رحلة شراء ال m11 - من فين و بكام و ازاي و ليه

**Hacker5** · 08-10-2009 10:30 AM

هى العربية لحقت تنتشر عشان يبقى سعرها 78000 فى المعارض؟
و مبروك يا باشا بس على فكرة تامين كونتاكت ممتاز جدا
بس هو حضرتك شاريها قسط ؟

**OilMan** · 08-10-2009 11:48 AM

انا مامن فى الدلتا ب 2.5%

**hemaa_82** · 08-10-2009 12:32 PM

أن شاء الله تم الاستقرار علي alians علشان طلع لشركتنا عندهم special rate فتوكلنا علي الله .... ربنا يبارك فيكو علي النصح....

**ash257** · 08-10-2009 05:55 PM

الف مبروك وتستلم على خير ان شاء الله
منتظرين تقييمك المبدئي للعربية بكرة ان شاء الله

**kesmat** · 08-10-2009 06:11 PM

المشاركة الأصلية كتبت بواسطة hemaa_82

التأمين.................... في كونتاكت اقل حاجة 4% يعني 3000 بس كونتاكت تظبيط عالي المفروض.......... في ابو غالي نفس الريت 4% و المفروض زي ما قال ابو حمد من هناك لو العلربة لا قدر الله حصل فيها حاجة و مابتمشيش هما بيبعتوا ونش و انا ماليش دعوة بالهوا ..... بس 3000 جنيه كتير لان الشرق و مصر-هما حاجة واحدة- يعتبرو النص 2.3% يعني بالكتير 1600 بلبل و ابقي اظبط نفسي بالباقي بقي .... ماهو لسه التراخيص و الطفايه و كدة يعني......... لسة ماحددتش ....... لسة واقفين علي 74950 مش 74050

أحب أبارك لحضرتك مقدما وأن شاء الله ربنا يعيطيك خيرا ويكفيك شرها ،
على فكرة لسه مستلم التيجو أمس وكنت قبل ذلك راسلت كونتاكت كار عشان موضوع التأمين ولكن هما أفادو أنهم معندهمش تأمين على السيارات الصينى وهذا كان عن طريق موقعهم على النت وممكن حضرتك تخش على الموقع وتجرب وتراسلهم .

**hemaa_82** · 09-10-2009 11:47 AM

kesmat باشا شكرا جدا بس الحمد للة هيه اليانز ان شاء الله ..... الاخوه الاعزاء.. انا استلمت الحمد لله امبارحو طبعا غسلو العربية فاديت اللي غسلها ورقة ب5 و اديت اللي ركب زراير الجنط و رقة ب5

**hemaa_82** · 09-10-2009 11:48 AM

يبقي كدة 74900 + 50 + 5 + 5 =74960

**hemaa_82** · 09-10-2009 12:02 PM

نيجي بقي للتقييم المبدأي .... العربية تقفيلها رائع .... مفيش حاجة مش راكبة او راكبة معوج.. مافيش فراغات واسعة من جنب و ديقة من جنب..كل خطوط العربية سليمة و مظبوطة الجمد لله .... محمد ابو حمد من ابو غالي سالني تحب اشرحلك حاجة ولا انت هتتعايش قولتلوا ال2 فدحل جوة العربية و ابتدا يقول اللي يعرفة و شكر جزيل للراجل ده علي شان مواعيده مظبوطة و كلمته واحده و متعاون ......
اعدنا بقي ده النور كده و دي الشبوره قدام و وره وده العالي والواطي و الاشارات و العدادات و اماكن التخزين و الولاعة و الطفاية .. التكييف شغل يا عم سقع اه يالا اطفي ... و طلع فيها فتخة في درج التبلو علشان تسقع من التكييف للشوكلاتة او كدة ... زي تلاجة علي سغنطط... تمام يا باشا قولتلو تمام ....
بدأو يغسلو العربية علي ما خلصنا الورق.... كل دة انا مقعدتش علي كرسي السواق...
اللي جاي بقي اعدتي انا

**hemaa_82** · 09-10-2009 12:27 PM

تفتح الباب تلاقي النور اللي فيه تحت منورلك الارض علشان متدوس في حاجة و انت داخل... سمي الله و ادخل باليمين و قول دعاء الركوب ....
اول ما تقعد علي الكرس و تظبطه علي مقاسك هتحس انه واخدك في حضنه... عارف لما كنت صغير طول متر كدة و كانت تيجي والدتك تحضنك و تحس بالدفا مع عصرت الحضن مع الامان و الحنية مع بعض؟؟؟؟؟؟
قاعد متملك كل حاجة في العربية توزيع العدادات كويس .. نورها رائع.. احمر شيطاني وليه زرار يعلي و يوطي قوة الاضاءة
شغلت العربية .. جربت الزجاج كل واحد من زراره و بعدين كلهم من عندي و بعدين شيكت علي زرار القفل للزجاج و بعدين السنتر... شغلت التكييف و جربت الهوايات كلها .. الكلاكس الاشارات الرعاش ..كل انوار الصالون .. اربع زراير قدام و 2 ورا....الانتظار ..الفرامل بتنور .. الcd و وصلة الusb و الراديو علي القرأن الكريم علشان ربنا يبارك ان شاء الله ....

نزلت اتأكد ان خلاص محدش ليه حاجة عند حد و اديت محمد ال50 اللي كان ناسيها - مطلبهاش مني من ساعة ما روحت - و سلمت عليه و شكرته و توكلت علي الله.... هانبدأ نسوق

**hemaa_82** · 09-10-2009 12:37 PM

ظبط كرسيك ..مراياتك 3 .. دريكسيونك فوق تحت.. حزامك بدل ال تن تن تن تن ... سمي الله و ادي اشارة و ياللا .....

الشارع زحممممممممممممممممممةةةةة ةةةةةةةةةةةةةةة استر يا رب... تبتدي تتحرك تلاقي العربية مابتفكرش فبل ما تتحرك ... ما شاء الله موتور غريب بيدوس بنزين قبلك..... تمشي متحسش بأي حاجة من الارض .... عفشة عايزة تصفيق حاد للي عملها طرية و مش مايصة ... متحسش بعين قط و متترقصش في مطبات الهوا .... ده كله تقدير مبدأي علي سرعة لم تزيد عن 80 في جسر السويس و مناطق مجاورة ......
الفرامل .... مانا عمري ماسوقت abs جربتها .... الفرامل لما تستخدمها عادي تحفة ... ال abs بقي لما تدغط مفاجئ للاخر تلاقي كانك دست علي بطن قطة .... حاجت بتجري و تتزق تحت رجلك بس تقف في خط واحد زي الفل .....