

---

هههههههههه مهو عشان كده الجيتا بتكسب بعد متجمع سرعتها
لاكن مش مختلفين ان اللانسر تطلع من الجيتا
شكرا يا اسلام باشا

صراحة أنا ركبت الإتنين والمقارنة بينهم فيها ظلم للانسر!!
وخاصة إن اللانسر بتعانى من فقر شديد فى كل حاجة حتى فى السحب!!
ممكن نقارن اللانسر بالتويوتا أو بالهيونداى لكن الجيتا لو قارناها بالأوكتافيا يبأا معقول شوية..
وبعدين المقارنة بين عربيتين بيستخدموا بنزين مختلف 92و95!!
موتور الجيتا تصميمه على البنزين ال95 واللانسر لو 90 أو 95 ولو 80 مش هيزعل قوى..
لأ صراحة مفيش داعى للمقارنة..
تطلع وللا ماتطلعش كل واحد وتفكيره بالنسبة للعربيات..
فى ناص تبص للفيرنا ويقولك دى فيها مكنة من الآخر!!
لولا اختلاف أذواق الناس لبارت السلع..

اقتباس:

---

المشاركة الأصلية كتبت بواسطة original

صراحة أنا ركبت الإتنين والمقارنة بينهم فيها ظلم للانسر!!
وخاصة إن اللانسر بتعانى من فقر شديد فى كل حاجة حتى فى السحب!!
ممكن نقارن اللانسر بالتويوتا أو بالهيونداى لكن الجيتا لو قارناها بالأوكتافيا يبأا معقول شوية..
وبعدين المقارنة بين عربيتين بيستخدموا بنزين مختلف 92و95!!
موتور الجيتا تصميمه على البنزين ال95 واللانسر لو 90 أو 95 ولو 80 مش هيزعل قوى..
لأ صراحة مفيش داعى للمقارنة..
تطلع وللا ماتطلعش كل واحد وتفكيره بالنسبة للعربيات..
فى ناص تبص للفيرنا ويقولك دى فيها مكنة من الآخر!!
لولا اختلاف أذواق الناس لبارت السلع..

---

كلامك صح 100 * 100 يا محمد وموضوع مين يطلع من مين ده مش مقياس

طيب أنا وانا راجع امبارح من السفر جريت واحد بجيتا ورايا أكتر من 200 كيلو مش عراف يطلع ميني ولما عديته أول مرة كانت سرعتي 175 دا معناه انه كان بيفرم وجاب أخره لأن دا أخر عربيته وحتى لو كنا واقفين وطلعنا سوا كنت طحنته الموضوع فعلاً مش مقياس حكاية مين يطلع من مين بس أكيد في ناس بتبص على الحكاية دي. والديل انك بتقعد مع ناس يسألوك العربية دي الأول بتاعها بيجيب كام!!!!

ضحكت على الراجل!!
الموتور عندك 1600 وتلاقيه فاكر البولو 1000 سى سى
99% من اللى بيشدو بالعربيات مش عارفين أى حاجة عن المواتير اللى معاهم ولا إمكانياتها ولا كيفية استغلالها..

من غير مضحك عليه ولا حاجة هو لو وقف فوق شعره عمره محيعرف يجيبني دا وضوع مفروغ منه

الفكرة بس انه كان بيحاول يفرم ومحدش يقول انه كان مستهون بعربيتي لأن طبعاً واحد بيطلع منك على سرعة 175 أكيد انت مش ماشي براحتك والدنيا بمبي معاك لأ طبعاً دا أكيد بيفرم بالعربية لأنه مش مصدق نفسه وبعدين لما حس انه مفيش أمل تراجع

اقتباس:

---

المشاركة الأصلية كتبت بواسطة umoussa

طيب أنا وانا راجع امبارح من السفر جريت واحد بجيتا ورايا أكتر من 200 كيلو مش عراف يطلع ميني

---

مهو يا اما سعتك كنت راكب لامبورجينى يا اما هوه مكنش بيشد وراك
لاكن هوه لو فكر يجيبك مليون الميه هيجيبك
ومش معنى انو كان ماشى على 175 انو كان بيشد وراك بزمه
جايز بيجرى بالعربيه بس مش فى دماغو انو يحصلك

بسم الله الرحمن الرحيم
قُلْ أَعُوذُ بِرَبِّ الْفَلَقِ مِنْ شَرِّ مَا خَلَقَ وَمِنْ شَرِّ غَاسِقٍ إِذَا وَقَبَ وَمِنْ شَرِّ النَّفَّاثَاتِ فِي الْعُقَدِ وَمِنْ شَرِّ حَاسِدٍ إِذَا حَسَدَ
صدق الله العظيم


مينفعش يا عزيزي

1. موتوري 125 حصان وموتوره 105
2. موتوري فيه حاجة اسمها Variable Belt Timing مش موجودة في موتوره
3. موتوره MPI وموتوري GTI دا لو حضرتك تعرف الفرق
4. أنا 175 دي كنت جايبها على 5000 RPM وأقصى قدرة لعربيتي بتخرج عند 6800 RPM شايف الفرق فين؟
5. أنا طالع منه على آخر الرابع يعني لو فكر يجري كنت لساعتها حطحنه لأن السرعة القصوى لموتوري 210 كم/ساعة
6. أنا كنت مشغل التكييف
7. أنا كنت راجع من شرم الشيخ، وحضرتك لو تعرف طريق شرم الشيخ حتعرف انه من شرم إلى القاهرة الطريق مطلع ومن القاهرة إلى شرم منزل. وأنا مجريه ورايا من شرم الشيخ لحد أبو زنيمة لحد مازهقت من الجري وكمان الليل كان دخل والسرعات العالية على الطريق ده جنون أثناء الليل.


