نوبيرا 2006 ماتشيه 190000كيلو

**tarekaf78** · 08-10-2009 11:35 AM

يا جماعه معروض عليا نوبيرا 2006 ماشيه 190000 كيلو فابريكه بره و جوة ماعا فقط سدر العربيه اللي قدام مخبوط و مردود علي البارد و مطلوب فيها 45000 جنيه ايه رايكم في السعر ده و هل الموتور كده هيكون كويس ولا خربان

**tarekaf78** · 08-10-2009 11:42 AM

علي فكره نسيت اقولكم انها اتوماتيك و ياريت تقولولي ايه رايكم في الاتوماتيك في النوبيرا و الاتوماتيك يغلي السعر ولا يرخص العربيه

**أبو صلاح** · 08-10-2009 11:44 AM

السعر كويس على موديل 2006 فابريكة بس المشكلة في ال 190000 ك

**bshndi** · 08-10-2009 12:13 PM

أخي الكريم السعر كويس لكن عدد الكيلومترات يقلق البني آدم الطبيعي بيمش بالعربية 20 ألف كيلو في السنة ممكن العربية دي كانت متأجرة والله أعلم ، وطبعاً الكلام ده يتضح من حالة الفتيس وكذلك العفشة والموتور ومش هاتقدر تعرفوا من الفرش أو الدواساات أو الدركسيون ممكن من كسوة الفتيس برضه (المقبض) ، إسمع إفحص العرربية بتقرير حالة في التوكيل بـ 250 ولا ب 300 جنيه لو العربية داخلة دماغك بس طبعاً بالإتفاق مع صاحبها إن حالة العربية إتضح أنها أقل مما يقول عليه يشيل هو النص وإنت النص أو هو يشيل كله علي حسب الإتفاق وإذا هو وافق أصلاً .
أرجو أن أكون أفدت سيادتك
أخيراً بالنسبة للأوتوماتيك (وهذا ليس عن تجربة ) أحد أصدقائي عاني من فتيس النوبيرا الأوتوماتيك لفترة طويله وصلحه وبعدين غيره بالكامل وفي الآخر باعها وجاب ليجانزا 2000 .أوتوماتيك برضه وبيشكر فيها .
تحياتي

**samirayad** · 08-10-2009 02:01 PM

كتير أوى 190 ألف على 2006

**kimo-nubira** · 08-10-2009 02:07 PM

المشاركة الأصلية كتبت بواسطة samirayad

كتير أوى 190 ألف على 2006

مش كتير بعقل العربيه ديه مكانتش بتريح نص ساعه علي الما اعتقد نصيحه ابعد عنها شكلها كده كانت

بتتأجر ولا حاجه والسعر قليل اوووووي علي 2006 بصراحه انا شاكك ان العربيه ديه سليمه

**samirayad** · 08-10-2009 02:10 PM

المشاركة الأصلية كتبت بواسطة kimo-nubira

مش كتير بعقل العربيه ديه مكانتش بتريح نص ساعه علي الما اعتقد نصيحه ابعد عنها شكلها كده كانت

بتتأجر ولا حاجه والسعر قليل اوووووي علي 2006 بصراحه انا شاكك ان العربيه ديه سليمه

دا فيها ستاره تقريبا
وممكن مغيره رادياتير
والله أعلم كمان بحالة الفتيس والشاسيه من قدام

ماعا فقط سدر العربيه اللي قدام مخبوط و مردود علي البارد

**moudy88** · 08-10-2009 03:59 PM

ابعد عنها احسن ..العربيه دي 100 % متاجره وهتتعبك ..والنوبيرا مرطرطه في المستعمل وهتلاقيها ماليه السوق وهتلاقي نص العربيات المعروضه متبهدله ومعظمها ايجار
وبالذات في النوبيرا متسترخصش فيها ..هتلاقي رينج الاسعار واسع جدا فيها
يعني ممكن تلاقي عربيتين نفس الموديل واحده ب44 الف والتانيه ب54 الف
وده اللي بيفرق البيتي من الايجار

**Eng.Geo** · 08-10-2009 04:58 PM

ايجااااااااااااااار
انصحك بلاش عشان
1 عدد الكم كتير جداااااا وده بيقلل من العمر الافتراضي للموتور ومثيلاتها من هدا الموديل بتكون عاملة حوالي 70000 كم و بيكون سعرها حوالي 53 مانيوال full و الاوتو 50
2 الفتيس الاوتو مش كويس في النوبيرا لو محمل ممكن تقف منك علي مطلع
و ربنا يوفقك