الموضوع: مشكلة فى البنزين وضعف السحب والتجميع فى كيا شوما

وارجو ارشادى اروح التوكيل بتاع ابو رواش ولا اروح دار السلام تانى ولا التوكيل اللى فى الدقى بتاع الكويت والبلاد العربية من حيث السعر والكفاءة معا

ولا توكيل القطامية ولا لو حد يعرف ميكانيكى كويس شغال فى الشوما يكون قريب من الجيزة او المهندسين او الزمالك ياريت يفدنى

لو عايز منظف للتانك و الرشاشات ، فيه منظف لدورة الوقود كلها بيتباع في أي بنزينة بتحطه والتانك متفول

اشكرك جزيلا على اهتمامكم بالموضوع
والطلمبة لازم اغيرها كلها ولا ممكن انضفها بس او اغير الموتور بتاعها بس؟ لانى سألت عليها عرفت انها بالف ونص ومش موجودة كمان والتوكيل قالى ننضفها بس وميكانيكى من برة التوكيل قالى ان التنضيف مش مؤثر اوى فيها
انا رحت كشف عليها بالجهاز عشان موضوع الحساسات ومطلعش فيها حاجة
وقالولى ان علبة البيئة اللى فى الشكمان عايزة تتغير رغم انى شفتها سليمة

كان عندى نفس المشكلة طلع فلتر او مصفاة الطلمبة مش نظيفة نظفتها و بقت زى الفل بس خللى الميكانيكى يطمن على موتور الطلمبة و مش لازم تغيرها كلها ممكن تغير المويور بس

وفيه حاجة تانية ممكن كهرباء برضه حصلت معاية ان ممكن سلك كهربا يكون ضارب و يلامس البودى و يعمل أرضى

وربنا معاك

اشكركم جزيلا على اهتمامكم بالموضوع وجزاكم الله خيرا

المشاركة الأصلية كتبت بواسطة caysersosaih

الطلمبة تتغير خالص
علبة البيئة شيلها مالهاش لازمة في مصر وبتكتم العربية وهتلاقي السحب اتحسن كتير

ولو شلتها مش هتأثر على الموتور او صوتة؟ ولا ممكن يكون جوان هوا اللى بايظ فيها لان الصوت اللى بيطلع دة مش مستمر بلاقية عند سرعة 40 بس وكمان الصبح العربية بتبقى زى الفل من غير اى صوت انما لما تشمى شوية محترمين بيبدأ الصوت يظهر عشان كدة انا استغربت من حكاية علبة البيئة عشان متهيألى لو فيها مشكلة الصوت بيكون مستمر مش يختفى الصبح ويظهر مع السخونية

المشاركة الأصلية كتبت بواسطة mahmoudbadr

كان عندى نفس المشكلة طلع فلتر او مصفاة الطلمبة مش نظيفة نظفتها و بقت زى الفل بس خللى الميكانيكى يطمن على موتور الطلمبة و مش لازم تغيرها كلها ممكن تغير المويور بس

وفيه حاجة تانية ممكن كهرباء برضه حصلت معاية ان ممكن سلك كهربا يكون ضارب و يلامس البودى و يعمل أرضى

وربنا معاك

هو تنظيف الطلمبة بيحتاج شغلانة كبيرة ولا فكها سهل يعنى اخلى ميكانيكى عادى يعملها ولا اروح التوكيل؟