بسم الله الرحمن الرحيم
ايه رأيكم يا جماعه في البولو الجديده
ال 2010 مش ال 2009
علشان الشكل اتغير
الجديده نازله بموتور 1.4
و اعتقد هتكون الماني كلها
يعني مفيش واحد مصري مد ايده عليها
( تعالي يا حبيبتي )
ههههههههههههههههههه
المهم بقى انا عايز اعرف رأي خبراء الفولكس في المنتدى العبقري ده عن رأيهم في العربيه دي
و سعرها ده يجيب حاجه أحسن ؟
هي ب 109 تبترونيك
المفروض المبلغ ده يجيب حجات كتير
و دي عربيه مش موبايل
يعني اقل حاجه التغيير هيكون بعد 6 سنين
اعتقد المبلغ ده يجيب ,,
طبعا البولو أول حاجه
لانسر شارك مانيوال فاضيه
لانسر بومه هاف
جين 2
فيرنا
( طبعا ممكن حد يقولي ايه الي جاب الفيرنا هنا هي عجباني و الله بس لو ثباتها اعلى شويه عالسرعات العاليه زي 160 كده )
اصل فعلا خساره تجيب عربيه غاليه في مصر
غير اصلا احنا بنشتري العربيه بضعف تمنها
بهوات احنا و الله
( الحومه )
,,,
بصراحه دول اللي بفكر فيهم
و محتار
انا عايز ايه بقى ,,
عايز عربيه شبابيه
اهم حاجه : الشكل الجاحد
و الثباااااااااات
يعني امشي 160 مستريح
و اهم حاجعه احس اني حطيط فلوسي في حاجه تمام يعني
و التقفيل يبقى بخامات عاليه
و موتور شدييييد
بس كده
هو بصراحه انا نفسي اجيب بال ميت الف اللي معايا دول بورش من الآخر كده
المهم انا كتبت الموضوع في الالماني علشان هو افخم قسم و علشان انا متحيز للبولو جامد بصراحه
الي محيرني في المقارنه جامد
بولو ولا جين 2
خصوصا ان الجين هتوفرلي 25 الف
اجيبلي لاب توب و موبايلين عالاقل
او اجيب بيهم سوزوكي سويفت مستعمل
( يا ريت تشوفو صور البولو 2010 قبل اي كلام )
الجين 2 دي محيراني و الله
المشكله حاولت ادور على حد بيأجرها علشان اسوق و احكم بنفسي ( قال خبير انا يعني :POINTI~2[2]: )
طبعا مفيش منها ايجار
هو مين اوسع من جوه جين 2 ولا بولو
و مين اشد يعني كده
الي عنده حاجه يقولها
و اللي معندوش يشوف حاجه يقولها برده
عايز اجيب عربيه و اخلص بقى من الحوار ده
على فكره ميفرقش معايا اسعار قطع غيار المهم بس تكون موجوده مش اكتر
و شكرا
( على فكره انا معايا 100 و هستلف ال 10 علشان البولو )
نشوف الردوود بقا
المفضلات