-
هيثم انت منين اصلا ؟؟؟
بس موضوع الغسيل ده ليه حالتين
لو في شحم وزيت يعني العربيه مزيته من الكبوت يبقى لازم تتغسل بالجاز وبعدين ميه بصابون علشان يزيل التزييت بتاع الجاز علشان هيلم تراب بعد كده .
لو الموضوع موضوع تراب بس يبقى ميه بصابون كفايه وخلاص وهتبقى ميه ميه .
اما عن تركيب الانذار في التوكيل حاول ولكن انا متهيألي انه مش هيرضى ..... ولكن حاول
-
معلش يا جماعه على المداخله :
إوعى تستخدم ماء و صابون على الماتور نهائى
فى فووم لغسيل الموتور و يفضل مش تغسله أصلا إلا لو متبهدل أوى و لو ينفع بالهواى بس يبقى أحسن
ولا تستخدم جاز ولا ماء ولا غيره وده كان كلام سبعاوى
-
لا عادي يا ميمو
اصل الصابون مبيعدشي على الماتور ده في ساعتها عالطول
وبعدين في طريقه احين كمان انك تستخدم صابون السجاد لأنه بيبقى خفيف مش مؤثر زي انواع الصابون التاني
-
ايوه انا كنت بستلم في نفس اليوم معاك يا hitham
-
التوكيل مش بيرضو يركبو حاجه مش شريها منهم لاني عندي MP3 قديم مرضيوش يركبهولي
-
انا من فيصل يا باشا
هوا ايه توقاعتكم لانتشار العربيه دي انا مبشوفهاش كتير في الشارع يعني تقريبا شوفتها مرتين تلاته بس من ساعت ما عرفتها وده بصراحه مقلقني شويه من مستقبل قطع غيرها لان خايف تبقى عربيه نادره وانا مجرب ده في عربيتي القديمه الاستارلت كانت نادره شويه فكانت قطع غيرها نادره برضو
هل تتوقع لها انتشار اكتر في السنين الجيه ولا ايه
-
انا بصراحه شايف ان التوكيل الجديد عمل اسم كويس جدا لدايهاتسو وانا شايف ان العربيه بقت موجوده في الشارع
اما عن قطع الغيار فقطع الغيار كلها موجوده في التوكيل وعلى فكره ان اسعار قطع غيار الدايهاتسو ارخص من قطع غيار اللانسر اللي بتتباع في السوق مش في التوكيل
فانا لا اجد خوف خالص من هذا الكلام
واطمن ان شاء الله ......... خير
-
طيب تمام ده كلام كويس والله
انا لحد دلوقت يمبسوط جدا من العربيه والحمد لله العربيه حلوه مفاش بس غير ان حاسس ان الدبرياش تقيل شويه والفتيس برضو بس غير كده العربيه ما شاء الله جميله جدا
وسحبها حلو جدا وانا عملت بيها لحد دلوقتي 600 كيلو ومستني اخلص الالف علشان اشوف اخرها كام في السرعه وكمان علشان اشغل التكيف
:lol:
-
استا> عبد الله انا ركبت الان>ار في التوكيل و هو فعلا بيقفل اللوك لما العربيه بتتحرك و ادوني طفاية حريق و دوسات و فوحه هديه و بفكر اركب عندهم وحدت رفع هي ب 660 جنيه
-
انا لسه بقى معملتش القفل المركزي لما العربيه تمشي دي
الف مبروك عليك
اما عن موضوع الدبرياج فانا معايا الاوتوماتيك الكامله وجربتش الدبرياج
ولكن انا متهيألى انه في التوكيل ممكن يخففه
اما عن موضوع وحدات الرفع فمتهيألي انهم حسب احتياجك
أصل الوحدات الياباني بــ 500 جنيه اصلا
Content Relevant URLs by
vBSEO 3.6.0 PL2