-
أعراض تلف الطرمبة
أخواني ماهي أعراض تلف طرمبة البنزين؟
لأن عندي العربية لما أبقى ماشي وأدوس بنزين وحد مثلاً يجي قدامي فأخف شوية من دوسة البنزين وأرجع أدوس تاني ألاقي بقي في بداية الدوسة التانية العربية زي متكون أتكتمت أو اتكلبشت لمدة ثانيتين كدة وبعدة كدة تبتبدي تفتح.( الموضوع ده بيظهر بشكل مقرف جدا مع التكييف .بس بدون التكييف بيظهر بره وإنا كان بشكل أقل)
قلت ممكن يكون كدة عادي لغاية لما ركبت عربية واحد صاحبي مو2008 لقيت ماشاء الله التسارع جامدددددددد ومفيش أثر للمشكلة دية
هل ده ممكن يكون من الطرمبةبتاعة البنزين؟ ولو كان كده أغيرالماتور بتاعها ؟ ولا أغير الطرمبة كلها ؟ وأجيبهم منين؟
- على فكرة أنا مغير البوجيهات والسلوك (أصلية) قريب ومفرقتش في حاجة خالص.
-
طيب وأيه أخبار فلتر البنزين والهواء قبل ماتفكر فى الطلمبه
وأيه آخر صيانه أتعملت فى العربيه وميعادها
-
متابع باهتمام لان نفس المشكلة عندي
-
-فلتر البنزين متغير من حوالي6000كيلو.المشكلة هي هي قبل وبعد تغيره بس هو للأمانة مش gm.
-فلتر الهواء متهيئلي بقالة أكثر من 10000ك بس هو شكلة مش متوسخ أوي يعني .
-تغير بوجيهات وفلتر بنزين شهر 2/2009
- تغيير سلوك شهر 6/2009
-أنجكشن من 2007
-
طيب أدينا بيانات عربيتك
اللى مطلوبه فى الموضوع ده
علشان نفكر صح معاك برضه
دوس هنا
وقولنا على موقف كل حاجه بالضبط
وخصوصا موقف أختبار شرارة البوبينا
وهل صوت الطلمبه طبيعى معاك وأنت بدور
والعربيه بدور معاك على طول من أول مره
وكنت حقولك أعمل أسكانر تطمن على جودة أشارة حساس الماب وحساس ال tps
بس خلينا مع البيانات برضه
علشان نبقى مجمعين كل حاجه فى الموضوع
-
أنا كنت غيرت قلب طلمبة البنزين قبل كدة
وللأسف حصلي الموضوع بتاعك ده
وكان آخر الأعراض إنك مرة حتكون بتدور ما تدورش
حتجرب مرة واتنين وتلاتة وبعدين ممكن تدور
ساعتها بقة تعرف إنك خلاص بتلعب في الوقت الضايع
يعني أحسنلك ما تسافرشي بيها
بس آخرها قلب الطلمبة بس
-
آه عل فكرة نسيت أقولك إن أكبر برهان على إن سبب عدم بدء الحركة - لو لا قدر الله حصلك - من طلمبة البنزين مش من حاجة تانبة
إنك مفروض أول ما بتدور مفتاح الكونتاكت بتسمع زنة بسيطة قوي بتاعة الطلمبة لو مسمعتهاش تعرف بقة إنها هي
بس يا ريت أخونا المهندس سمير يدينا فكرة عن حساس الماب وحساس ال tps
موجودين فين وفايديتهم إيه
-
-
شكراً أخونا العزيز
أزادك الله من علمه
-
Content Relevant URLs by
vBSEO 3.6.0 PL2