استطلاع: شفروليه كروز توب لاين او دايو لاسيتي بريميير CDX Select

عرض للطباعة

عرض 40 مشاركات من هذا الموضوع لكل صفحة

05-10-2009, 09:15 PM
dodino2006

استطلاع: شفروليه كروز توب لاين او دايو لاسيتي بريميير CDX Select

بعد اكتر من شهرين من البحث و التنقيب في كل ما يخص الشيفروليه كروز/دايو لاسيتي، مازلت في حيرة لتحديد الاختيار النهائي للشراء، و لكن المشكلة اني لا اختار ما بين سيارتين من شركتين مختلفتين، و لكني اختار بين السيارة و شقيقتها التؤام و هو ما يصعب الاختيار اكثر، و لذلك اريد مشاركتكم معي و ارائكم قبل التحديد النهائي، السيارتين هم:
-دايو لاسيتي Premier CDX Select استيراد كوريا و بدون ضمان
-شيفروليه كروز توب لاين من الوكيل بضمان منصور.

و بما ان معظم اعضاء المنتدي الكرام علي علم بمواصفات الكروز التوب لاين كما ان هناك عدة مواضيع تتحدث عن مواصفاتها بدقة، لذلك سآتكلم فقط عن المواصفات المختلفة بالدايو لاسيتي:

اولاً: الموتور:
- موتور Ecotec الاصدار الثالث 1600 سي سي (نفس موتور الاوبل فيكترا)

ثانياً: الاختلاف في المواصفات الخارجيه:
- فتحة سقف
- جنوط ١٧
-فوجات بحواف نيكل
-مرايات حرارية ذاتية الضم
-الشبكة الامامية نيكل

ثالثاً: الاختلاف في المواصفات الداخلية:
-كراسي حرارية جلد درجة اولي احمر في اسود (الكراسي الجلد في اللاسيتي درجتين) شبيهة للريكارو قابلة للتعديل في ٦ اتجاهات
- تابلوه كامل بدون حذف مطعم بالنيكل و جزء اسود بيانو
- ISOFIX لثبيت كراسي الاطفال

رابعاً: اختلافات التكنولوجية:
- سمارت كي
- كمبيوتر السيارة كامل و يوجد به خاصية ال comfort setting
- حساسات ضوء قابلة للبرمجة
- فتحة USB
- الزجاج الكهربي auto reverse
- مجموعة الامان كاملة EPS ABD BA EBD
- فرامل ديسكات امامي و خلفي

و بالنسبة لنقاط الاتفاق مع الكروز:
- الشكل الخارجي ما عدا الشبكة الامامية
-اوتوماتيك ٦ سرعات
- سي دي ٦ اسطوانات
- مراية ذاتيه التعتيم
- ٢ ايرباج
- حساسات للركن
- طارة ملتي فانكشن

نقاط تفوق الكروز:
- الضمان
- امكانية طي الكنبة الخلفية (اللاسيتي تتصل بالشنطة عن طريق المخدع فقط)
- ضوء الفرامل العلوي

السعر:
- شيفروليه كروز: 137 الف بدون الاوفر برايس
- دايو لاسيتي : 140 الف استلام فوري

بعض المشاكل و حلولها:
١- الضمان
- يمكنني شراء ضمان من شركة ............و القيام بالصيانة الدورية لديهم.

٢- قطع الغيار:
- بالنسبة لجميع اجزاء السيارة ما عدا الموتور: متوفرة لدي منصور و مراكز الخدمة المعتمدة حيث انها نفس اجزاء الكروز (ما عدا الشبكة الامامية و الاكصدام - مع العلم انه يمكن تركيب اكصدام و شبكة الكروز)، و بالنسبة للموتور فاجزاؤه متوفره لدي وكيل اوبل (منصور برضه)

٣- في حالة ضياع السمارت كي:
- النقطة دي كانت اكتر حاجة قلقاني لحد لما عرفت انه يمكن برمجة مفتاح جديد بنفسك في حالة وجود المفتاح الاحتياطي الاخر.

٤- اعادة البيع:
- بعد ثلاث سنوات ستتساوي الروؤس من ناحية الضمان، و لكن اللاسيتي ستتفوق بموتورها الالماني و كمالياتها الاضافية (شارك برأيك)

ملحوظة اخيرة: اعرف انه يجب وضع الموضوع في قسم المقارنات، و لكن بما اني اقارن بين السيارة و تؤامتها فاخترت قسم الشيفروليه

في النهاية اتمني سماع ارائكم جميعا و اعرف ماذا كنتم ستختاروا لو كنتم في موضعي

تم حذف اسامي الشركات التجارية
تبعا لسياسة المنتدى الإعلانية
مشرف عام.3
05-10-2009, 09:22 PM
KSA2011

انا اول واحد حطيت موضوع عن الدايو لاسيتى من سوريا وبعدين نزلت الكروز مصر هى هياها
انا طبعا افضلك الكروز عشان الوكيل والصيانه وما تبقاش ماشى بالدايو عربيه مالهاش اى حاجه فى مصر خلاص
05-10-2009, 09:50 PM
Hosam_Optrawy

لو موضوع الضمان وقطع الغيار مش هايسببلك مشاكل

وانا شايف ان حضرتك لقيتله حلول

يبقى اللاسيتى بدون تردد
05-10-2009, 09:54 PM
dodino2006

اقتباس:

المشاركة الأصلية كتبت بواسطة ksa2011

انا اول واحد حطيت موضوع عن الدايو لاسيتى من سوريا وبعدين نزلت الكروز مصر هى هياها
انا طبعا افضلك الكروز عشان الوكيل والصيانه وما تبقاش ماشى بالدايو عربيه مالهاش اى حاجه فى مصر خلاص

الف شكر للرد

اقتباس:

المشاركة الأصلية كتبت بواسطة hosam_optrawy

لو موضوع الضمان وقطع الغيار مش هايسببلك مشاكل

وانا شايف ان حضرتك لقيتله حلول

يبقى اللاسيتى بدون تردد

الف شكر للرد يا باشا، و لو ان الحلول ما زالت افتراضية و احب اسمع ارائكم في تطبيقها علي ارض الواقع
05-10-2009, 09:54 PM
GasDealer

انا عن نفسى اخاف من عدم وجود ضمان بذات انها عربية جديدة و احتمال منصور ميرداش يمد ايدو فيها و يقول ده مش تبعنا.
نقطة تانية اللاسيتى فيها 2 اوبشنز يدفع فيهم فلوس (ده رايى) سمارت كى و esp
ال سمارت كى انا بخاف منو لانى شخص تقليدى و ال esp ميستهلش ان اخسر الضمان
موضوع الموتور ده مش عايز افتى فيه هههه المنتدى هنا ااتكلمو على الفرق بين الموتيرين و لحد دلوقتى انا مش عارف الحقيقة فين.
اخر نقطة لا اتفق معاك فيها موضوع تتساوى الروس ده بعد 3 سنين الكروز انا متوقعلها سعر اعادة بيع مش كويس .. عشان معلهاش اقبال و سعرها العالى . الاسيتى حتذيد على دول انها ملهاش وكيل و مش معروفة فى مصر مش حيشتريها اى حد..
ده راى الشخصى و فى الاخر انت اليى حتدفع و تركب :)))
مبروك مقدما على اى عربية من الاتنين
05-10-2009, 11:16 PM
adfarouk

