:S_thum1[1]: :S_thum1[1]: :S_thum1[1]:
عرض للطباعة
العزم مبيهربش على طول
العربية الصبح بتبقى زى الفل بس لما تعمل مشوار طويل شوية بيبتدى يطلع صوت خفيف على سرعة ما بين 30 الى 45 ومعاة بيقل التجميع والسحب
لما رحت التوكيل قالى ان الصوت دة من علبة البيئة ولما عرفت انها بالفين جنية ومش موجودة سألته طيب انا لو مغيرتهاش اية اللى هيحصل قالى العربية هتتخنق وبصراحة انا مش مقتنع ان علبة البيئة اللى فى الشكمان تكون السبب فى خنق العربية
لان العربية الصبح انا بجيب بيها سرعة 120 وهيا مستريحة وبيبقى تجميعها كويس انما وانا راجع بلاقى سحب وتجميع على الاول والتانى بيجننى
هو ممكن اسطوانة الدبرياج تطلع صوت؟ على سرعة معينة ومع سخونية العربية؟
حليت المشكلة ولا لسه لان انا عندى نفس المشكله دى ومش لاقى لها حل وهغير طقم الدبرياج ف لانوس 1 يوم الجمعة و شاكك ف علبة البيئة
يا جاعه حليت المشكله ولا لسه علشان عندي نفس الموضوع و غيرت طقم الدرياج و اتحسنت شويه بس لسه بردوا و ناوي ان شاء لله اركب ماتور طرمبة بوش الماني بس لسه متردد
انا فكيت علبة البيئة وفرغتها من اللى جواها العربية فتحت شوية بس المشكلة كانت لسة موجودة وبعيدن غيرت بوبينة العيب قل ظهورة بس لسة العربية مخنوقة ومش زى زمان يعنى السرعة بتاعتها من وقت الغيار الاول للتانى للتالت كانت زمان بتفتح وبتجرى بسرعة انما دلوقتى بتاخد وقت على بال ما توصل للسرعة
هو العيب ده فعلا غاليا موبينة -بتبقي شغالة معاك كويس في الاول لانها بارده ولما بتمشي شوية والموبينة تسخن تبدأ تفصل معاك فكهربة الموتور تبقي مش مظبوطة وبالتالي العزم والتسارع يضعف جدا
اما بالنسبة للتسارع الضعيف فحضرتك ممكن تتأكد من حالة الفلاتر والبوجيهات وتنضف البوابة وتحط منظف بنزين مع تفويلة وممكن برده يبقي في خرم او قطع في الجاكمان - كل ده يأثر في التسارع والسحب
انا معايا كيا شوما موديل 2000 مانيوال فكه حظر عربيه زي الفل بس ظهر نفس العيب اللى هو تمشى العربيه شويه وتكتتم ومتسحبش خالص بقالي شهر ومش عايزه تظبط لدرجة انى بدات اكره العربيه انا غيرت قلب طرمبه البنزين وغييرت طرمبه كاملة استيراد من الحرفيين نفس العيب موجود شيلت الطرمبه وحطيت قلب تاني جديد نفس العيب موجود غيرت بوجيهات ونضفت الانجكشن ونضفت رشاشات وغيرت الفلتر بتاع البنزين وغيرت حساس الشكمان 550 جنيه وقسمت الفيوزات وغيرت حساس كامه وغيرت حساس الهواء وغيرت حساس الكرنك انا لحد دلوقتي صارف كتير اعمل ايه انا زهقت ممكن حد يفدني وحطته علي الجهاز 5 مرات مطلعش غير مره علبه البيئه ومره حساس الشكمان والعربيه لسه ماظبتتش