هام جدا رينو ميجان ولا فورد فوكس...؟

اخوانى فى المنتدى انا ناوى على شراء سيارة جديدة
وكنت خلاص ناوى على الفورد ولكن قولت ادخل على سيارتى الى كنت بتمناها قبل ذلك
ولكن الشئعات الى كنت بسمعها عن السيارة كانت مبرجلا دماغى جدا
ولكن قولت لازم ادخل على منتدى رينو واشوف اية الاخبار وزىما يكون عقلى رجعلى
من الكلام الجميل على تجربتكم عن السيارة بس انا عايز رائيكم الاخير عن السيارتين
فورد ولا رينو ..
انا عارف كل حاجة عن فورد
ولكن معلوماتى عن ميجان ضعيفة ومعرفش حاجة عنها غير الا من المنتدى بتعكم بس
فالو تكرمتم حد يكون معاة السيارة يشرحهالى حتة حتة من جوة ومن برة
وفى الطريق وفى الغرز تكون على كام واستهلاك البنزين اخبارة اية وما هى العيوب الاساسية فى السيارة وما هى المميزات فى السيارة واية اخبار التكيف هل اتضبط ولا لاء
وموضوع الرفارف الفبر الى الكل مكرهنى فى السيارة بسببها
وكارت التشغيل هل يوجد بة عيوب او شيئ
ولو قدامى سيارة مستعملة رينو ميجان حالة كويسة جدا اخد انهى موديل بلضبط انا سمعت انى ابعد عن 2004.2005 هل هذا صحيح ام لا
فى انتظار ردكم على احر من الجمر :b4_388:

فورد افضل من وجهة نظرى كفايا العلامه يا خى :)
طبعا مش سبب كافى ولكن انا بميل للفورد اكتر

إقرأ الموضوع ده بتمعن...هتلاقى كل إللى نفسك فيه و زيادة
كــل مــا تريـــد معرفتــــه عــن الميــــجان II
و لو فيه استفسارات إضافية ..الناس هنا أخوات و هتجاوبك إن شاء الله

لتنين حلوين... أنا أفضل ميجان

باشا

اولا مش كلها فايبر ..... رفارفها بس فايبر .... و دي ميزة مش عيب ....... لان في التصادم البسيط بيرد لوحده (الصاج ما بيردش لوحده + بيريح عالاجزاء المحيطة)..... و في التصادم الشديد بيتقطم من غير تأثير عالأجزاء المحيطة (و ده لو صاج كده كده هيبوظ) .....

كارت التشغيل زيه زي أي مفتاح ب immobilizer و هو صناعة Siemens يعني في بطنك بطيخة صيفي

التكييف اتظبط كتير عن زمان

العربية عفشتها حلوة جدا ...... عفشة الفوكاس بشهادة اتنين اعرفهم اشتروها و باعوها كسر زيرو ناشفة جدا جدا جدا

استقرارها جامد جدا ..... انا يوم الجمعة سقت ميجان العقيد خالد من القاهرة للاسكندرية و طول الطريق 140 - 150 - 160 مع غرز احيانا و فرامل مفاجأة أحيانا و العربية لازقة في الارض

استهلاك البنزين يومها كانت العربية محملة 3 افراد و طول الطريق 150 كان متوسط 9 لترات لكل 100 كيلو (أو 11.1 كيلومتر لكل لتر بنزين أو 222 كيلومتر في الصفيحة)

التكييف كويس و قطع الغيار متوفرة و مش غالية

لو هتشتري مستعمل لازم تكشف في التوكيل و اياك تستخسر ال 500 جنيه بتوع الكشف ..... هيدوك تقرير كااااااااااامل بحالة السيارة و ايه بابظ و ايه يمشي شوية و تغييره يكلف كام و هكذا

2005 كان فيها بعض المشاكل في الفتيس الاوتوماتيك و الجنوط السبور و اتحلت في 2006 .... و اغلب اللي اشترى 2005 ظبط الحاجات دي في الضمان يعني ما تقلقش ..... و مفيش ميجان 2 موديل 2004 على فكرة




على فكرة كل اللي بيفتي في الميجان و لا ركبها و لا ساقها و لا شم ريحتها و لا امتلكها ........... بس المصريين انت عارف ...... 80 مليون خبير في كل حاجة


هتسمع فتاوى كتير غير صحيحة من نوعية:

1- كارت التشغيل ب 35 الف جنيه ههههههههههههه
2- العربية بتهنج و بتحتاج ريستارت (معلش اصلها عليها ويندوز 98)
3- العربية كلها فيبر و وحشة

الخ

فكك من كل ده

Yes Megan is a good car but not better than Focus, focus is a real impressive car, very stable and full accesories, comfort and more durable than renault, also more luxury shape, very good acceleration, i prefer the focus, also the resail price for the focus is better than renault, but the renault agent is better than ford agent, you make Istekhara and god will help you.

