-
فكرة مجنونة
السلام عليكم
اية رايكم نعمل سوبر تشارج بلدى على ادينا يعنى
الفكرة جاتنى لما فتحت موتور مكنسة كهربائية لقيت ان البلاور بتاعها يشبة الى حد كبير السوبر شارج
لو اتمكنا من ربط البلاور بتاع المكنسة بسير ع الكرنك الاساسة للمحرك اعتقد ان ممكن يفيد كا سوبر شارج بس يكون البلاور دفعة قوى
يارت مهندس ممدوح والاخوة يفيدونا فى الناحية العلمية وهل ممكن نحقق المشروع دة ولا لاء
-
امممممم أنا فكرت ف الفكرة دي زمان بس
كانت المشكلة بلاور المكنسة دفعه موش كافي
و من ناحية تانيه البلاور ضعييييف جدآآآآ
ده المكنسة موش بتشتغل ساعة علي بعض وتلاقيها سخنت نااار
مابالك بقي بعربية
ونشوف بردو رأي الأعضاء
-
ياسيدى اولا البلاور ها نشيل منة المتور الكهربائى وناخد بس المروحة او ناخد بلور التنضيف الى بيتباع كتير اوى ف الاسواق وبردو ناخد المروحة بس المشكلة ان ازاى نربطة ع المحرك
-
اممممم صعبة صراحة
لأن الموتور 90 درجة مع فتحة الهوا
وحتي لو إتعدلت مكان فتحة الهوا
هاتحتاج تثبتها قدام المروحة إللي هيا مثلآ هاتتثبت قدام الدينامو؟؟؟
موش عارف العملية متلعبكة صراحة أووي
الماسورة بتاعت الهوا أو الخرطوم هايبقي طويل وهاتقلل من ضغط الهوا
أو فيه حل تاني
نركب تشارجر جديد :)
-
الفكرة هايلة بس ازاى هانثبت البلاور او الروحة على الموتور ؟؟؟
-
مروحة البلاور او المكنسة متقدرش تطلع الضغط المطلوب لتشغيل موتور السيارة بالشكل المتوقع
MMamdouh
-
دة اخر كلام يا بشمهندسين مفيش اى صرفة اى حل
-
المروحة بتاعت الكومبريسور بتاع التربو مصممة بشكل معين عشان تضغط الهوا و كذلك الهوسنج بتاع التربو مصمم للغرض دة بعكس البلاور و المكنسة... دول مصممين عشان يعملوا تيار هوا مش توليد ضغط عالى
MMamdouh
-
الف شكر مهندس ممدوح على اهتمامك بس كان ليا سوال تانى لية المياة بتمر فى المنفو بتاع العربية ودة عيب تصنيع ولا لاء لان عندى المتور بتاع المتسوبيشى جلانت 91 المياة بتاعة الريداتير بتمر جوا المنفو وبتسخنة ونا عندى فكرة ان كل ما كان المنفو بارد يكون احسن فى الاشعال ياترا المقصود من مرور المياة دة اية وهل دة عيب فى التصميم ولا اية
-
لا مش عيب تصميم... دة معمول عشان تسخين البوابة عشان القرص اللى جوة البوابة ميتحشرش فى جسم البوابة نفسها فى الايام الشديدة البرودة... و طبعا بما اننا فى مصر فا التسخين دة ملوش داعى خالص
انا لغيت السخن قبل كدة فى عربيتى و محستش باى فرق فى الاداء... الفرق الوحيد كان فى سهولة عملية فك و تركيب البوابة للتنظيف و خلافة
MMamdouh
Content Relevant URLs by
vBSEO 3.6.0 PL2