الموضوع: ما هى أكثر ماركة سيارات اعتمادية فى مصر

هوندا : قوة .. تكنولوجيا .. توفير في الوقود .. ندرة في الأعطال

بيجو : موديلات رائعة .. قوة .. تكنولوجيا .. توفير في الوقود وإن كان أقل شوية
من الهوندا وأكتر من البي إم .. ندرة في الأعطال

بي إم دبليو : قوة أكبر .. تكنولوجيا أقل من الهوندا .. ندرة في الأعطال طبعا .. بعد البيجو عشان سعرها العالي فقط

ميتسوبيشي : تكنولوجيا .. توفير في الوقود أقل شوية .. ندرة في الأعطال

سوزوكي : بسيطة .. توفير في الوقود عالي .. ندرة في الأعطال .. قطع غيار أرخص

تويوتا : ماعرفلهاش غير انها نادرة الأعطال فقط

الدايو والهيونداي والفيات والشاهين خارج المنافسة لأن اعطالهم كتيرة جدا بنسب متفاوتة حسب نوع كل عربية وقطع غيارهم مش رخيصة برضة يمكن ما عدا الفيات والشاهين بس برضه الإتنين دول أعطالهم أكتر بكتير من الإتنين اللى قبليهم يعني محصلة بعضها

في نوع تاني انا ركبته وكان جميل .. تكنولوجيا .. ندرة في الأعطال واستهلاك بنزين معقول وهية الكيا ... وعلى فكرة الكيا أصلا كشركة اللى عاملاها هية هيونداي بس زي ماتقول الإبن اللى تفوق على أبوه في كل حاجة

المرسيدس : انا مابحبش الماركة دي أساسا ماعرف ليه بدون أسباب أصلا بيقولوا أن صوت القلب بيغطي على صوت العقل وانا قلبي مش بيحبها حتى لو كانت من أقوى وانضف وأحسن العربيات بإجماع الآراء

بقيت العربيات المذكورة في الموضوع انا معرفش عنها حاجة زي الأوكتافيا والأسكودا واللادا والرينو والستروين وما الى ذلك فا مقدرش أكلم عنهم

اكييييييييييييييييييييييد الدايو وبعدين الهيونداى

وهي الميتسوبيشي ما لهاش نفس ؟؟؟

استطلاع عن الاعتمادية و في مصر تتحط فيه رينو و ما تتحطش فيه ميتسوبيشي ؟؟

غريبة

بي إم دبليو : قوة أكبر .. تكنولوجيا أقل من الهوندا .. ندرة في الأعطال طبعا .. بعد البيجو عشان سعرها العالي فقط

واضح ان حضرتك ما ركبتش بي ام قبل كده
بي فيها هاي تك عااااااااااالي جدا و قد يفوق الهوندا و من زمان
بي ام اعطالها مش نادرة ولا حاجة دي أجدع عربية تعطل

المشاركة الأصلية كتبت بواسطة Ahmed Samy

وهي الميتسوبيشي ما لهاش نفس ؟؟؟

استطلاع عن الاعتمادية و في مصر تتحط فيه رينو و ما تتحطش فيه ميتسوبيشي ؟؟

غريبة





واضح ان حضرتك ما ركبتش بي ام قبل كده
بي فيها هاي تك عااااااااااالي جدا و قد يفوق الهوندا و من زمان
بي ام اعطالها مش نادرة ولا حاجة دي أجدع عربية تعطل

انا ركبت بي إم 741 IL TURBO وقعدت بيها تقريبا حوالي شهر في السعودية وكانت موديل 95 وكان في نفس الوقت معايا هوندا أكورد نفس الموديل بتاعتي وبصراحة التكنولوجي بتاع الهوندا عجبني أكتر وكان اللى أفكر فيه الاقيه معمول في الهوندا أصلا
لكن البى إم كانت عادية آه فخمة وقوية أقوى من الهوندا بكتيييييييييييير بس عادية برضه (طبعا كلامي ده مش معناه إنها مش تحفة عن الهوندا بجميع المقاييس ... قوة , متانة , كفاية العفشة المستحيلة اللى هما عاملينها في البي إم ولا الكرسي بتاعها ) بس في النعومة والتكنولوجي الهوندا يكسب بلا منازع بالنسبة لي

انا شفت مرة هوندا أكورد موديل 80 كان فيها نظام متابعة بالقمر الصناعي وكمبيوتر للأعطال مع إمكانية القيادة الآلية في خط مستقيم وعدم المناورة موديل 80 ده غير اللى ماعرفتوش فيها

أنا قولت البى إم نادرة الأعطال لأنها مع ناس كتير أعرفهم عمري ماشفتها بتعمل حاجة وحشة معاهم أبدا