ربنا معاك يا باشا هو قرار صعب فعلاً مش سهل أبداً ..... بس تعالى نمسك الموضوع واحده واحده علشان نحاول نساعدك

اولاً: الموتور:
- موتور Ecotec (اكيد أكثر تطوراً بس هتعمل أيه في موضوع البنزين 95 اللي قولت عليه قبل كده "مصاريف اكتر اكيد لازم تاخدها في الأعتبار + وجع دماغ في التدوير على محطات البنزين")

ثانياً: الاختلاف في المواصفات الخارجيه:
- فتحة سقف (بالنسبة ليا صراحة حاجة تفرق في العربية كتير مش عارف لو طلبته من منصور ينزلهولك بكام)
- جنوط ١٧ (شايف ان مش فارق أوي)
-فوجات بحواف نيكل (شايف ان مش فارق أوي)
-مرايات حرارية ذاتية الضم (فارقه طبعاً ... دلع زيادة)
-الشبكة الامامية نيكل (شايف أن شبكة الكروز بالحواف النيكل أحلى و دي أذواق طبعاً)

ثالثاً: الاختلاف في المواصفات الداخلية:
-كراسي حرارية جلد درجة اولي احمر في اسود (الكراسي الجلد في اللاسيتي درجتين) شبيهة للريكارو قابلة للتعديل في ٦ اتجاهات (شوفته على النت و بصراحه مش عجباني حكاية الأحمر في الأسود دي و هتعمل ايه بالكراسي الحرارية هيا العمليه في مصر ناقصه حر :C_laugh[1]: )
- تابلوه كامل بدون حذف مطعم بالنيكل و جزء اسود بيانو (أعتقد أن التابلوه مش هيبقى فارق أوي عن ألكروز.. استنى لما GasDealer يعرف يصور تابلوه الكروز أو تشوفه بنفسك و بعدين أحكم)
- ISOFIX لثبيت كراسي الاطفال (فارقه طبعا خصوصاً مع وجود أطفال)

رابعاً: اختلافات التكنولوجية:
- سمارت كي (مش فارق أوي خصوصاً بالأخذ في الأعتبار أن العربية ملهاش ضمان يعني ممكن يروشك لو جرى للـ System ده أي حاجة)
- كمبيوتر السيارة كامل و يوجد به خاصية ال comfort setting (فارقه طبعاً هتحسسك أنك ركاب عربية من فئه أعلى)
- حساسات ضوء قابلة للبرمجة (فارقه طبعاً ... دلع زيادة)
- فتحه USB (مش فارقه أوي خصوصاً مع وجود ال 6 CD)
- الزجاج الكهربي auto reverse (فارقه طبعاً)
- مجموعة الامان كاملة EPS ABD BA EBD (فارقه أوي)
- فرامل ديسكات امامي و خلفي (الكروز كده برضه على حد علمي)

الضمان (معنديش فكرة عن موضوع AAA ده) بس طبعاً هو نقطة كبيرة في صالح الكروز .... يعني مش هتبقى شايل الهم أوي (ممكن برضه منصور يخلي النقطة دي مش فارقه لو بيستهبل زى ما بعض الناس في المنتدي بتقول)

سعر أعادة البيع ........ الشيفروليه أعتقد هتكون أعلى من الدايو

و ربنا ان شاء الله يوفقك للقرار الصح
06-10-2009, 12:41 AM
Hosam_Optrawy

اقتباس:

المشاركة الأصلية كتبت بواسطة adfarouk

اولاً: الموتور:
- موتور Ecotec (اكيد أكثر تطوراً بس هتعمل أيه في موضوع البنزين 95 اللي قولت عليه قبل كده "مصاريف اكتر اكيد لازم تاخدها في الأعتبار + وجع دماغ في التدوير على محطات البنزين")

ياجماعه عايزين نتأكد من موضوع البنزين دا

لانى لما بصيت على الالنترا لقيت نسبة الانضغاط بتاعتها 10.5

وماشيه بالبنزين ال 92 عادى

والموتور ال EcoTec الانضغاط بتاعه 10.8 يعنى مش فارقه كتير

والاستاذ dodino كان قال ان البنزين ال 95 من اول 12.0
06-10-2009, 12:51 AM
nab!l

لاسيتى شفتها فى بورسعيد اكتر من واحدة
اشيك بكتير اوى من الكروز(الككروز لما شفتها ع الواقع بطاسه كانت وحشة اوى محتاجة جنط 17 فعلا عشان يرسمها)
والناس لما هتشوفها هتسالك دى نوعها ايه
واعتقد اما يبقى معاك موتور فيكترا
احسن ما يبقى موتور اوبترا
صلى صلاة استخاره
هى حاجة تحير فعلا
وربنا يوفقك الى مافيه الخير
06-10-2009, 01:41 AM
egyptianmafia

who is selling the Lacetti in Egypt?????

Mansour WILL fix the car but obviously everything in the car is out of the warranty

so if you want to get stuff fixed in your car you can take it to Mansour.....

but the only time I would take the Lacetti if the car has engine problems...anything else you can take it to any mechanic....

you dont want a mechanic to play with the ecotec engine....

and just because it has the ecotec engine...doesnt mean that it is the same engine as the Astra G or Vectra C....

not all Etect II or Ecotech engines are the same.....so you need to watch out for this......

....
06-10-2009, 05:18 AM
Ahmed Samy

بص يا سيدي

انا شفت اللاسيتي بعيني الCDX

و عايز أقول للي ما شافش انها أنظف 100 مرة من الجميلة الخرساء ...الكروز

و ناخد الموضوع بالعقل :

1 - المميزات ...الESP ده لوحده يشيل الليلة دي من الأول ولو حد بيقول انه ما يستاهلش الضمان ...لأ يستاهل أي حاجة الله لا يحوجك ليه علشان تعرف قيمته

مجموعة الترفيه و على رأسها السمارت كي : برضه للي ما جربش ده دنيا تانية ..العربية تحس انها عارفاك ...لأنك بترمي الريموت في جيب الولاعة بتاع الجينز و انسى بقى ...الحقيقة المفتاح كئيب و مقرف جنب السمارت كي

التابلوه من جوه يضرب الكروز بالشبشب بدون أي تعليق اضافي

الموتور الأفضل و اللي شايل الفيكترا كلها ...أعتقد هالاقي فرق عن الموتور بتاع الأوبترا ...

