تعالو شوفو خيبة قراصنة الصومال
السلام عليكم ..
انهارده في خبر شفته على الجزيرة استفزني اوي . . . انتو عارفين الهوجة بتاعت القراصنة الصوماليين اللي بيخطفو السفن الي بتكون قريبة من سواحلهم في المياه الدولية او واخده اذن مرور من الدولة هناك .. المهم هما بيكون معاهم مراكب بتاعت صيد يعني مش صغيره برده .. مراكب حلوة كده ..المهم شافو سفينه كبيرة معدية ضربو نار عليها و هددوها وهما لسه في مركب الصيد .. المهم طلعو على ضهر السفينه اللي عايزين يخطفوها تخيلو طلعت ايه .. طلعت مدمرة حربية فرنسية .. يا خبر اسود .. المهم الفرنساويين اعتقلوهم وسوري يعني نفخوهم .. شفتو عبط اكتر من كده ... الصوماليين مش قادرين على صيادين مصر ..راحو يخطفو مدمرة حربية فرنسية وشايله طيارات .. والله لما بشوف بني ادم غبي كده بيصعب عليا