تفتكر ممكن يطلع برضو مني؟
لمعلومات حضرتك نفس الأمر اتكرر مع العربيات الباسات ال FSI بس لسه مجربتش أجري مع TSI

ده اللى بيسموه شرح نافى للجهالة..
الواحد فرحان إن فيه بولو فيها الإمكانيات دى..

طيب الموتور 1600 العادى مش gti كفائته إيه!!؟؟

C'est absolument vrai pour la polo
Cette voiture est formidable, j'en ai eu avant
Il est juste que la Jetta ne peux pas la battre

العادى الهورس باور بتاعه 75 حصان بس اللى ممكن يبقى فاجر بس ألاقيه اموت وألاقيه 1400 ال 100 حصان ابو مانفول حديد أوووووووووووف
ساعتها العربيه لو نزل فيها المكنه دى
حتى لو ربنا كرمنى بعربيه افل هخليها مش هبيعها

ربنا يوفأك وتلاقيه..
أكيد ممكن تلاقى حد جايب غلطة مستعملة!!

اقتباس:

---

المشاركة الأصلية كتبت بواسطة umoussa

بسم الله الرحمن الرحيم
قُلْ أَعُوذُ بِرَبِّ الْفَلَقِ مِنْ شَرِّ مَا خَلَقَ وَمِنْ شَرِّ غَاسِقٍ إِذَا وَقَبَ وَمِنْ شَرِّ النَّفَّاثَاتِ فِي الْعُقَدِ وَمِنْ شَرِّ حَاسِدٍ إِذَا حَسَدَ
صدق الله العظيم


مينفعش يا عزيزي

1. موتوري 125 حصان وموتوره 105
2. موتوري فيه حاجة اسمها Variable Belt Timing مش موجودة في موتوره
3. موتوره MPI وموتوري GTI دا لو حضرتك تعرف الفرق
4. أنا 175 دي كنت جايبها على 5000 RPM وأقصى قدرة لعربيتي بتخرج عند 6800 RPM شايف الفرق فين؟
5. أنا طالع منه على آخر الرابع يعني لو فكر يجري كنت لساعتها حطحنه لأن السرعة القصوى لموتوري 210 كم/ساعة
6. أنا كنت مشغل التكييف
7. أنا كنت راجع من شرم الشيخ، وحضرتك لو تعرف طريق شرم الشيخ حتعرف انه من شرم إلى القاهرة الطريق مطلع ومن القاهرة إلى شرم منزل. وأنا مجريه ورايا من شرم الشيخ لحد أبو زنيمة لحد مازهقت من الجري وكمان الليل كان دخل والسرعات العالية على الطريق ده جنون أثناء الليل.


تفتكر ممكن يطلع برضو مني؟
لمعلومات حضرتك نفس الأمر اتكرر مع العربيات الباسات ال FSI بس لسه مجربتش أجري مع TSI

---

ماشاء الله
ضحكتنى ياأخى على الراجل , عاما لو عايز تشد مع TSI ابقى قولى علشان مايبقاش نفسك فى حاجه :3mla:
والاهم انى اشوفك واتعرف عليك :satelite:

اقتباس:

---

المشاركة الأصلية كتبت بواسطة SAiF3S

ماشاء الله
ضحكتنى ياأخى على الراجل , عاما لو عايز تشد مع TSI ابقى قولى علشان مايبقاش نفسك فى حاجه :3mla:
والاهم انى اشوفك واتعرف عليك :satelite:

---

شكلك فاهم يا نصه :ma(36):

على العموم التعرف على شخصية بأدبك وأخلاقك واحترامك يخليني أنا الكسبان

هدأت العاصفة وأشرقت الشمس على قسم الفولكس..

اقتباس:

---

المشاركة الأصلية كتبت بواسطة umoussa

شكلك فاهم يا نصه :ma(36):

على العموم التعرف على شخصية بأدبك وأخلاقك واحترامك يخليني أنا الكسبان

---

مش فاهم اوى ياعنى

الشرف لى وان شاء الله اتعرف عليك قريب وترجع لنا بالف سلامه

طب سؤال للاستاذ umoussa
ازاى الواحد ممكن يعدل فى سياره جيتا 2009 بحيث ان يكون تجميعها وسرعتها القصوى افضل مما هى عليه بدون خطوره على الموتور وتكون طريقه مضمونه
وتقبل تحياتى

انا معايا باسات 2007 fsi اوتوماتك 115 حصان

اقتباس:

---

المشاركة الأصلية كتبت بواسطة melsayed

انا معايا باسات 2007 fsi اوتوماتك 115 حصان

---

منور المنتدى متهىء لى الباسات بتاعتك شاريها مستعمله :ma::satelite:

أنا من فترة كنت فى اوتوموتيف بسأل على الباسات والجيتا ...

اللي عرفته ان بالنسبة لموديلات 2010 ماعدش فيه fsi للباسات ... كلها tsi ... بس فيه حاجة أنا متهيألي اني سمعتها ويجوز انه يكون الأمر قد اختلط عليا ... متهيألي اني سمعت ان الجيتا tsi أصبحت متوفرة في مصر ....

ياريت الأخوة أباطرة الفولكس يفيدونا في النقطة دي ....