وكان هو خوفي الوحيد ولكن بما انه موتور الفيكترا يبقى تاهت و لقيناها ...مش مشكلة خلاص

ده غير الفرش و المرايات و غيرهم

و بعد كل ده فرق سعر 3 الاف جنيه ؟؟؟؟ بالذمة ده عقل ؟؟؟

ضمان ايه اللي يسوى كل ده ؟؟؟؟ اسف ده خداع واضح

و بعدين في ناس بتحب تعيش في الضمان و دي راحة نفسية

وناس بالنسبة ليهم الضمان حاجة زي أي حاجة ممكن نعيش من غيرها

زي التأمين كده في ناس ما تقدرش تمشي بالعربية من غير تأمين و ناس ولا الهوا

و أنا الحقيقة لست عبدا للضمان و لا التأمين (مادام للسيارة مكان أستطيع تصليحها فيه ولو على نفقتي)

نيجي لمميزات الكروز ..الحقيقة مميزات مضحكة ماعدا طي الكنبة

لو انت مش بتحمل في العربية حاجات طويلة ...سلم ستارة بتاع يبقى كبر دماغك الشنطة كبيرة أساسا

ده غير بقى ان العربية بتنتشر في بورسعيد فعلا و سمعت من صديق ليا انها عدت 6 - 7 عربيات فعلا و الناس بيشوفوها و بيفكروا يجيبوا كمان

يبقى المتقطع هاييجي و بنك الإسكان هايشتغل فيها مش بعيد

أنا مش قادر أتخيل ان في حد ممكن يشغل مخه (من غير الخوف و الهلع اللي الوكيل بيعيشنا فيه) و يروح يشتري عربية متقشطة و غالية موتور قديم علشان ضمان ....و قدامه النسخة الحقيقة و ليها قطع غيار وممكن تتصلح في أي حتة

ومش عربية مجهولة يعني هاخاف منها ...و بعدين ما الخليجي مغرق الدنيا ...ماماتوش كلهم و عاش ركاب سيارات التوكيل

http://up.mrame.net/uploads/images/mrame-72f5a3a4c9.jpg
وبعدين ليه نخسر ...واحنا فإيدينا نكسب
06-10-2009, 06:11 AM
egyptianmafia

Ahmad Samy...I can assure you that the Cruze engine is not the Vectra C engine....

also the Astra G engine is not the Vectra C engine.....

remember that Cruze (Lacetti), Astra G and Vectra C all use Ecotec engine but all of them use the same name but the engine itself is different....just because it is named Ecotec doesnt mean they are all the same.....

open the Lacetti engine and the Vectra C engine first and then come back and I want you to say that they are the same......I gurantee you wont come back saying they are the same!
06-10-2009, 10:53 AM
nab!l

اقتباس:

المشاركة الأصلية كتبت بواسطة ahmed samy

بص يا سيدي

انا شفت اللاسيتي بعيني الcdx

و عايز أقول للي ما شافش انها أنظف 100 مرة من الجميلة الخرساء ...الكروز

و ناخد الموضوع بالعقل :

1 - المميزات ...الesp ده لوحده يشيل الليلة دي من الأول ولو حد بيقول انه ما يستاهلش الضمان ...لأ يستاهل أي حاجة الله لا يحوجك ليه علشان تعرف قيمته

مجموعة الترفيه و على رأسها السمارت كي : برضه للي ما جربش ده دنيا تانية ..العربية تحس انها عارفاك ...لأنك بترمي الريموت في جيب الولاعة بتاع الجينز و انسى بقى ...الحقيقة المفتاح كئيب و مقرف جنب السمارت كي

التابلوه من جوه يضرب الكروز بالشبشب بدون أي تعليق اضافي

الموتور الأفضل و اللي شايل الفيكترا كلها ...أعتقد هالاقي فرق عن الموتور بتاع الأوبترا ...

وكان هو خوفي الوحيد ولكن بما انه موتور الفيكترا يبقى تاهت و لقيناها ...مش مشكلة خلاص

ده غير الفرش و المرايات و غيرهم

و بعد كل ده فرق سعر 3 الاف جنيه ؟؟؟؟ بالذمة ده عقل ؟؟؟

ضمان ايه اللي يسوى كل ده ؟؟؟؟ اسف ده خداع واضح

و بعدين في ناس بتحب تعيش في الضمان و دي راحة نفسية

وناس بالنسبة ليهم الضمان حاجة زي أي حاجة ممكن نعيش من غيرها

زي التأمين كده في ناس ما تقدرش تمشي بالعربية من غير تأمين و ناس ولا الهوا

و أنا الحقيقة لست عبدا للضمان و لا التأمين (مادام للسيارة مكان أستطيع تصليحها فيه ولو على نفقتي)

نيجي لمميزات الكروز ..الحقيقة مميزات مضحكة ماعدا طي الكنبة

لو انت مش بتحمل في العربية حاجات طويلة ...سلم ستارة بتاع يبقى كبر دماغك الشنطة كبيرة أساسا

ده غير بقى ان العربية بتنتشر في بورسعيد فعلا و سمعت من صديق ليا انها عدت 6 - 7 عربيات فعلا و الناس بيشوفوها و بيفكروا يجيبوا كمان

يبقى المتقطع هاييجي و بنك الإسكان هايشتغل فيها مش بعيد

أنا مش قادر أتخيل ان في حد ممكن يشغل مخه (من غير الخوف و الهلع اللي الوكيل بيعيشنا فيه) و يروح يشتري عربية متقشطة و غالية موتور قديم علشان ضمان ....و قدامه النسخة الحقيقة و ليها قطع غيار وممكن تتصلح في أي حتة

ومش عربية مجهولة يعني هاخاف منها ...و بعدين ما الخليجي مغرق الدنيا ...ماماتوش كلهم و عاش ركاب سيارات التوكيل

http://up.mrame.net/uploads/images/mrame-72f5a3a4c9.jpg
وبعدين ليه نخسر ...واحنا فإيدينا نكسب

مبقاش فى كلام يتقال
06-10-2009, 11:31 AM
dodino2006

اقتباس:

المشاركة الأصلية كتبت بواسطة gasdealer

انا عن نفسى اخاف من عدم وجود ضمان بذات انها عربية جديدة و احتمال منصور ميرداش يمد ايدو فيها و يقول ده مش تبعنا.
نقطة تانية اللاسيتى فيها 2 اوبشنز يدفع فيهم فلوس (ده رايى) سمارت كى و esp
ال سمارت كى انا بخاف منو لانى شخص تقليدى و ال esp ميستهلش ان اخسر الضمان
موضوع الموتور ده مش عايز افتى فيه هههه المنتدى هنا ااتكلمو على الفرق بين الموتيرين و لحد دلوقتى انا مش عارف الحقيقة فين.
اخر نقطة لا اتفق معاك فيها موضوع تتساوى الروس ده بعد 3 سنين الكروز انا متوقعلها سعر اعادة بيع مش كويس .. عشان معلهاش اقبال و سعرها العالى . الاسيتى حتذيد على دول انها ملهاش وكيل و مش معروفة فى مصر مش حيشتريها اى حد..
ده راى الشخصى و فى الاخر انت اليى حتدفع و تركب :)))
مبروك مقدما على اى عربية من الاتنين

الف شكر يا باشا علي الرد، و لو اني اختلف معاك في نقطة اعادة البيع، لأن سبب عدم الاقبال علي الكروز (بالرغم ان ليها معجبين كتير جداً) هو كمية الاشاعات اللي طلعت علي الموتور و نقص الكماليات (و خصوصاً اللي يقولك الكروز في مصر مالهاش علاقة بالكروز في الخارج)، و لكن الدايو بتحسم موضوع الكماليات و الموتور ده في مقابل الضمان كمان اعتقد موضوع التوكيل مش هيأثر في حاجة باذن الله (هو التوكيل ايه غير الضمان و توافر قطع الغيار، فإذا انتهي الضمان، هيتبقي قطع الغيار متوفرة لانها مشتركة بنسبة ٩٥٪ مع الكروز)
بس انا اتفق معاك ان مش اي حد هيشتريها، لأن الموضوع هيحتاج واحد يبقي فاهم ان اللاسيتي هي الكروز.
06-10-2009, 11:40 AM
dodino2006

اقتباس:

المشاركة الأصلية كتبت بواسطة adfarouk

ربنا معاك يا باشا هو قرار صعب فعلاً مش سهل أبداً ..... بس تعالى نمسك الموضوع واحده واحده علشان نحاول نساعدك

اولاً: الموتور:
- موتور Ecotec (اكيد أكثر تطوراً بس هتعمل أيه في موضوع البنزين 95 اللي قولت عليه قبل كده "مصاريف اكتر اكيد لازم تاخدها في الأعتبار + وجع دماغ في التدوير على محطات البنزين")

ثانياً: الاختلاف في المواصفات الخارجيه:
- فتحة سقف (بالنسبة ليا صراحة حاجة تفرق في العربية كتير مش عارف لو طلبته من منصور ينزلهولك بكام)
- جنوط ١٧ (شايف ان مش فارق أوي)
-فوجات بحواف نيكل (شايف ان مش فارق أوي)
-مرايات حرارية ذاتية الضم (فارقه طبعاً ... دلع زيادة)
-الشبكة الامامية نيكل (شايف أن شبكة الكروز بالحواف النيكل أحلى و دي أذواق طبعاً)

ثالثاً: الاختلاف في المواصفات الداخلية:
-كراسي حرارية جلد درجة اولي احمر في اسود (الكراسي الجلد في اللاسيتي درجتين) شبيهة للريكارو قابلة للتعديل في ٦ اتجاهات (شوفته على النت و بصراحه مش عجباني حكاية الأحمر في الأسود دي و هتعمل ايه بالكراسي الحرارية هيا العمليه في مصر ناقصه حر :C_laugh[1]: )
- تابلوه كامل بدون حذف مطعم بالنيكل و جزء اسود بيانو (أعتقد أن التابلوه مش هيبقى فارق أوي عن ألكروز.. استنى لما GasDealer يعرف يصور تابلوه الكروز أو تشوفه بنفسك و بعدين أحكم)
- ISOFIX لثبيت كراسي الاطفال (فارقه طبعا خصوصاً مع وجود أطفال)

رابعاً: اختلافات التكنولوجية:
- سمارت كي (مش فارق أوي خصوصاً بالأخذ في الأعتبار أن العربية ملهاش ضمان يعني ممكن يروشك لو جرى للـ System ده أي حاجة)
- كمبيوتر السيارة كامل و يوجد به خاصية ال comfort setting (فارقه طبعاً هتحسسك أنك ركاب عربية من فئه أعلى)
- حساسات ضوء قابلة للبرمجة (فارقه طبعاً ... دلع زيادة)
- فتحه USB (مش فارقه أوي خصوصاً مع وجود ال 6 CD)
- الزجاج الكهربي auto reverse (فارقه طبعاً)
- مجموعة الامان كاملة EPS ABD BA EBD (فارقه أوي)
- فرامل ديسكات امامي و خلفي (الكروز كده برضه على حد علمي)

الضمان (معنديش فكرة عن موضوع AAA ده) بس طبعاً هو نقطة كبيرة في صالح الكروز .... يعني مش هتبقى شايل الهم أوي (ممكن برضه منصور يخلي النقطة دي مش فارقه لو بيستهبل زى ما بعض الناس في المنتدي بتقول)

سعر أعادة البيع ........ الشيفروليه أعتقد هتكون أعلى من الدايو

و ربنا ان شاء الله يوفقك للقرار الصح

الف شكر يا باشا علي الرأي المفصل و لو انك زودتلي حيرتي بصراحة ههههههه، بالنسبة لموضوع البنزين فعلا عايز يتشاف و خصوصا ان نسبة الانضغاط مش 11 كاملة فهشوف لو محسنات الاوكتان ممكن تعمل حاجة، بالنسبة لموضوع الصيانة انا لاحظت ان الاخ Egyptian mafia (و هو راجل علي علاقة كويسة بتوكيل منصور بيقول ان ممكن اروح بيها لمنصور اعملها صيانة هناك> فأانا هتاكد منه في النقطة دي، و في الحالة دي هتبقي نقطة لصالح الدايو)
06-10-2009, 11:45 AM
dodino2006

اقتباس:

المشاركة الأصلية كتبت بواسطة Hosam_Optrawy

ياجماعه عايزين نتأكد من موضوع البنزين دا

لانى لما بصيت على الالنترا لقيت نسبة الانضغاط بتاعتها 10.5

وماشيه بالبنزين ال 92 عادى

والموتور ال EcoTec الانضغاط بتاعه 10.8 يعنى مش فارقه كتير

والاستاذ dodino كان قال ان البنزين ال 95 من اول 12.0

حسام باشا، انا كنت قلت ان البنزين ال 95 بيبتدي من نسبة انضغاط 11 مش 12, و بالمناسبة انا لاحظت ان نسبة انضغاط ال Ecotec في الفيكترا 10.5 في حين انها في الكروز (بالخارج) 10.8, اعتقد ان ده يرجع ان موتور الكروز اقوي من الفيكترا (105 حصان في الفيكترا مقابل 114 حصان في الكروز)، لكن بما ان الفرق مش كبير و خاصة ان الفيكترا بتستخدم بنزين 92و فهحاول اسأل في موضوع محسن الاوكتان علي البنزين ال 92
06-10-2009, 11:57 AM
dodino2006

اقتباس:

المشاركة الأصلية كتبت بواسطة yah

لاسيتى شفتها فى بورسعيد اكتر من واحدة
اشيك بكتير اوى من الكروز(الككروز لما شفتها ع الواقع بطاسه كانت وحشة اوى محتاجة جنط 17 فعلا عشان يرسمها)
والناس لما هتشوفها هتسالك دى نوعها ايه
واعتقد اما يبقى معاك موتور فيكترا
احسن ما يبقى موتور اوبترا
صلى صلاة استخاره
هى حاجة تحير فعلا
وربنا يوفقك الى مافيه الخير

الف شكر يا باشا علي الرد، انت فعلاً فكرتني باللاسيتي من ٤-٥ سنين لما كانت بتتباع في بورسعيد ب 70-75 الف جنيه منطقة حرة (بدون جمارك) في حين كانت اتخن عربية كوري منطقة حرة ما تزيدش عن 35-40 الف جنيه و كانت منتشرة لحد ما في بورسعيد بالرغم ان مصر كلها ما تعرفش عنها حاجة ولا حتي توكيل دايو اياميها كان بينزلها (اصل البورسعيدي الاصيل لما بيشتري عربية ما بيهتمش يسأل علي توكيلها قد ما يهمه يسأل علي قطع غيارها في بنك الاسكان و هو ده بالنسباله الحكم الفيصل و الاخير ههههههههه)

علي العموم اتفق معاك ان الموتور فعلاً هيفرق في الاداء و اعادة البيع بغض النظر عن موضوع الجنوط ....

