الحمد لله حجزت sirionمنيوال مفيهاش انذار
هل لازم اروح اركبه في التوكيل ولا ممكن اي محل يعرف يركبهولي كتوفير للفلوس
و كذللك ال mp3
عرض للطباعة
الحمد لله حجزت sirionمنيوال مفيهاش انذار
هل لازم اروح اركبه في التوكيل ولا ممكن اي محل يعرف يركبهولي كتوفير للفلوس
و كذللك ال mp3
بص انا بصراحه ركبته في التوكيل
علشان موضوع الضفيره واللعب فيها
لأن هو جايب نوع ايطالي مشهور جدا متوافق مع السياره وخلي بالك ان الانذارت لو مش متوافقه مع السياره بتعمل تأثير على الدوائر الكهربائيه في السياره بدون ما تحس ..... فده اللي خاوفني بصراحه
وانا موتي و سمي ان واحد يلعب في العربيه من الداخل ويعمل كباري ووصلات علشان الفهلوه
عالعموم روح برضه أسأل عند واحد بيركب انذارات ومشهور وأسأله هو هيقطع واتأكد برضه مش علشان هو قالك لأ يبقى فعلا لأ
وربنا ييسرلك
والف مبروك وربنا يعطيك خيرها ويكفيك شرها ان شاء الله
باركولي يا جماعه استلمت عربيتي السريون النهارده الحمد لله العربيه ما شاء الله جميله جدا جبتاه لون فضل ولفيت بيها شويه النهارده عملت بيها 45 كيلو :)
الف مبروك انا كمان استلمت عربيتي السيريون انهارده لونها بينك كورال و هو لون رقيق و عجبني الحمد لله العربيه ما شاء الله جميله بس انا رجلي تقيله عليها شويه علشان متعوده علي 132
ياتري في اي نصيحه بخصوص الفرش و الكماليات
و جزاكم الله خير
ربنا يباركلكم فيها
ويعطيكم خيرها ويكفيكم شرها آمين
اما عن النصايح
فأنا بصراحه شايف ان العربيه فرشها الداخلي تحفه وممتاز وحرام يتغطى بجلد
اما اللي بيخاف يعمل اللي هو عاوزه
بس انا بصراحه اشتريت المنظف الأسبراي ده وهو ممتاز بيقدر يشيل اي بقعه عالطول
اما عن الكماليات فانا مش عارف قصد حضرتك عليه ايه ....
شكرا جزيلا علي سرعة الرد الاسبري ده اسمه ايه
العربيه فيها كاسيت بيونير كنت عايزه اشيله و اركب واحد تاني بيونير برضو بس MP3 بس خايفه يعرفو في التوكيل و يلغو الضمان
كمان الانذار في التوكيل ب 880جنيه و ده كتير جدا
هو انذار عادي ولا بشاشه؟
انا اسالتي كتير اسفه جدا
وجزاك الله كل خير
لا عادي جدا ومفيش في أي حاجه جديده ولكن هي المشكله مشكلة الضفيره
ولكن لو لقيت حد بالخارج يقدر يعمله بدون ما يقطع حاجه في الضفيره يبقى خلاص
وهو فيه ميزه ولكن لسه مشتغلتشي لأنها عاوزه تتبرمج والشركه المنتجه ليه لسه مبعتتشي البرمجه بتاعته وهي انه يقفل السنتر بعد ما العربيه تتحرك ...
وفي حاجه تانيه انك لو قفلت العربيه بالريموت وبعدين حد حط المفتاح في الكونتاك هيروح عامل صفاره صغيره ولو شغل الكونتاك بتاع العربيه هيروح عامل الصفاره الكبيره وهي مزعجه جدا .....
والصفاره ذات نفسها ليها مفتاح صغير علشان لو عاوز تفصلها علشان متصفرشي
بص انا هقولك هو بيوصله من داخل العربيه من تحت الدركسيون على الشمال وكل توصيلاته في الحته دي والحته دي هي الحته اللي فيها كل الجاكات بتاعت العربيه والكهربا بتاعت العربيه وعلشان كده عو مبيعملشي اي وصلات في اي حته تانيه
وانا والله معاك انه غالي بس بس بصراحه انا خفت اروح لصنايعي ابن حلال يطلع عين الضفيره ويعمل مش عارف ايه في ايه وفجأه يخلص والاقيه قطع الضفيره ساعتها مش هلوم حد الا نفسي وهي دي المشكله اما التوكيل لو عمل حاجه غلط هطلع عينه يعني على سبيل المثال ...
وهو بيحط اللمبه بتاعته على التابلوه من فوق في المنتصف فك الفيبره اللي في القائم وهو بيركبها باظت منه وكانت طالعه كده شويه من مكانها ....... قولتله عالطول غيرها راح دخل جوه وجاب واحده جديده لانج وركبها وقالي انا اسف
اما بره لو عمل حاجه زي كده هيقولك لأ اصل هيا ... طب مش عارف ايه .... طب هأقولك ايه
كده يعني
وعل فكره هو مش 880 جنيه ثمنه ولكن هو بــ 650 و 150 جنيه مصنعيه والباقي ضرائب
وعاوز أقولك حاجه تانيه ان ده مصمم للسيريون لوحدها يعني بيبقى متوافق مع العربيه وميعملشي معاها مشاكل ودي حاجه لما عرفتها بصراحه خفت ان في حاجه تحصل لو ركبت في الخارج والامر يرجع اليك
وهو هنا في الموقع ده : Patrol Line
اضغط على tradizional modulars
وبعدين اختار الموديل HPS 609R
[web:18effa2fe0]http://www.bestidea.it/eng/pages/prodotti/000000.php[/web:18effa2fe0]
الف مبروك على العربيه يا SARAMYOUSSEF وربنا يديلك خيرها ويكفيكي شرها انا ليا سؤال بس هوا انتي الي كنتي بتستلمي معايا في نفس اليوم في التوكيل وكان معاكي والدتك وانا سالتك هما ادوكو العربيه بكام ؟؟
بصراحه الكاسيت الي هما حاطينو مش حلو خالص وكمان السمعات الي في الباب الخلفي مش متوصله مش عارف ليه مش موصلينها اما عن الانزار انا جالي واحد هديه يترى ينفع اركبه في التوكيل ولا لازم اركب بتاعهم
وعلى فكره قالولي ان ممكن اركب ريموت بس ب 350 من غير انزار
على العموم العربيه حلوه ما شاء الله وانا مبسوط منها جدا جدا وحاسس بفرق جامد بينها وبين عربيتي القديمه الي كانت تويوتا استارليت واكتر حاجه عجباني في العربيه ان سقفها عالي اصل انا طويل شويه وفي اي عربيه لما كان شعري يطول شويه كان بيلمس السقف وكان ده بيضيقني بس الحمد لله في العربيه دي بين راسي وبين السقف شبر تقريبا
بس فعلا كلامك كلو يا ابو عبدالله كان في محلو الباور خفيف جدا فعلا زي ما قولت العفشه نعمه فعلا سحبها ناعم فعلا
في حاجه كنت عايز اسال فيها بس الموتور مليان تراب من جوه لما فتجتو مترب جدا هل يترى اغسل الموتورفي البنزينه بس انا ايام الاستارليت كان بيغسلوها بالجاز والميه والصابون هل في ضرر على الموتور ده لو اتغسل بنفس الطريقه ولا في طريقه معينه لغسيل الموتور ولو في اي بنزينه الي بتعملها وشكرا ليكم