With all due respect, Megane is a stable, impressive and has full accessories as well.

Focus suspension is NOT more comfortable than Megane's ...... It's very rough and a friend of mine bought it and sold it again within a week because of the rough suspension.

Luxury in shape is subjective and subject to each person's taste.

Resale price for both Megane and Focus is shot ........ Focus might be a little better.

And I agree about EIM being way better than EAA

متابع

بصراحة الاتنين كويسين
و فيه شوية أوبشنز في الميجان أكثر
أداء الفوكس الجديدة أعلي شوية صغننين
ثبات الميجان أكثر
بتحافظ علي سعرها أحسن من الفورد ( الاتنين مش قوي )
قطع غيارها بره التوكيل متوفرة و بربع التمن عن الفورد

انت مختار اساسا عربيتين المقارنه بينهم غايةةةة في الصعوبه متقاربين جدااااااااا اعتقد اي واحدة منهم هتبقي صفقه كويسة للي يشتريها استخير و اتوكل علي الله

بصراحة الفورد مظلومة هنا في مصر! و طبعا الفورد ألماني بس بلمسات اسباني يعني متقفلة في اسبانيا. الفورد اما تيجي تبيعها بتموت! بمعني لو عاملة 10 ألاف كيلو بس هتخسر فيها جامد! عربية مش تجارية في مصر و مش بياعة و ملهاش زبون! و مشكلتها ان قطع غيارها مش منتشرة و توكيلها مش عارف يسيطر علي العربية, بس هي ثبات و كماليات و رفاهية جامدة جدا, انا سقتها و كانت 2009, عربية حكاية بس متنفعش في مصر من كل الظروف و الأفكار و البيع و قطع الغيار! دة رأيي! أنا ارشحلك الرينو.. علي الأقل السوق بتاعها ماشي في مصر و قطع غيارها في كل حتة, عربية كبيرة و واسعة و تقيلة أوي و فول اوبشن و جراية.

انا معاك في الكلام ده بلدنا مش بتاعت فورد

اقتباس:

---

المشاركة الأصلية كتبت بواسطة أحمد كمال

باشا

اولا مش كلها فايبر ..... رفارفها بس فايبر .... و دي ميزة مش عيب ....... لان في التصادم البسيط بيرد لوحده (الصاج ما بيردش لوحده + بيريح عالاجزاء المحيطة)..... و في التصادم الشديد بيتقطم من غير تأثير عالأجزاء المحيطة (و ده لو صاج كده كده هيبوظ) .....

كارت التشغيل زيه زي أي مفتاح ب immobilizer و هو صناعة Siemens يعني في بطنك بطيخة صيفي

التكييف اتظبط كتير عن زمان

العربية عفشتها حلوة جدا ...... عفشة الفوكاس بشهادة اتنين اعرفهم اشتروها و باعوها كسر زيرو ناشفة جدا جدا جدا

استقرارها جامد جدا ..... انا يوم الجمعة سقت ميجان العقيد خالد من القاهرة للاسكندرية و طول الطريق 140 - 150 - 160 مع غرز احيانا و فرامل مفاجأة أحيانا و العربية لازقة في الارض

استهلاك البنزين يومها كانت العربية محملة 3 افراد و طول الطريق 150 كان متوسط 9 لترات لكل 100 كيلو (أو 11.1 كيلومتر لكل لتر بنزين أو 222 كيلومتر في الصفيحة)

التكييف كويس و قطع الغيار متوفرة و مش غالية

لو هتشتري مستعمل لازم تكشف في التوكيل و اياك تستخسر ال 500 جنيه بتوع الكشف ..... هيدوك تقرير كااااااااااامل بحالة السيارة و ايه بابظ و ايه يمشي شوية و تغييره يكلف كام و هكذا

2005 كان فيها بعض المشاكل في الفتيس الاوتوماتيك و الجنوط السبور و اتحلت في 2006 .... و اغلب اللي اشترى 2005 ظبط الحاجات دي في الضمان يعني ما تقلقش ..... و مفيش ميجان 2 موديل 2004 على فكرة

بجد اجمل رد عجبنى وريحنى جدا جدا جدا مش عارف اشكرك ازاى وان شاء اللة لو كان فية نصيب واجبتها هبلغك عشان انت نصايحك جميلة جدا ومفيدة ومفيهاش تحيز ولا لف ولا دوران بشكرك جدا


على فكرة كل اللي بيفتي في الميجان و لا ركبها و لا ساقها و لا شم ريحتها و لا امتلكها ........... بس المصريين انت عارف ...... 80 مليون خبير في كل حاجة


هتسمع فتاوى كتير غير صحيحة من نوعية:

1- كارت التشغيل ب 35 الف جنيه ههههههههههههه
2- العربية بتهنج و بتحتاج ريستارت (معلش اصلها عليها ويندوز 98)
3- العربية كلها فيبر و وحشة

الخ

فكك من كل ده

---

انا بشكر كل الناس على الرد الجميل بتعكم والصراحة فى الاجابة وعدم التحيز لاى ماركة معينة واذا كانت فورد يوجد بها اشياء افضل من رينو او العكس فانتم وضحتو لى كل شيئ حتى لو فكرت انى ابيع السيارة فيما بعد او حتى لو السيارة اتجرحت انتو ما فوتوش كبيرة ولا صغيرة الا واتكلمتو فيها بشكركم ولو اى شيئ وقف معى هكتبلكم تانى يا وحوش

اقتباس:

---

المشاركة الأصلية كتبت بواسطة أحمد كمال

with all due respect, megane is a stable, impressive and has full accessories as well.

Focus suspension is not more comfortable than megane's ...... It's very rough and a friend of mine bought it and sold it again within a week because of the rough suspension.

Luxury in shape is subjective and subject to each person's taste.

Resale price for both megane and focus is shot ........ Focus might be a little better.

And i agree about eim being way better than eaa

---

معلش يا استاذ احمد ...
هوة صديقك اشترى اية بلضبط رينو ولا فوكس وبعها معلش

الواضح انه بيقول ان عفشة الفوكس مش اتعم من الميجان دي انشف من الميجان لدرجة ان صاحبه اشتر فوكس و باعها بعد اسبوع بسبب الموضوع ده !

شكرا على التوضيح

فوكاااااااااااااااااااااا ااااااااااااااااااس

اقتباس:

---

المشاركة الأصلية كتبت بواسطة ooooosooooo

انا بشكر كل الناس على الرد الجميل بتعكم والصراحة فى الاجابة وعدم التحيز لاى ماركة معينة واذا كانت فورد يوجد بها اشياء افضل من رينو او العكس فانتم وضحتو لى كل شيئ حتى لو فكرت انى ابيع السيارة فيما بعد او حتى لو السيارة اتجرحت انتو ما فوتوش كبيرة ولا صغيرة الا واتكلمتو فيها بشكركم ولو اى شيئ وقف معى هكتبلكم تانى يا وحوش

---

عينينا ليك

اقتباس:

---

المشاركة الأصلية كتبت بواسطة ooooosooooo

معلش يا استاذ احمد ...
هوة صديقك اشترى اية بلضبط رينو ولا فوكس وبعها معلش

---

فوكاس ..... و جوز خالة صديق أخر برضه (ما يعرفوش بعض) عمل نفس الشئ ...... بيقول عفشة ناشفة جدددددددددااااااااً

اقتباس:

---

المشاركة الأصلية كتبت بواسطة hegazio

الواضح انه بيقول ان عفشة الفوكس مش اتعم من الميجان دي انشف من الميجان لدرجة ان صاحبه اشتر فوكس و باعها بعد اسبوع بسبب الموضوع ده !

---

بالظبط

الفوكاس هاى لاين تحححححححححححححححفة

اقتباس:

---

المشاركة الأصلية كتبت بواسطة أحمد كمال

2- العربية بتهنج و بتحتاج ريستارت (معلش اصلها عليها ويندوز 98)

---

هههههههههههههههههههههه يعنى ايه تهنج

اقتباس:

---

المشاركة الأصلية كتبت بواسطة hegazio

ثبات الميجان أكثر

---

مش اكتر ولا حاجه ممكن نقول ان الاتنين فى نفس المستوى...الفورد دى من زمان وهى لازقه فى الارض والالمان برضه جمدين فى الثبات

اقتباس:

---

المشاركة الأصلية كتبت بواسطة samir_adel

بصراحة الفورد مظلومة هنا في مصر! و طبعا الفورد ألماني بس بلمسات اسباني يعني متقفلة في اسبانيا. الفورد اما تيجي تبيعها بتموت! بمعني لو عاملة 10 ألاف كيلو بس هتخسر فيها جامد! عربية مش تجارية في مصر و مش بياعة و ملهاش زبون! و مشكلتها ان قطع غيارها مش منتشرة و توكيلها مش عارف يسيطر علي العربية, بس هي ثبات و كماليات و رفاهية جامدة جدا, انا سقتها و كانت 2009, عربية حكاية بس متنفعش في مصر من كل الظروف و الأفكار و البيع و قطع الغيار! دة رأيي! أنا ارشحلك الرينو.. علي الأقل السوق بتاعها ماشي في مصر و قطع غيارها في كل حتة, عربية كبيرة و واسعة و تقيلة أوي و فول اوبشن و جراية.

---

+11111111111 فعلا ملهاش زبون

انا بشكركم بجد جميعا وخصوصا (احمد كمال ) لانة افدنى بكل شيئ وياريت ايميلك يا احمد عشان انا حابب اتكلم معاك قبل شراء السيارة لو تسمح وشكرا مرة اخرى وانا بنسبة 95% خلاص رينو ميجان الون الصاصى كاملة ان شاء اللة ....توكلت على اللة