بس عايز اعرف رأيك الشخصي في حاجة، لو انت بتشتري مستعمل و قدامك كروز منصور و الدايو اللاسيتي، و ضمان منصور عدي عليه ٣ سنين و خلص، و الدايو من غير ضمان، و العربيتين حالتهم كويسة و بنفس السعر، انت هشتري ايه ؟ و هل اسم دايو او شيفروليه ممكن يأثر علي قرارك ؟
06-10-2009, 12:13 PM
GasDealer

انت من بورسعيد يا باشا ؟
06-10-2009, 12:14 PM
dodino2006

اقتباس:

المشاركة الأصلية كتبت بواسطة Ahmed Samy

بص يا سيدي

انا شفت اللاسيتي بعيني الCDX

و عايز أقول للي ما شافش انها أنظف 100 مرة من الجميلة الخرساء ...الكروز

و ناخد الموضوع بالعقل :

1 - المميزات ...الESP ده لوحده يشيل الليلة دي من الأول ولو حد بيقول انه ما يستاهلش الضمان ...لأ يستاهل أي حاجة الله لا يحوجك ليه علشان تعرف قيمته

مجموعة الترفيه و على رأسها السمارت كي : برضه للي ما جربش ده دنيا تانية ..العربية تحس انها عارفاك ...لأنك بترمي الريموت في جيب الولاعة بتاع الجينز و انسى بقى ...الحقيقة المفتاح كئيب و مقرف جنب السمارت كي

التابلوه من جوه يضرب الكروز بالشبشب بدون أي تعليق اضافي

الموتور الأفضل و اللي شايل الفيكترا كلها ...أعتقد هالاقي فرق عن الموتور بتاع الأوبترا ...

وكان هو خوفي الوحيد ولكن بما انه موتور الفيكترا يبقى تاهت و لقيناها ...مش مشكلة خلاص

ده غير الفرش و المرايات و غيرهم

و بعد كل ده فرق سعر 3 الاف جنيه ؟؟؟؟ بالذمة ده عقل ؟؟؟

ضمان ايه اللي يسوى كل ده ؟؟؟؟ اسف ده خداع واضح

و بعدين في ناس بتحب تعيش في الضمان و دي راحة نفسية

وناس بالنسبة ليهم الضمان حاجة زي أي حاجة ممكن نعيش من غيرها

زي التأمين كده في ناس ما تقدرش تمشي بالعربية من غير تأمين و ناس ولا الهوا

و أنا الحقيقة لست عبدا للضمان و لا التأمين (مادام للسيارة مكان أستطيع تصليحها فيه ولو على نفقتي)

نيجي لمميزات الكروز ..الحقيقة مميزات مضحكة ماعدا طي الكنبة

لو انت مش بتحمل في العربية حاجات طويلة ...سلم ستارة بتاع يبقى كبر دماغك الشنطة كبيرة أساسا

ده غير بقى ان العربية بتنتشر في بورسعيد فعلا و سمعت من صديق ليا انها عدت 6 - 7 عربيات فعلا و الناس بيشوفوها و بيفكروا يجيبوا كمان

يبقى المتقطع هاييجي و بنك الإسكان هايشتغل فيها مش بعيد

أنا مش قادر أتخيل ان في حد ممكن يشغل مخه (من غير الخوف و الهلع اللي الوكيل بيعيشنا فيه) و يروح يشتري عربية متقشطة و غالية موتور قديم علشان ضمان ....و قدامه النسخة الحقيقة و ليها قطع غيار وممكن تتصلح في أي حتة

ومش عربية مجهولة يعني هاخاف منها ...و بعدين ما الخليجي مغرق الدنيا ...ماماتوش كلهم و عاش ركاب سيارات التوكيل

http://up.mrame.net/uploads/images/mrame-72f5a3a4c9.jpg
وبعدين ليه نخسر ...واحنا فإيدينا نكسب

تهامي باشا.... استااااااااذ

دكتور احمد، كنت مستني ردك بفارغ الصبر لسببين، انا بحب اقرأ تعليقاتك و اسلوبك سواء اتفقت معاك او اختلفت، السبب التاني اني عارف انك شفت و عاينت اللاسيتي بنفسك.

اتفق معاك في 99.9% من رأيك، ما عدا موضوع الخليجي المنتشر، علشان الموضوع هنا مختلف، بمعني انت معاك سيراتو خليكي، بس في الاول و الاخر هي كيا و سيراتو، انما في الحالة بتاعتي الاسم و الموديل مختلفين تماما، بمعني ان لو كان في خليجي من الكروز كان الموضوع هيبقي اسهل بكتير، انما موضوع الاسم ده هو اللي مخوفني شويه.

علي العموم انا هسألك نفس السؤال اللي سألته للاخ yah:
لو انت بتشتري مستعمل و قدامك كروز منصور و الدايو اللاسيتي، و ضمان منصور عدي عليه ٣ سنين و خلص، و الدايو من غير ضمان، و العربيتين حالتهم كويسة و بنفس السعر، انت هشتري ايه ؟ و هل اسم دايو او شيفروليه ممكن يأثر علي قرارك ؟
06-10-2009, 12:34 PM
dodino2006

اقتباس:

المشاركة الأصلية كتبت بواسطة egyptianmafia

who is selling the Lacetti in Egypt?????

Mansour WILL fix the car but obviously everything in the car is out of the warranty

so if you want to get stuff fixed in your car you can take it to Mansour.....

but the only time I would take the Lacetti if the car has engine problems...anything else you can take it to any mechanic....

you dont want a mechanic to play with the ecotec engine....

and just because it has the ecotec engine...doesnt mean that it is the same engine as the Astra G or Vectra C....

not all Etect II or Ecotech engines are the same.....so you need to watch out for this......

....

اقتباس:

المشاركة الأصلية كتبت بواسطة egyptianmafia

Ahmad Samy...I can assure you that the Cruze engine is not the Vectra C engine....

also the Astra G engine is not the Vectra C engine.....

remember that Cruze (Lacetti), Astra G and Vectra C all use Ecotec engine but all of them use the same name but the engine itself is different....just because it is named Ecotec doesnt mean they are all the same.....

open the Lacetti engine and the Vectra C engine first and then come back and I want you to say that they are the same......I gurantee you wont come back saying they are the same!

مافيا باشا، علي قد ما انا كنت مستني رأيك بفارغ الصبر علي قد ما كن خايف تبقي منحاز لتوكيل منصور، بس الحمدلله ردك كان محايد جداً.
اتفق معاك ان هناك عدة اصدارات للموتور ال Ecotec (الموجود في اللاسيتي الاصدار التالت و هو اقوي من موتور الفيكترا و الاسترا - 105 حصان 150 نيوتن لكل من الفيكترا و الاسترا في مقابل 114 حصان و 156 نيوتن لللاسيتي) و لكن اعتقد ان 95% من مكونات الموتور و خصوصا القطع اللي بتحتاج غير بشكل دوري كالبوجيهات و السيور و خلافه هتكون مشتركة في كافة الاصدارات.

