60 ألف سيارة "ميكروباص" جديدة بداية 2010

**blazer** · 07-10-2009 03:37 AM

الميكروباص القديم ينتظر التخريد

بدأ مشروع إحلال "الميكروباص" القديم دخول حيز التنفيذ بعد موافقة بنوك مصر والأهلي والإسكندرية وناصر على تمويل مشروع إحلال "الميكروباص" القديم المقرر تطبيقه بداية العام القادم.

وذكرت صحيفة "الشروق" يوم الثلاثاء أن المرحلة الأولى من المشروع ستشهد إستبدال 60 ألف سيارة "ميكروباص" مضى 30 عاماُ أو أكثر على سنة إنتاجها بأخرى جديدة في القاهرة والمحافظات.

وقال يحيى العجمي عضو لجنة السياسات ببنك مصر إن محافظات القاهرة الكبرى ستكون الأولى في تطبيق البرنامج لأنها تستحوذ على أكبر عدد من سيارات الميكروباص ومستخدميه، الذين يصل عددهم إلى مليون راكب يومياَ على مستوى الجمهورية.

ومن المقرر أن تقوم وزارة المالية بعقد إجتماعات مع أصحاب الشركات التي ستقوم بالمشاركة في المشروع لتقديم تسهيلات تساهم في إنجاح المشروع، من بينها تخفيض الجمارك على قطع الغيار ومستلزمات الإنتاج الداخلة في صناعة السيارات، مع تقديم إعفاء ضريبي يتناسب مع المشروع.

وكان مشروع إحلال التاكسي القديم الذي بدأ تطبيقه منذ شهر يوليو قد نجح في تحقيق قفزة في مبيعات الشركات المشاركة في المشروع في وقت كان يسيطر فيه الركود على مبيعات السيارات في مصر.
[info]منقول[/info]

**amr.elsayed** · 07-10-2009 04:34 AM

كدة احسن عشان الميكروباسات القديمة ديه غير ادمية بالمرة
شكرا يا باشا على الخبر

**maka** · 07-10-2009 04:55 AM

المشاركة الأصلية كتبت بواسطة blazer

من بينها تخفيض الجمارك على قطع الغيار ومستلزمات الإنتاج الداخلة في صناعة السيارات، مع تقديم إعفاء ضريبي يتناسب مع المشروع.

المفروض الجمارك تتلغى تماما . ولا اصحاب السيارات يساعدوا على نظافة البلد والحكومة متساعدش

**pro_samir** · 07-10-2009 04:58 AM

دي عشش متحركة وأخيرا جالها إزالة

حد يزغررط علشان مبعرفش

**blazer** · 07-10-2009 09:18 AM

المشاركة الأصلية كتبت بواسطة ashraf229

يا لهوي هوه فيه أكتر من 60 ألف ميكروباص فات عليهم أكتر من 30 سنة انتاج!!!!!!!!!!

هيه البلد نسيت ان فيه حاجة اسمها عمر افتراضي!!!!!

و بعدين هيغيروا الفولكس بتوع فيصل و الهرم دول من قديم الازل و من يوم ما وعينا عالدنيا و هما ماشيين و شغالين و لليوم بألف و لا ألفين جنيه تقلب العربية فبريكة تاني من جديد

بكرة نشوف ايه اللي هيحصل

دا اكيد كمرحمله اولى
اكيد فىه حوالى 250 الف ميكروباص فات عليهم العدد دا من السنين
عربيات الفولكس اليكروباص بتعه الهرم و فيصل قطع غيارها غاليه على فكره مش رخيصه بلشكل دا "على كلام سواق منهم"

**حماده عزو** · 07-10-2009 10:02 AM

يارب الموضوع ده يكمل على خير مش علشان الميكروباصات تتغير ويكون فى وسيله مواصلات أدميه للمواطنين لكن أهم حسنه ده هتكون فى خوف سواقين الميكروباصات على العربيات الجديده وبالتالى تجنب الأحتكاك والأرننه والغرز والقياده برعونه والغشم مع العربيات الأخرى يعنى من الأخر هيخاف على العربيه ويبطل أفترا على خلق الله

**blazer** · 07-10-2009 10:22 AM

المشاركة الأصلية كتبت بواسطة حماده عزو

يارب الموضوع ده يكمل على خير مش علشان الميكروباصات تتغير ويكون فى وسيله مواصلات أدميه للمواطنين لكن أهم حسنه ده هتكون فى خوف سواقين الميكروباصات على العربيات الجديده وبالتالى تجنب الأحتكاك والأرننه والغرز والقياده برعونه والغشم مع العربيات الأخرى يعنى من الأخر هيخاف على العربيه ويبطل أفترا على خلق الله

والاهم من كدا كمان
اننا باذن الله هنبطل نشوف عيال 15 سنه سايقه ميكروباصات
نبطل نشوف الميكروباصات ام مواتير مفوته و من غير فرامل او اى عوامل امان

**mazagngi2010** · 07-10-2009 10:25 AM

المشكله انها هتفتح على البحرى للمكربصات الصينى لانها الارخص واللى عنده ترامكو ورمسيس اخره يجيب صينى يعنى متفرحوش وتفتكروا ان السواقين هيجيبوا تويوتا الجديد لانه حرام يشتغل داخل القاهره ده يشتغل خطوط من عبود بس
لكن الصينى هوا اللى على القد وممكن النيسان يدخل اللعبه
المشكله ان غبور مش هيسيب السبوبه دى تعدى لان هيونداى واقعه فى مصر واقعه سودا فاتوقع انه هينزل ماركه صينى هو كمان علشان البافريه متكوشش على السوق كله
وعاشت الصين حره مستقله

-

الموضوع: 60 ألف سيارة "ميكروباص" جديدة بداية 2010

LinkBack

أدوات الموضوع

عرض

60 ألف سيارة "ميكروباص" جديدة بداية 2010 - انشر الموضوع فى :

-

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

النترا 2010 ماشيه 9000 للبيع """ فرصه """

سيارة جديدة لـ"مرسيدس" بتكنولوجيا "أبل"

ايرو-سول" سيارة جديدة من "كيا" تسير بقوة الرياح

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة