خنقة بعد اخر نقطة طين في تانك البنزين

**nasroo** · 07-10-2009 09:44 AM

من اسبوع كده كنت لسا مغير مساعدين العربية وركبت مونرو ومغير البوجيهات والسلوك والزيت والعربية كانت زي الفل كنت فرحان بيها جداً وبعدين ركنتها 5 ايام ماركبتهاش وجيت ادور العربية مش راضية تدور ابداً والبواب قاللي تعالى نزق وارمي على التاني ييجي 10 مرات وفي الاخر قلت يمكن بنزين وجربت وطلع بنزين فعلاً بس بعديها حاسس بصوت الموتور عالي جداً والعربية مخنوقة أوي بعد ماكانت بتجيب على التالت 100 بتوصل 90 وبعدها بخاف من صوت الموتور قلت يمكن بسبب حركة البنزين دي روحت جايب منظف دورة الوقود وامبارح رحت نظفت الرشاشات على جهاز الترا سونيك بس مامشيتش بيها كتير بس مش حاسس بفرق جامد
اعمل ايه تاني عشان الخنقة دي تروح - اغير الفلتر مع ان كل الفلاتر لسا مغيرها من 2000 كم

**kimo-nubira** · 07-10-2009 09:59 AM

باشاااااااااااااااااااااا والله واحشني جدا والف سلامه علي العربيه

بص انا رائي تغير فلتر البنزيت وتحاول تطلع المصفه بتاعت العوامه وتنضفها بالهوا يمكن تكون مسدوده شويه

بس اللي مستغربله شويه هو ان صوت المتور يعلي ؟؟ انت ركبت بوجيهات نوعها ايه ؟؟ والسلوك بارضو نوعها ايه ؟؟

**bolbol2005** · 07-10-2009 11:05 AM

هي فين مصفاة العومة دي يا باشا

**kimo-nubira** · 07-10-2009 11:12 AM

المشاركة الأصلية كتبت بواسطة bolbol2005

هي فين مصفاة العومة دي يا باشا

بتبقي جزء من عوامه البنزين اللي جوه التانك

**nasroo** · 07-10-2009 11:22 AM

انا مركب بوجيهات ngk و السلوك مش فاكر بس ماظنش انهم السبب لان الموضوع ده ماحصلش غير بعد البنزين ما خلص
هشوف الفلتر
المهم ان الكلام ده حصل وانا رايح لمحمد ممدوح بعد ماكنت اتفقت اني اقابله لغينا الميعاد
هشوفك بئا في المقابلة الجاية دي اللي في الازهر بارك ان شاء الله