هوة السؤال دا قديم شوية و أكيد اتسأل قبل كدة , بس جه فى دماغى دلوقتى و افتكرت انى طالما فكرت فيه دون الوصول لاجابة شافية
هما ليه حاطين يفط عالمحور بتقول " أمامك رادار على بعد.... كيلو"
يعنى اللى حاطين اليفط دى كانوا عايزين ايه بالظبط ؟؟
عرض للطباعة
هوة السؤال دا قديم شوية و أكيد اتسأل قبل كدة , بس جه فى دماغى دلوقتى و افتكرت انى طالما فكرت فيه دون الوصول لاجابة شافية
هما ليه حاطين يفط عالمحور بتقول " أمامك رادار على بعد.... كيلو"
يعنى اللى حاطين اليفط دى كانوا عايزين ايه بالظبط ؟؟
عشان عايزين الناس ماتجريش بس ومش عايزين يحصلوا منهم مخالفات !!! وبرضة الناس بتجري فوق التسعين وتيجي عند الرادار وتهدي !!! واخدين موقف من الرادار ومن السرعة القانوني ومن اي حاجة ليها علاقة بالقانون
هو برضه احسن من مفيش
وفي اعتقادي انها فكرة ناجحة الى حد ما
بتخليك ماشي على المحور باحترامك حتى لو جريت بيقى بحدود لان ظروف الطريق مش هتساعدك (أقصد العربيات اللي ماشية معاك على نفس الطريق)
علشان لما تتصور 4 مرات يبقي مبكش حجة
ده لو الردارات شغالة
ولو مش شغاله الواحد يحترم نفسه ويمشي قانوني
حد يعرف علامة التعجب ده بتاعة ايه
موجودة على الوصلة اللى بتربط 6 اكتوبر ب 15 مايو
ياخوانا انا مش بسأل هما ليه حاطين رادار , ما الطبيعى انهم يحطوا رادار .....
أنا بكلم هما ليه بيقولولى على مكانه , المفروض ان الطبيعى ان مكانه ميبقاش معروف و متغير عشان الناس تفضل ماشية باحترامها طول الطريق , او انهم يعرفوا يحصلوا مخالفات اكتر , ايا كان الغرض........
ده متبع فى امريكا وكمان فى اجهزة لكشف الرادار
وسعات بتبقى رادارات وهمية
ده علشان الناس تخاف ومتكسرش السرعة
ومحدش من بتوع المرور هيقولك ايه السبب
للانهم بينقلوا عميانى من غير ميشغلوا الطاسة
عموما انا لحد دلوقتي معرفشي اي حد جاتله مخالفة رادار عالمحور مع اني تقريبا كل اللي أعرفهم اتصوروا حتى والدتي شخصيا خدتلها كام صورة وكان معاها والدي وبتجري على مستشفى الشيخ زايد عشان كان تعبان والمخالفات دي مشفتهاش
عشان الناس ماتجريش و تهدى ..
و مش هتلحق تجمع سرعتك لسرعة عالية .. و هتلاقى اليافطة فى وشك ... هى فكرة كويسة و فعلا ساهمت فى تقليل السرعة ..
عشان معروف إن فى رادار , فالناس لازم هتهدى ..
لكن لو مش معروف رسمى .. هتلاقى الجرى شغال زى الفل
مفهوم اسمه الرادار الصديق
وده بتتبعه الدول المحترمه اللى كل هدفها هو زياده الامان على الطريق , بحيث ان كل ما يكون فى كاميرا سرعه او رادار يقولك قبلها ان كمان كذا فى رادار تقوم انت طبعا مقلل سرعتك فهو يحقق مبتغاه من تخفيف السرعه , لكن غير هنا الحكومه بتتصيد تعملك رادار فى منزل مثلا علشان غصب عنك لو السرعه زادت ياخد منك الاتاوه ولو حتى كنت ماشى 103
بس احنا هنا خدنا النص الاولانى وكبرنا دماغنا من النص التانى , يعنى برا مثلا طريق 150 كيلو علشان يغطيه بالاسلوب ده وليكن كل 5 كيلو رادار مش هيقعد بقا يجيب 240 رادار يرشقهم على طول الطريق لا بيبقى مثلا فى 3 رادارات بس هما اللى شغالين والباقى العلبه بتاعت الكاميرا او الرادار وفاضيه فأنت طبعا مش عارف مين شغال ومين فاضى تقوم تهدى عند كله علشان المخالفات
في الطريق الصحراوي بيبقى الرادار متحرك و بيخبوه ورا شجرة أو حاجز أو حتى في عربية نصف نقل ,
المهم انه يبقى مش باين علشان الناس اللي عايزة تعدي السرعة فتتلقط و يحصلوا منها المخالفة و يزيد دخل المرور ,
لكن على المحور مش هيعرفوا يعملوا كده ,, يبقى لازم يتغير التكتيك ده و يتحط كام رادار وهمي و واحد بس فيهم شغال و طالما هيبقى ثابت يبقى مفيش مشكلة انهم يحطوا يافطة قبله علشان تقول على مكانه و ساعتها المرور يقول ان الهدف من الرادار هو الحفاظ على حياة الشعب و مش الهدف التربص بالطريده لتحصيل الغرامة و المخالفة ,
سبحان الله .. مع انهم في الصحراوي ليهم هدف تاني خالص .............
حاطين اليافطه علشان ينبهك
والغرض من ده انك ماتجريش
جرب انت كده تجري وتيجي عند كل رادار تهدي هتبص تلاقي نفسك مش بتلحق تجري أصلا
وهو ده المطلوب بيخليك تهدي السرعه اجباري
فكره ممتازه جدا وعجباني قوي
مش احسن من انك تلاقي الراردار واقفلك علي الصحراوي في حته نازله وغصب عنك العربيه بتجري فيها
انا ممسوك علي الدائري بسرعه 91 والمصرح ليا 90
يعني زياده 1 كم وباردو دفعت المخالفه
بس مثلا انا مسفرتش برة غير الكويت , و مكنش فيها موضوع التنبيه قبلها دا , و دكر حد يعدى السرعة
و ان كان فيه نفق كده هناك و انت داخله فيه شاشة بيجيبلك سرعتك و انت داخل النفق , بس دى مشفتهاش غير مرة واحدة