ماهو ده المبرر اللي بيقولوه يا فندم لمهاجمة الناس
وبيقولوا كمان ان الفدية اللي بياخدوها مش فدية
دي عبارة عن تعويض على انتهاك الناس اللي اختطفوهم لمياههم الإقليمية وبالتالي مشاركتهم في رزق الصيد المتوافر في المياه دي واللي قانوناً ملكهم وحدهم.
عرض للطباعة
بمناسبة الصوماليين دول ببحث فى احد المنتديات ووجدت الكلام ده
وعجبنى بصراحة/
أعلنت الولايات المتحدة البرجوازية عن صعوبة السيطرة على الكراصنة ( اللى هما القراصنة ) الصوماليين لأنهم ولاد جنية وقد صرح ناطق عسكرى تخين المستوى ان القراصنة الله يحرقهم فى ليلتهم التركواز ، ولاد جنية من كذا ناحية لأنهم عندهم امكانيات فززززيعة ( اللى هى فظيعة ) بيستخدومها ... خد مثلا القوارب الخشبية السريعة اووى اووى ( واو اتين اووى ) اللى مش موجود زيها فى الولايات المتحدة البرجوازية لأ ومش بس قوارب سريعة لأ كمان عندهم لاسلكى( لأ بتهرجوا ) !!! وأكد سعادة الناطق تخين المستوى انو رغم الصعوبات اللى بتوجها الولايات المتحدة البرجوازية فى السيطرة على القراصنة ولاد الجنية رغم ضعف الامكانيات بتاعت الولايات المتحدة البرجوزية من حاملات طائرات ومدمرات وبوارج بحرية دة غير الاقمار الصناعية اللى عندها يا عينى على الكام وكالة استخبارات زى "السى اى اية " و"دى فى دى" و" دبليو سى"ومشاة البحرية والبرية ومشاة الطرق العادية الا ان ولاد الجنية مش بيابنو بالليل بالذات لان لونهم اسود دة غير حالة الرعب اللى بيسببو لجنود الولايات المتحدة البرجوازية لان القراصنة ولاد المفترية بيلبسو جلدة على عين واحدة ودة بيسبب حالة من الخوف لجنود البتاعة المتحدة البرجوازية وعشان كدة طالب الناطق تخين المستوى دعم حلف الناتو والدول الاوروبية ومنظمة التجارة العالمية والاتحاد الافرواسيوى ودول عدم الانحياز وبطاريق القطب الشمالى وشركة صيانكو لاصلاح العربات والدكو اللى ورا مصنع السكر اللى فى الحوامدية وانت مدى ضهرك للطريق ... وقال الناطق ان المفروض يدعموا الولايات المتحدة البرجوازية على الاقل بـ 2 مليون عسكرى او حتى 7 مليون عسكرى يدووووب عشان يقدروا يسيطروا على منطقة الكرن ( اللى هى القرن ) الافريقى ويرجعو السلام للمنطكة ( اللى هى برضو المنطقة ) زى ما نجحوا بالتلاتة قبل كدة فى العراق وافغانستان ولبنان كما طلب الناطق تخين المستوى الدول والشعوب العربية بدعم الولايات المتحدة البرجوازية فى حربها العادلة على القراصنة ولاد الجنية وانهم يدعو عليهم ولو ممكن يكنسو عليهم السيدة يبقى خير وبركة .. واهو كلو بثوبوا ... وختم الناطق تخين المستوى تصريحاتة للـ "بى بى من غير سى "ووجة رسالة شديدة اللهجة للكراصنة بعد ما كشف راسة وقال ... ربنا يهدكم يا بعدة يا وحشيييين هنرفع عليكم قضية خلع من المنطكة فى مجلس الامن
فيما رد قرصان بلاد بونت ( اللى هى الصومال ) على تصريحات الناطق التخين بتاع الولايات المتحدة البرجوازية ان اللى مربوهوش ابوة وامة القراصنة تربية .
سلامـــو عليكـــم
الامور دي بتتكرر كثير لنهم دائما بيخطفوا باليل و مش بيكونوا شايفين حاجة ..
و كمان هما مش بيكونوا في قوارب صيد همل بيكونوا راكبين زوارق سريعة صغيرة ..
و ممكن يهجموا بقاربين مش بواحد واحد
و مرة خطفوا سفينة من عند السواحل العمانية
أه كمان دي مدمرة مش حاملة طائرات
ههههههههههههههههههههه مش موضوع بالليل ولا بالنهار .. انتو عارفين يعني ايه مدمرة حربية .. انتو متخيلين الحجم والتسليح .. ايه يا جماعة هو لفظ مدمرة مش واصلكو معناه ولا ايه .. مدمرة حربية فرنسية تابعة لحزب الناتو .. يعني مفيش تهريج وفي رواية اخرى مفيش دلعني .. ربنا ما يحرم القراصنه الصوماليين من الغباء
معلش أكيد الطيارات و المدافع كانت الناحية التانية من السفينة و ماشافوش العلم و شعار البحرية الفرنسية