نصيحة من فضلكم

**gta10** · 08-10-2009 05:00 PM

السلام عليكم و رحمة الله و بركاته

فى واحد صاحبى عايز يشترى عربية و كان عايز يجيب عربية واسعة و تستحمل و تكون كويسة و فيها امكانيات جامدة فكان بيقارن بين لانسر 1600 سوبر أكشن 2010 و بين شيفروليه كروز هاى لاين 2010 فياريت تقولولى أنصحوا بايه حتى لو كانت عربية غير اللانسر و الكروز بس المهم تكون عربية حلوة و شديدة و تستحمل و تكون واسعة مش ضيقة وعلى فكرة هو عايز العربية فى حدود 125000 الف جنيه و ياريت ماحدش يقول هات كيا علشان أنا و هو اتخنقنا خلاص من كيا و اللى بيحصل فى كيا دلوقتى لأن كل عربيات كيا دلوقتى تعتبر دخلت سوق سوداء

**egyptianmafia** · 08-10-2009 06:15 PM

He can get the Mazda 3

but to answer your question....get the Cruze.......

unless your friend will get the Lancer khaleegy (choose the Lancer) but if he will get it from the dealer in Egypt...then get the Cruze....

**Youssef.Awad** · 08-10-2009 06:28 PM

يا بيييييييه اليابانى لا يعلى علييييييييييه
عليك وعلى حاجة من دول:
1- هوندا سيتى اوتوماتيك فول اوبشن
2- ميتسوبيشى لانسر شارك اوتوماتيك فول اوبشن
3- مازدا 3 اوتوماتيك ستيبترونيك (خلى بالك استيراد سمارت كار من غير ضمان التوكيل)
4- نيسان تيدا هاتشباك فول اوبشن (سمعة نيسان وحشة فى السوق)

وممكن كمان عندك
- رينو ميجان مانيوال فول اوبشن
- سكودا اوكتافيا a4 مانيوال فول اوبشن
- سيات ابيزا اوتوماتيك فول اوبشن

انا رأيى ما تخرجش عن الهوندا سيتى او اللانسر 1500 شارك وسيبك خالص من الكروز والسيراتو اللى عاملة هسس فى عقول الناس وبقت فعلا زى حتة الحشيش مع تجار العربيات

وعموما ربنا يوفقك فى اختيارك

**egyptianmafia** · 08-10-2009 06:36 PM

Honda City is smaller than the Lancer.....

Mazda 3 is a really good choice.....

Tida is good too but get the HB...dont get the sedan....

A4 Octavia is an old model....(shape)

Seat isnt doing too good in the Egyptian market....

you can also look into Fiat....

or you can get the Astra HB

**Hosam_Optrawy** · 09-10-2009 01:00 AM

مادام مستبعد السيراتو

يبقى كروز هاى لاين ب 127

**egyptianmafia** · 09-10-2009 03:42 AM

The Cruze is brand new and the price of it is a bit high and everyone is comparing it with the Cerato....but in Nasr City there is 3 in Makram Ebeid alone

2 in Abbas El Akkad

so it is starting to sell.....give it time....remember the price of it aint cheap.....

**lordtefa** · 09-10-2009 03:13 PM

بص ياباشا انا رأي يجيب الكروز وياريت تشوف بيقولوا عليها بره أيه كل الريفيوهات بتشكر فيها والعربية ديه معمولة عشان تطلع جنرال موتورز من زنقتها فحطوا فيها كل خبراتهم ..... وخليه يصلي استخارة ويتوكل على الله ...
وعلى فكرة اليومين دول بشوفها كتير وابديت تنتشر وهي لسه مش منتشرة عشان مافيش خليجي منها كله عند التوكيل وبس عكس الكيا السيراتو اللي كل ما ابربش الاقيها لدرجة تخنق ولعلمك ديه لو كان مفيش منها خليجي مكنتش هتنشر بالسرعة اللي انت شايفها ... من الاخر السيراتو هي طوق النجاة لكل تجار العربيات بعد الركود الفظيع فكله جابها وبيبعها ...

**Youssef.Awad** · 09-10-2009 03:49 PM

[QUOTE=lordtefa;3872042284]

بص ياباشا انا رأي يجيب الكروز وياريت تشوف بيقولوا عليها بره أيه كل الريفيوهات بتشكر فيها والعربية ديه معمولة عشان تطلع جنرال موتورز من زنقتها فحطوا فيها كل خبراتهم .....

باختلف مع حضرتك فى الرأى ده لأن احنا بنشترى عربية مش مهمتنا اننا نحل مشكلة جنرال موتورز وازمتها الاقتصادية ولا اى شركة تانية
هو يعنى لما ميتسوبيشى كانت فى ازمة سنة 2000 وكانت مهددة انت تقفل فى العالم كنا المفروض نشترى عربياتها عشان تعدى ازمتها ومش معنى انها فى ازمة انها تحط خبرتها فيها
انا شايف العكس تماما لأنه فى الازمات محتاجين دايما دعاية اكتر وسعر مناسب واقل سعر تكلفة انتاج عشان يحقق ربح عالى مش زى ماحضرتك متخيل

**lordtefa** · 09-10-2009 04:02 PM

[QUOTE=y2y1500;3872042377]

المشاركة الأصلية كتبت بواسطة lordtefa

بص ياباشا انا رأي يجيب الكروز وياريت تشوف بيقولوا عليها بره أيه كل الريفيوهات بتشكر فيها والعربية ديه معمولة عشان تطلع جنرال موتورز من زنقتها فحطوا فيها كل خبراتهم .....

باختلف مع حضرتك فى الرأى ده لأن احنا بنشترى عربية مش مهمتنا اننا نحل مشكلة جنرال موتورز وازمتها الاقتصادية ولا اى شركة تانية
هو يعنى لما ميتسوبيشى كانت فى ازمة سنة 2000 وكانت مهددة انت تقفل فى العالم كنا المفروض نشترى عربياتها عشان تعدى ازمتها ومش معنى انها فى ازمة انها تحط خبرتها فيها
انا شايف العكس تماما لأنه فى الازمات محتاجين دايما دعاية اكتر وسعر مناسب واقل سعر تكلفة انتاج عشان يحقق ربح عالى مش زى ماحضرتك متخيل

ياباشا مين قال اني قصدي ننقذهم من الازمة انا رأي انهم بيراهنوا عليها في السوق وحطوا فيها خبرتهم وانها فعلا عملت شغل جامد بره في فئتها ... ياريت اكون وضحت وجهة نظري ..