بس ممكن يا باشا تتأكدلي اذا كان ممكن اعمل صيانة عند منصور او ابو غالي (افضل ابو غالي) حتي و لو بفلوس زيادة ؟؟
06-10-2009, 12:35 PM
dodino2006

اقتباس:

المشاركة الأصلية كتبت بواسطة gasdealer

انت من بورسعيد يا باشا ؟

نص نص هههههههه
في الاصل بورسعيدي، بس مش عايش هناك من فترة كبيييييييييرة اووووووي
06-10-2009, 12:37 PM
dodino2006

اقتباس:

المشاركة الأصلية كتبت بواسطة yah

مبقاش فى كلام يتقال

علي فكرة، نسيت اقولك ان تقرير دكتور احمد عن الدايو لاسيتي هو اللي خلاني ادور وراها
06-10-2009, 12:44 PM
GasDealer

لو انت من بورسعيد و منصور حيعملك الصيانة يبقى تجيب دايو لاسيتي من غير تفكير .. و لو ملقتش قطع الغيار عند منصور حتلاقيها فى بورسعيد ... الخلاهم يجيبو العربية مش حيعرفوا يجيبو قطع غيارها ؟؟ و ارخص كمان من منصور .... هم بيجيبوا العربية فى اد ايه؟
06-10-2009, 01:02 PM
dodino2006

اقتباس:

المشاركة الأصلية كتبت بواسطة gasdealer

لو انت من بورسعيد و منصور حيعملك الصيانة يبقى تجيب دايو لاسيتي من غير تفكير .. و لو ملقتش قطع الغيار عند منصور حتلاقيها فى بورسعيد ... الخلاهم يجيبو العربية مش حيعرفوا يجيبو قطع غيارها ؟؟ و ارخص كمان من منصور .... هم بيجيبوا العربية فى اد ايه؟

بصراحة مش عارف بيجيبوا العربية في قد ايه، بس اللي اعرفه ان في دفعة (مش عارف كام عربية بالظبط) بيخلصوها في المينا الاسبوع ده.... بتشاور عقلك ولا ايه يا باشا ؟؟؟
06-10-2009, 01:37 PM
GasDealer

انا كنت بشوف قطع الغيار مئلا لو مش هنا ممكن تجيلك فى قد ايه!
انا فكرت فى العربية ده اكتر من مرة و شوفتها فى شهر خمسة الى فات كان واحد جايب اتنين و احدة ليه وواحدة لاخوه و اتكلمت معاه و اقنعنى بيها جدا و سخنت عليها ... و بعدين لقيت انى مش حمل اى حاجة تحصل فيها... يعنى مش حروح اتحايل على توكيل و ادور على قطع غيار و كدا... عشان كدا بقولك لو ظبت الحاجات ده اتكل على الله ....
06-10-2009, 04:00 PM
eng/muhamad

اولا انا شايف ان اللاسيتى تضرب الكروز بالشوز
تانى حاجه حضرتك هات لاسيتى
و غير الشبه بشبكه كروز عشان و انت ماشى فى الشارع محدش يبص و يستغرب و يقول ايه الماركه الغريبه دى و يسال
و بعد كده غير الغطاء بتاع المحرك بغطاء محرك الكروز
و بعد ما تغير الشبكه و الغطاء ممكن تضحك على منصور و تدخلها الصيانه عنده
ههههههههههههه
06-10-2009, 05:21 PM
Ahmed Samy

اقتباس:

المشاركة الأصلية كتبت بواسطة dodino2006

علي العموم انا هسألك نفس السؤال اللي سألته للاخ yah:
لو انت بتشتري مستعمل و قدامك كروز منصور و الدايو اللاسيتي، و ضمان منصور عدي عليه ٣ سنين و خلص، و الدايو من غير ضمان، و العربيتين حالتهم كويسة و بنفس السعر، انت هشتري ايه ؟ و هل اسم دايو او شيفروليه ممكن يأثر علي قرارك ؟

دلوقتي انا زبون سنة 2012 و باشتري منك

دايو لاسيتي 2010 كاملة

انا طبعا هاركب العربية ...و هاسألك جبتها منين ..

و ماجيبتش الكروز ليه

و بعدين هاركب و اخد لفة

فاتبسط باللي هاشوفه

و هاسألك سؤال محوري ....بتعمل صيانة فين ؟؟

قطع غيار الموتور موجودة ؟؟؟ في ليها استيراد ؟؟؟

لو السؤالين ليهم اجابات ايجابية

هاشيل

لو لأ ....مش هاشيل

يبقى حضرتك دلوقتي تحاول تظبط اجابات "مبدئية" لنفسك مجرد مكان للصيانة و أعتقد هاتلاقي لأن على قد الزيوت و الفلاتر مش هاتبقى قضية هو مش موتور هندي يعني (بس طبعا اتأكد)

و ممكن تسأل حد من اللي راكبها في بورسعيد بيصونها فين أو هايعمل ايه في قطع الغيار

و في زميل لينا جاب واحدة في المنتدى كمان ممكن تسأله

بص ...انا عارف ان الموضوع مشجع

بس إوعى تغمض و تنط ...و تقول خليها على الله

اسأل و دور لأن الفلوس مش لاقيينها على الرصيف

وماتشتريش الا و انت عارف هاتعمل ايه
06-10-2009, 07:20 PM
adfarouk

اقتباس:

المشاركة الأصلية كتبت بواسطة Hosam_Optrawy

ياجماعه عايزين نتأكد من موضوع البنزين دا

لانى لما بصيت على الالنترا لقيت نسبة الانضغاط بتاعتها 10.5

وماشيه بالبنزين ال 92 عادى

والموتور ال EcoTec الانضغاط بتاعه 10.8 يعنى مش فارقه كتير

والاستاذ dodino كان قال ان البنزين ال 95 من اول 12.0

اقتباس:

المشاركة الأصلية كتبت بواسطة dodino2006

حسام باشا، انا كنت قلت ان البنزين ال 95 بيبتدي من نسبة انضغاط 11 مش 12, و بالمناسبة انا لاحظت ان نسبة انضغاط ال Ecotec في الفيكترا 10.5 في حين انها في الكروز (بالخارج) 10.8, اعتقد ان ده يرجع ان موتور الكروز اقوي من الفيكترا (105 حصان في الفيكترا مقابل 114 حصان في الكروز)، لكن بما ان الفرق مش كبير و خاصة ان الفيكترا بتستخدم بنزين 92و فهحاول اسأل في موضوع محسن الاوكتان علي البنزين ال 92

dodino معاه حق في موضوع ان كل ما نسبة الأنضغاط بتزيد رقم الأوكتان بيزيد بس مع توضيح بسيط
- الكلام ده صح جداً بس في حالة الموتور الواحد ده حتي لو الموتور ده يحصل عليه أى تعديل الموضوع بيختلف
- مفيش علاقه أو معادلة (على حد علمي) بين نسب الأنضغاط و رقم الأوكتان ممكن نطبقها عشان نعرف الأوكتان من نسبة الأنضغاط لأى موتور ..... الموضوع ده بيتعرف من المانيوال بتاع كل عربية

بالنسبه للكروز 1600 بالموتور الـ Ecotec اللي بتنزل في أوروبا البنزين الموصى به 95 مش 92

ده Link للمواصفات بالتفصيل للكروز اللي بتنزل في ألمانيا http://www.cars-of-europe.com/chevrolet/chevrolet_cruze_16_ktb3521.shtml

dodino حاول تشوف المانيوال بتاع اللاسيتي بعينك و بلاش تخلي حد يفتيلك من أصحاب المعارض في الحكاية دي علشان تبقى في الأمان
06-10-2009, 08:09 PM
Hosam_Optrawy

اقتباس:

المشاركة الأصلية كتبت بواسطة dodino2006

حسام باشا، انا كنت قلت ان البنزين ال 95 بيبتدي من نسبة انضغاط 11 مش 12, و بالمناسبة انا لاحظت ان نسبة انضغاط ال ecotec في الفيكترا 10.5 في حين انها في الكروز (بالخارج) 10.8, اعتقد ان ده يرجع ان موتور الكروز اقوي من الفيكترا (105 حصان في الفيكترا مقابل 114 حصان في الكروز)، لكن بما ان الفرق مش كبير و خاصة ان الفيكترا بتستخدم بنزين 92و فهحاول اسأل في موضوع محسن الاوكتان علي البنزين ال 92

اسف على الخطأ

حضرتك فعلا قلت 11 مش 12
06-10-2009, 09:35 PM
GasDealer

اقتباس:

المشاركة الأصلية كتبت بواسطة ahmed samy

دلوقتي انا زبون سنة 2012 و باشتري منك

دايو لاسيتي 2010 كاملة

انا طبعا هاركب العربية ...و هاسألك جبتها منين ..

و ماجيبتش الكروز ليه

و بعدين هاركب و اخد لفة

فاتبسط باللي هاشوفه

و هاسألك سؤال محوري ....بتعمل صيانة فين ؟؟

قطع غيار الموتور موجودة ؟؟؟ في ليها استيراد ؟؟؟

لو السؤالين ليهم اجابات ايجابية

هاشيل

لو لأ ....مش هاشيل

يبقى حضرتك دلوقتي تحاول تظبط اجابات "مبدئية" لنفسك مجرد مكان للصيانة و أعتقد هاتلاقي لأن على قد الزيوت و الفلاتر مش هاتبقى قضية هو مش موتور هندي يعني (بس طبعا اتأكد)

و ممكن تسأل حد من اللي راكبها في بورسعيد بيصونها فين أو هايعمل ايه في قطع الغيار

و في زميل لينا جاب واحدة في المنتدى كمان ممكن تسأله

بص ...انا عارف ان الموضوع مشجع

بس إوعى تغمض و تنط ...و تقول خليها على الله

اسأل و دور لأن الفلوس مش لاقيينها على الرصيف

وماتشتريش الا و انت عارف هاتعمل ايه

+1111111111111111
06-10-2009, 11:10 PM
nab!l

اقتباس:

المشاركة الأصلية كتبت بواسطة dodino2006

الف شكر يا باشا علي الرد، انت فعلاً فكرتني باللاسيتي من ٤-٥ سنين لما كانت بتتباع في بورسعيد ب 70-75 الف جنيه منطقة حرة (بدون جمارك) في حين كانت اتخن عربية كوري منطقة حرة ما تزيدش عن 35-40 الف جنيه و كانت منتشرة لحد ما في بورسعيد بالرغم ان مصر كلها ما تعرفش عنها حاجة ولا حتي توكيل دايو اياميها كان بينزلها (اصل البورسعيدي الاصيل لما بيشتري عربية ما بيهتمش يسأل علي توكيلها قد ما يهمه يسأل علي قطع غيارها في بنك الاسكان و هو ده بالنسباله الحكم الفيصل و الاخير ههههههههه)

علي العموم اتفق معاك ان الموتور فعلاً هيفرق في الاداء و اعادة البيع بغض النظر عن موضوع الجنوط ....

بس عايز اعرف رأيك الشخصي في حاجة، لو انت بتشتري مستعمل و قدامك كروز منصور و الدايو اللاسيتي، و ضمان منصور عدي عليه ٣ سنين و خلص، و الدايو من غير ضمان، و العربيتين حالتهم كويسة و بنفس السعر، انت هشتري ايه ؟ و هل اسم دايو او شيفروليه ممكن يأثر علي قرارك ؟

بص كاسم يبقى ( وفى مصر بس) اسم الشيفروليه اقوى
بس والله العظيم انا لو مكانك هشترى الدايو انا اول ماشفتها انا واصحابى وقفنا ادامها ولفينا حوليها عشان نعرف دى ايه نوعها ايه العربيه الحكاية دى بجد اتوهمنا
الكروز اول ما شفت صورها اتوهمت برده بس لما عرفت موضوع موتور الاوبترا نزلت من نظرى كتيييييييييييير
الوكيل بيضحك علينا نزلنا شكل جديد كليا بس لم يضف اى شئ بداخلها ابدا
لاسيتى على كلامك فيها كماليات اكتر
وبعدين انت بتفكر فى اعادة البيع هو انت بتغير على طول ؟ كل اد ايه مثلا؟
07-10-2009, 01:39 AM
egyptianmafia

dodino...you can make the service at Mansour...I cannot talk on behalf of Maggar or Yassin or any of those places....

Mansour is the best place to fix it because they know the car 100% and know how to fix it.....

the only thing is...that the car is out of warranty in everything...so you will pay for everything that will be done.....

Dont worry....I have seen cars in Pyramids that are bought from the gulf being serviced at Mansour and the owners paid for everything.....

BUT BUT BUT BUT BUT BUT BUT (keep in mind all the BUTS i wrote....lol)

if you get the Lacetti and say they (Daewoo) had a recall on x part or whatever.....you are out of luck....you will need to buy this x part and pay Mansour to install it for you.....

you wont get it replaced by Mansour or Daewoo for FREE....

1) Mansour wont warranty the Daewoo

2) The Daewoo is ONLY sold in Korea......if you ship it outside Korea...the warranty from Daewoo is also gone

so any recalls you will be stuck with it...and need to find that part that is being recalled and fix it on your expenses...
07-10-2009, 01:56 AM
KHALED AYMAN

اقتباس:

المشاركة الأصلية كتبت بواسطة hosam_optrawy

ياجماعه عايزين نتأكد من موضوع البنزين دا

لانى لما بصيت على الالنترا لقيت نسبة الانضغاط بتاعتها 10.5

وماشيه بالبنزين ال 92 عادى

والموتور ال ecotec الانضغاط بتاعه 10.8 يعنى مش فارقه كتير

والاستاذ dodino كان قال ان البنزين ال 95 من اول 12.0

انا معايا فيكترا 2008 ..
الى هى الموتور ده ..
بنزين 92 تمام و زى الفل ..
و ده كلام الوكيل و الكتالوج و الورقه الى ملزوقه على التنك !!!
مين قال 95 ؟؟
07-10-2009, 02:01 AM
KHALED AYMAN

هى الموتور بتاع الدايو دى كام حصان ؟؟
لو 115 يبقى ده موتور الاسترا السيدان مش الفيكترا !!!
فى الحاله دى يبقى معرفش هو بياخد بنزين كام !!
لو 105 حصان يبقى ده موتور الاسترا الهاتش و الفيكترا ..
و فى الحاله دى
يبقى بنزين 92 ..
07-10-2009, 02:21 AM
egyptianmafia

honestly the Vectra C should take 95.....I swear to god it should take 95.....

but Mansour cannot say to the customers put 95 because it is expensive and no one will buy the car....

there is a guy in Germany called Volker...he is in charge with the Opel after sales...if you get in touch with him....he will tell you that the Vectra C should take 95 but they made an agreement with Mansour and GM Egypt to allow people to put 92.....

but technically the Vectra C is 95 just like the Jetta and Passat....
07-10-2009, 02:25 AM
KHALED AYMAN

طيب انا بحط 92 ..
ايه الضرر ؟
07-10-2009, 03:42 AM
Hosam_Optrawy

اقتباس:

المشاركة الأصلية كتبت بواسطة khaled ayman

هى الموتور بتاع الدايو دى كام حصان ؟؟
لو 115 يبقى ده موتور الاسترا السيدان مش الفيكترا !!!
فى الحاله دى يبقى معرفش هو بياخد بنزين كام !!
لو 105 حصان يبقى ده موتور الاسترا الهاتش و الفيكترا ..
و فى الحاله دى
يبقى بنزين 92 ..

