السلام عليكم
فى حالة شراء سيارة من محافظة أخرى يتم عمل التالى
1- أهم حاجة تجهز عقد البيع ولو فى توكيلات وكلام من دة يكون تسلسلها فى السليم وتنتهى باللى بايع لك العربية وإتأكد من دة قبل ما تروح المرور.
2-يتم عمل فحص للسيارة فى المرور اللى إنت تبعه فى المحافظة بتاعتك وبيأشر عليه بطلب مطابقة من الضابط .
3- بتاخد الفحص دة وتطلع بيه على المرور اللى العربية تبعه واللى المفروض اللى هو فى محافظة تانيه وتعمل حاجة إسمها مطابقة فحص ودى ان المرور دة بيقول إن البيانات دى اللى جاية من مرورك أنت صحيحة وتختمه من هناك ختم واضح ومقروء علشان مايرجعوكش بيه تانى من مرورك.( مرة كان فى واحد خاتم الفحص بختم التربية والتعليم وكان مخلى الحبر يسيل على الختم وإتعرف وإتقبض عليه وإتظبط)
4- لو الرخصة سارية بتجيب شهادة مخالفات بس , ولو مش سارية بتدفع الضريبة هناك وبتجيب شهادة بيانات بس أهم حاجة يكتبولك فيها إنك مسدد الضريبة عندهم.
5- بترجع للمرور بتاعك بالورق دة وبتسلمه وبتدفع التأمين والكومبيوتر واللوحات وخلافة وبعدين يطلعوا عينك شويه وبعدين يدولك الرخصة.
وأتمنى أكون قدرت أشرح لك الموضوع
أخوك فى الله هانى
المفضلات