الاكصدام

**asnady** · 07-10-2009 12:25 PM

عملت حادثة بسيطه
هزرت مع مقطورة و حكيت بوش العربية اليمين فى عجل المقطورة فا الرفرف اطبق شوية
و الاكصدام بقى مترحل ميللمترات من مكانه و اصبح فى فراغ بسيط بينه و بين الفانوس من الناحيتين و كمان احتكاك عجله المقطورة ازالت الطلاء من على اسفل الرفرف بطول 6 سنتى و ارتفاع اقل من نصف سنتى (شريط رفيع)
الحمد لله العربيه صاجها جامد جدا و رحت عملتها ب 30 جنيه عند السمكرى
المشكله فى الاكصدام مش عارف اعمل فيه ايه و هل كدا فى خطورة ممكن يقع و انا ماشى ؟؟
لو حبيت افك الاكصدام و اركبه كويس فى التوكيل يتكلف كام ؟؟
ثانيا الجزء الصاج المكشوف دا بعد يومين بقى عليه صداء
انا خليت السمكرى شال الصدا بصنفرة و حط عليها زيت هل دا كفايه ؟؟ و لا لازم ارش ؟ و لا اعمل ايه بالظبط ؟؟
هل بعد غشيل العربيه لازم احط زيت تانى او شحم عشان تفضل معزولة عن الهوا ؟؟
العربيه نيسان صنى 2009 اوتوماتيك و عامله 5000 كيلو بس :(
انصحونى

**fady_anis** · 07-10-2009 05:19 PM

هزرت مع مقطورة .... ؟؟؟؟؟؟؟؟؟؟ !!!!!!

**bmya** · 07-10-2009 05:42 PM

ياباشا العربيه لونها
عموما مش شرط تروش انت تروح لبوهيجي كويس وخليه يجبلك اللون بتاعها مظبوط واخليه يعملهالك بقلم احسن عشان خساره تروشها وهي جديده كده وسيبها بقي زي مابيقولوا تاخود العين انا عامل كده في السيريون

**أحمد علاء** · 08-10-2009 11:31 AM

السلام عليكم
قدر الله وما شاء فعل
الإكصدام مفكوك من ناحية واحدة ولا كلة؟
لو من ناحية واحدة روح توكيل السبع هيركبهولك ولو مش محتاج قطع غيار هيتكلف 50 جنية