من سيراتو 2010 لـ بولو 2001 :)

**ooosha_14** · 25-01-2012 07:32 PM

السلام عليكم ورحمه الله وبركاته
اسم الموضوع صعب عليا واحساسه اصعب بالتاكيد انا للاسف بعت عربيتى السيراتو وكانت يعيني عامله بس 50. الف كيلو والمهم انا معاي 45 الف وعايز اجيب بولو 2001 وتكون نضيفه بس انا حاسس انى مش هلاقى عربيه نضيفه رغم انى نفسى فيها ومش عارف اجبها منين او ادور عليها فين وبقارن بنها وبين البونتو 2002 فتحت سقف وبحاول اشد حيلى وادور على اوبل استرا تكون نضيفه والمصيبه انى محتار جدا مش عارف اعمل ايه ونفسى حد يساعدنى فى القرار دا
وشكرا :]

**omar-saad** · 25-01-2012 11:24 PM

بصراحة مع احترامى ليك
انا شايف ان دى مش نازلة ولا حاجة
انتا حاتركب عربية المانى محترمة ثبات جامد جدا
وهاتعرف يعنى ايه العمر الافتراضى للقطعة الاصلية
دا غير ان فعلا سواء الاوبل او البولو عربيات محترمة جدا
وانا مش شايف اى فرق غير الفتيس الاوتوماتيك والموتور الاكبر
دور كويس اوى وان شاء الله تقع فى حالة نضيفة
وانصحك بالاسترا عربية جميلة جدا

**ooosha_14** · 26-01-2012 12:04 AM

انا مبسوط اولا بردك جدا وفعلا انا شايف الاوبل افضل من البولو ورغم كده انا ممكن لو ركب اوبل ماقدرش ساعتها اقول انى نزلت من عربيتي لكن لما تبقى بولو ساعتها طبعا لازم احس الاحساس دا وفعلا انا حاليا معروضه عليا عربيه اوبل استر 2004 كامله اوتوماتيك بـ 50 الف ومش عارف هى ناويه تنزل عن كده او لا بس بقول يارب :)

**mrekaby** · 26-01-2012 12:09 AM

أنا عدت بتجربة مشابهة من لانسر بوما أوتو الي بولو ٢٠٠١ و اقعدت بيها سنتين - لسه بيعها من اسبوع - لحد ما ربنا فرجها و جبت الالنترا ٢٠٠٥ أوتو رأي الشخصي هو
حضرتك الفرق الوحيد اللي ممكن يتعباك هو سواقة المونيوال خاصة في طرقنا الزحمة و كمان البولو شنطتها صغيرة غير كدة مميزات :
الثبات / موفرة للبنزين/ الشكل المميزمن الداخل و الخارج/ توافر قطع الغيار/ الركنة في مكان/ ناعمة/ حديثة
بس في ملحوظة هامة الميكانيكي اللي بيشغلوا فيها مقرفين سواء ف الحرفيين او اي مكان . اخر تناكة و مصنعية غالية و استهال في تغيير قطعة الغيار أصلاً عايشين في دور دكاترة الا من رحم ربي

**ooosha_14** · 26-01-2012 12:24 AM

هههههههههههههههه انت عارف المشكله فى ايه ان انا قريت موضوعك وعرفت انك بعت العربيه بتاعتك وكنت متضايق جدا انى ملحقتش اشوفها لانى كنت متاكد انى هتوكل ع الله وهاخدها وانا مغمض لانى عارف والله ان كل اعضاء النتدى دا ناس محترمه اوى وكان عندى احساس انها عرربيه مستريحه وطبعا انا مقتنع بكلمك دا لكن ع قد كده الى مخوفنى في العربيه دي انى حاسس انها صغيره وانا متعود ع العربيات الطويله شويه اصلى انا اول ما ركبت ركبت البيجو 505 موديل 80 كانت عربيه بقى طول وعرض حاجه كانت زى الصابونه المبهوئه ماكنتش بعرف المها منين بس انا بجد نفسى تشوفلى عربيه من طرفك حتى لو حد معاه بولو 2001 او ابل استر تكون فى الحنين كده :$

**minicooper20** · 26-01-2012 03:34 AM

و الله انتا كده مهتنزل يا كبير

**mrekaby** · 26-01-2012 11:22 AM

شكرا يا باشا و محدش عارف الخير فين وانا كان نفسى حد من المنتدى يشترها بس مفيش نصيب
تابع مواقع بيع السيارات و الوسيط و ان شاء الله تلاقى بولو احسن منها و هيا مش باطلة وواسعة من جو بس كنبة ضيقة شوية ( انا طوالى 185 و وزنى 95 كجم ) يعنى ريشة زي منتا عارف ولا ضيقة و لا حاجة .

**alptchino_name** · 29-01-2012 02:46 PM

المشاركة الأصلية كتبت بواسطة ooosha_14

السلام عليكم ورحمه الله وبركاته :_alshmokh15[1]:
اسم الموضوع صعب عليا واحساسه اصعب بالتاكيد

انا للاسف بعت عربيتى السيراتو وكانت يعيني عامله بس 50. الف كيلو والمهم انا معاي 45 الف وعايز اجيب بولو 2001 وتكون نضيفه بس انا حاسس انى مش هلاقى عربيه نضيفه رغم انى نفسى فيها ومش عارف اجبها منين او ادور عليها فين :copy of majd(4): وبقارن بنها وبين البونتو 2002 فتحت سقف وبحاول اشد حيلى وادور على اوبل استرا تكون نضيفه

والمصيبه انى محتار جدا مش عارف اعمل ايه ونفسى حد يساعدنى فى القرار دا

وشكرا :]

نصيحة منى البولو 2001 عربية جميلة فى كل حاجة بسى موتورها ضعييف
يا اما تجيبها حالة نظيفة بدى وعافشة وفرش وانت عارف انك هتغير موتور 1400ممكن يدخل فى 5000 جنية
او تكون عربية مغيرو مكنة وانت وحظك