بيتهيألى غير الفيكترا

لانها 114 حصان
07-10-2009, 04:24 AM
egyptianmafia

اقتباس:

المشاركة الأصلية كتبت بواسطة KHALED AYMAN

طيب انا بحط 92 ..
ايه الضرر ؟

the Vectra will perform better if you put 95....

try it once and you will see....

but to answer your question....dont worry...nothing will happen.....like I said....Mansour and Opel made an agreement to allow Vectra C to put 92

but I know that VW and Audi ARE VERY VERY VERY strict when it comes to 95...

I have heard that when you buy the car VW or Audi...you initial beside the part that states that you need to put gas 95 and if you put anything other than 95...your car is out of warranty

so I would put 95 if you drive a VW or Audi

especially the khaleegy versions....the gas in the gulf is 92+ and a lot of people there put 95....
07-10-2009, 07:26 AM
adfarouk

اقتباس:

المشاركة الأصلية كتبت بواسطة egyptianmafia

honestly the Vectra C should take 95.....I swear to god it should take 95.....

but Mansour cannot say to the customers put 95 because it is expensive and no one will buy the car....

there is a guy in Germany called Volker...he is in charge with the Opel after sales...if you get in touch with him....he will tell you that the Vectra C should take 95 but they made an agreement with Mansour and GM Egypt to allow people to put 92.....

but technically the Vectra C is 95 just like the Jetta and Passat....

اقتباس:

المشاركة الأصلية كتبت بواسطة KHALED AYMAN

طيب انا بحط 92 ..
ايه الضرر ؟

يا شباب الموضوع سهل أوي و احنا عارفيين الموضوع في مصر ماشي ازاى .... لو شاكك في كلام الوكيل و الكتالوج ادخل على النت و شوف موتور عربيتك البنزين الموصى به رقم الأوكتان بتاعه كام ...... أهم حاجه أنك لازم تتأكد أن الموتور اللي بتشوف بياناته هو الموتور بتاعك بالظبط مش ادني اختلاف.

بالنسبه لموضوع انك تحط بنزين رقم اوكتان أقل (أقل شويه مش يعني تحط 80) .... ده بس بيخلي الموتور مش بيوصل للكفاءة القصوى له ..... يعني دفعت فلوس في موتور ما استفدتش بامكانياته بنسبة 100% (كنت جبت موتور أقل كفاءة من الأول و وفرت فلوسك)

زي برضه الناس اللي بتحط اوكتان عالي (مالوش لازمه للموتور) علشان يزود كفاءة الموتور مع العلم ان الموضوع ده مرتبط بنسبة الأنضغاط اللي هيا ثابته في كل موتور .... يعنى دفعت فلوس زيادة في الهوا

في حاجات كتير في مصر ماشيه بالبركه ..... جرب كده تقول لواحد بتاع كاوتش انه يظبطلك الكاوتش على الضغط اللي العربيه مصصمه عليه زى ما مكتوب في الكتالوج هتدخل في جدال و وجع دماغ بسبب موضوع 28 في الصيف و 30 في الشتا :majd(4): ...... بس ساعات ربنا ممكن يحط في سكتك ناس بتفهم برضه :ask:
07-10-2009, 08:55 AM
dodino2006

اقتباس:

المشاركة الأصلية كتبت بواسطة eng/muhamad

اولا انا شايف ان اللاسيتى تضرب الكروز بالشوز
تانى حاجه حضرتك هات لاسيتى
و غير الشبه بشبكه كروز عشان و انت ماشى فى الشارع محدش يبص و يستغرب و يقول ايه الماركه الغريبه دى و يسال
و بعد كده غير الغطاء بتاع المحرك بغطاء محرك الكروز
و بعد ما تغير الشبكه و الغطاء ممكن تضحك على منصور و تدخلها الصيانه عنده
ههههههههههههه

و تبقي لاسيتي متنكرة هههههههههه، المشكلة يا باشا ان اللاسيتي من نضافتها اول ما هيشوفها حد من منصور هيعرف انها مش تابعهم برضه...

علي العموم الف شكر يا باشا علي الرد
07-10-2009, 10:20 AM
dodino2006

اقتباس:

المشاركة الأصلية كتبت بواسطة Ahmed Samy

دلوقتي انا زبون سنة 2012 و باشتري منك

دايو لاسيتي 2010 كاملة

انا طبعا هاركب العربية ...و هاسألك جبتها منين ..

و ماجيبتش الكروز ليه

و بعدين هاركب و اخد لفة

فاتبسط باللي هاشوفه

و هاسألك سؤال محوري ....بتعمل صيانة فين ؟؟

قطع غيار الموتور موجودة ؟؟؟ في ليها استيراد ؟؟؟

لو السؤالين ليهم اجابات ايجابية

هاشيل

لو لأ ....مش هاشيل

يبقى حضرتك دلوقتي تحاول تظبط اجابات "مبدئية" لنفسك مجرد مكان للصيانة و أعتقد هاتلاقي لأن على قد الزيوت و الفلاتر مش هاتبقى قضية هو مش موتور هندي يعني (بس طبعا اتأكد)

و ممكن تسأل حد من اللي راكبها في بورسعيد بيصونها فين أو هايعمل ايه في قطع الغيار

و في زميل لينا جاب واحدة في المنتدى كمان ممكن تسأله

بص ...انا عارف ان الموضوع مشجع

بس إوعى تغمض و تنط ...و تقول خليها على الله

اسأل و دور لأن الفلوس مش لاقيينها على الرصيف

وماتشتريش الا و انت عارف هاتعمل ايه

كلام جميل و كلام معقول مقدرش اقول حاجة عنه....

انا فعلاً حطيت حلول تصورية في الموضوع و كنت حابب اسمع رأيك في تطبيقهم علي ارض الواقع، كمان ظهرت شوية نقط مشجعة في صالح اللاسيتي احب اعرضهم عليك:
١- الاخ المحترم EgyptianMafia (و هو راجل علي علاقة كويسة جدا بناس في توكيل منصور) آكدلي ان ممكن العربية يتعملها صيانة و تتصلح عند منصور و لكن كل شئ بتمنه.
٢- الدفعة اللي داخلة بورسعيد الاسبوع ده فيها 16 عربية مرة واحدة، وواضح ان اللاسيتي هتنتشر في بورسعيد اكتر من الكروز و قطع غيارها هتتوفر في بورسعيد، و بكره اصحاب الكروز التوكيل هيروحوا يشتروا قطع الغيار من بورسعيد علشان اوفر هههههه
٣- امبارح اتلقيت شركة في كوريا موزع معتمد لقطع غيار الدايو بجميع انواعه و اتصلت بيهم تليفونيا و سألتهم علي الشحن لمصر، و قالولي مفيش مشاكل، و الاسعار طبعاً رخيصة جدا (الشبكة الامامية مثلاً ب 240 جنيه مصري، يعني بعد الشحن و الجمارك هتكون ارخص من التوكيل برضه) اسم موقع الشركة GM´ë؟ى,¸£³ë»ï¼؛ ؛خا° ¼îاخ¸ô ¹و¹®ہ» ءّ½ةہ¸·خ °¨»çµه¸³´د´ظ.

اعتقد ان النقط دي ترفع رصيد اللاسيتي علي الاقل بالنسبة لي، و برضه في انتظار سماع مزيد من الاراء

عرض 40 مشاركات من هذا الموضوع لكل صفحة

الساعة الآن 03:39 AM

Content Relevant URLs by vBSEO 3.6.0 PL2