الموضوع: مميزات وعيوب كل من ريجاتا نوفا والادا وايهما افضل

السلام عليكم ورحمه الله وبركاته
استشرت كتير فى هذا الموقع الكريم الذى لم يبخل على يوما بالنصحية وسرعه الرد
الحمد لله ان كتبت عقد شراء سيارة ريجاتا نوفا موديل 90 وهستلمها يوم الاحد بعد استكمال المبلغ واحضار البائع لى شهاده مخالفات وتوكيل لى عن سيارته
منطقتى امبابه يعنى مطبات ومقبات فى شوارعها ابن اختى قال لى ان الادا كانت هتستحمل اكثر من الريجاتا فى ظروف منطقه مثل منطقتنا رغم انى اخبرته ان الريجاتا برضه عفشتها تستحمل غير ذلك ان الادا فى الشكل مثل الفيات 128 بالاضافه ان في منها مصرى وروسى والروسى اغلى من المصرى
غير ذلك ان اسعار الادا موديلات بعد 85 اصحابها بيطلبوا مبلغ كبير عليها
غير ان الريجاتا اوسع فى صالونها وبتنزل بكماليات كويسه كتير وقطع غيارها معقوله برضه
بمعنى انى بعد مشاورات اصدقاء المنتدى استقريت على الريجاتا وليست الادا
اتمنى وضع مقارنه لكل من استخدم السياراتين يوضح فيها مميزات وعيوب كل منهم بامانه
رغم انى مقتنع بشرائى للسيارة الريجاتا او بمعنى اوضح زيادة معلومات لدى
شكرا جزلا للساده الاعضاء

الريجاتا كانت معايا عربية لو سليمة ومفهاش برومة ولا عاملة حادثة قبل كدا كويسة وعفشتها حلوه وسواقتها افضل وامتع بكتير من اللادا طبعاً تفرق كتير معاك انك تكون سايقها لانها ناعمة والدركسيون بيكون مياه فى ايدك لو العفشة كويسة ، لو حبيت اى سؤال عن الريجاتا اقدر افيدك فيها ولو هتغشل التكيف اشترى كمبروسور يابانى جديد غير كدا متتعبش نفسك بردو العربية عزلها مش قد كدا الا لو اتعزلت كويس دى قصة تانية واتأكد من ربط المصفحة بشكل جيد جدا وانا كنت بربط عفشة كل شهر مرة وبمشى ف طرق مش قد كدا يعنى مفيش مشكلة وقطع غيارها موجودة بس ف بعض الحاجات ممكن تلف شوية عليها زى مثلا مفتاح الانتظار دا هتجيبه استيراد و الطابلوه بتاعها غالى حافظ عليه من الشمس بس هى عربية فى سواقتها جميلة وبتتحمل بس زى مقلتلك ف الاول لو سليمة من تحت بص عليها وقوايم سليمة اتكل على الله