بص ياباشا بالنسبه للاسعار الاول
الياريس الفل اوبشن اتوماتيك ب 103.900 (انا شايف انه مبلغ مبالغ فيه وكتير بصراحه)
الياريس البيزك اتوماتيك ب 95.900 واغلب الناس بتجيبها وتبقى تركب ازاز كهربا وسنتر وحبه كماليات بسيطه وتبقى زى الفل اوبشن
الجين 2 مفيش منها غير الفل اوبشن دى ب 89.900
البرسونا بقى فى منها هاف اوبشن وفل اوبشن الهاف ب 85.900 والفل اوبشن ب 90.900
وبص ياباشا ده موقع فيه كل اسعار العربيات انا استفدت منه كتير اوى وقت مكنت بشترى عربيتى عشان كنت بتطلعلى عربيات واقتراحات فالنص كده فكنت ببقى عاوز اعرف اسعارها وكده
الموقع ده فيه كل العربيات واسعارها
ContactCars | السيارات الجديدة بمصراستاذ ايمن ده زميلنا فالمنتدى هنا راجل محترم جدااا وخدوم اوى وطيب عامل خصم لاعضاء المنتدى هنا حوالى 3 الاف جنيه فالعربيات البروتون كلهامانيوال واتوماتيك وكله وهو اكيد هيرد عليك وهيعرفك بنفسه وهيقولك على الخصم ده بنفسهكود HTML:http://www.contactcars.com/NewCars_All.asp
واكيد ايمن هيجيب لحضرتك الخصم انشاء الله
بالنسبه لرايي فالجين والبرسونا فانا رايي البرسونا انسب بالنسبالى عشان كده جبتها
هو مبدأيا الموتور واحد والصاج واحد والعفشه واحده يعنى العربيتيين توأم فكل حاجه معادا الحجم
البرسونا ليها شنطه كبيره الجين لفتباك بس فيها شنطه حلوه يعنى مش ضيقه اوى بالنسبه للوسع فاعتقد البرسونا هتبقى اوسم فالصالون بحاجه بسيطه 7-8 سم مش اكتر الاهم من الوسع بقى ان الجين من ورا قصيره شويه يعنى لو فى ناس طوال شويه ممكن دماغهم تخبط فالسقف
وبما ان حضرتك خلاص ربنا كرمك وقريب انشاء الله نباركلك على اولادك الصغيريين فانا اعتقد البرسونا هتبقى احسن عائليه وتشيل انما الجين 2 شبابيه
بالنسبه لرايي فالعربيه بقى --------------------------
مبدأيا انا معايا الهاف اوبشن فمش هعرف اكلمك عن الاوبشنز اللى فيها اوى
العربيه ثباتها حلو اوى انا جربتها لحد 140 كانت كويسه اوى وفراملها حلوه
الصاج انا شايفه حلو وتقيل واحسن من صاج كل العربيات اللى ففئتها انا سعات بحسه مقارب لصاج الاوكتافيا شويه
العفشه حلوه اوى بس ناشفه شويه فالمطبات ده راجع انها عربيه رياضيه فلازم تبقى ثابته فالسرعات والغرز وكده وده برضو سبب ان فتحت الدركسيون مش كبيره اوى بس عادى هتتعود عليها انا عن نفسى مش متضايق فحاجه منهم
بالنسبه للتقفيل من جوه انا شيفه كويس اللى بيقولوا تقفيلها وخامتها وحشهدول بيقارنوها بالمرسيدس والبى ام والحجات دى انما هى ففئتها انا شايفه مناسبه وكويسه
شكلها من بره ومن جوه عاجبنى وعاجب ناس كتير وخصوصا البرسونا الناس اول متشوفها تقول دى عربيه فخمه ومحترمه
نيجى بقى لاهم حاجه كانت شغله بالى وقت مكنت بفكر اشترى عربيه اللى هى قطع الغيار والصياااااانه
انا مش هكدب عليك واقولك انا عارف كل حاجه عن قطع الغيار والتوكيل انا عملت صيانه الالف من فتره ب145 جنيه تغيير زيت وفلتر وقطع الغيار بقى انا معرفش اسعارها اوى عشان الحمد لله ماتحطتش فالموقف انى اشترى حاجهوياب ماتحط فيه
بس فى كذا موضوع هنا فالمنتدى عن قطع الغيار والتوكيل ممكن تفيد حضرتك
بس انا هقول لحضرتك حاجه بين وبينك كده كل العربيات الجديده قطع غيارها غاليههيبقى حتى فرقها ايه بينها وبين ارخص قطعه غيار لعربيه جديده يعنى مثلا الفيرنا ولا الانوس اللى هما ارخص قطع غيار هيقى فرقهم ايه عن قطع غيار البروتون لو حاجه ب 100 مثلا فالفرنا او الانوس هتبقى فالروتون بكام 120 ولا 130 مثلا هتلاقى الفرق مش كبير اوى وبعدين ربنا ميحطك فموقف تحتاج فيه قطع غيار حافظ على العربيه مش هتحتاج حاجه كبيره
بس كده كل ده اللى فدماغى حاليا ولو نسيت حاجه معلش ابقى اعذرنى انا والله قلتلك كل اللى فدماغى دلوقتى وانا الحمد لله مرتاح مع العربيه لحد دلوقتى ومظهرش معايا فيها اى مشاكل ولا اى عيوب الحمد لله
ولو فى اى استفسار عند حضرتك انا تحت امرك فاى حاجه
واسف على الاطاله دى
المفضلات