اقتباس المشاركة الأصلية كتبت بواسطة ahmedfathy77 مشاهدة المشاركة
حزين والله يا اخواننا بجد

حزين على بلدى اللى فشلت حتى فى تجميع 128 وعلى الرغم انها بدات هى وماليزيا فى نفس الوقت وبرضه شركة النصر بدات تقريبا مع بروتون الا ان النهايه الحزينة خلاص جت وعلى الرغم من اعجابى الشديد وانحيازى لبروتون لاكتر من سبب الا انى حزين على بلدنا والله ويمكن عزائى الوحيد ان شركة زى النصر لما اتباعت اتباعت لبروتون اللى برضه بحبها ولو مقرتش الخبر فعلا على موقع كونتاكت كارز يمكن كان هيكون فيه شك بس الموقع محترم واكيد مش هينشر حاجه غلط بس ده حال الدنيا

وداعا النصر اهلا بروتون

حزين اكتر من شك كل الاعضاء تقريبا من جودة السيارات المتوقع تجميعها فى مصر والصراحه انا منهم يعنى حتى التجميع فى مصر مش عارفين نعمله بشكل محترم وتجربة الهيونداى فى التجميع فى مصر واضحه وجليه للكل ويمكن الميزه الوحيده من الموضوع هو انتشار العربيه وقطع غيارهانقول ايه بس ربنا يستر علي بلدنا .

الواحد فعلا مش عارف يقول ايه نزعل من مستوانا اللى فى النازل فى كل حاجه ولا على تخلفنا ؟ انا مش عاوز اكون سوداوى او مش شايف غير الوحش بس , بس اى حد غيور على بلده لازم يزعل خاصة ان مصر ماتستهلش كده .

سلام
شركة النصر اتأسست 1960 وبروتون 1983

احنا اتأخرنا كتير بسبب بيروقراطية وجمود القطاع العام والفساد اللى كان بينخر فيه واحتكاره للسوق بس فى السنين الأخرانية أنا شايف اهتمام من وزارة الصناعة بصناعة قطع الغيار والصناعات المغذية ودى بداية كويسة بس أهم حاجة نستمر.

شركة النصر بالنسبة للامكانيات الكبيرة اللى كانت متوفرة ليها واحتكارها للسوق عمرها ماعملت انجاز يذكر. كان قدامها السوق فاضى ومافكرتش تعمل عربية صغيرة شعبية حتى من تصميمها وفضلت مايقرب من 50 سنة تجمع عربيات فيات !