الرجاء من الجميع الدخول والتعليق علىالصور

**الريس** · 11-11-2007 03:04 PM

تتعوض ان شاء الله

**aboalm** · 11-11-2007 08:28 PM

بصوا يا جماعه انا أهلاوى و الحمد لله بس الواحد لازم يكون منصف فى كلامه هو الاهلى كان جاب جون صحيح و الحكم مش احتسبه و لا الهوا كان ضده فى الشوطين دى رياضه يعنى مكسب و خسارة و ممكن تعمل اللى عليك و مش يكون فى نصيب و تتغلب برضه

**Hisham_ElFeky** · 11-11-2007 09:02 PM

الاهم بجد لو اهلاوي تكون جنب فرقتك الفترة اللي جايه...بس حقيقي لو العرجون فكر او حظه الاسود خلاه يجي مصر يبقي سنة اسود من كوباية الخروب
بجد مش بعيد يحصله حاجه :-?

**Nader** · 11-11-2007 09:21 PM

يا جماعة الله يصلح حالكم بلاش تفكرونا، اللي حصل حصل ولو اتنططنا مش هيتغير ... الحمد لله على كل شيئ.

**tutankhamoun** · 12-11-2007 08:29 AM

بغض النظر على التحكيم
الأهلي لم يقدم طوال البطولة ما يشفع له الحصول عليها عكس بطولة 2006 ة بطولة 2005
النجم كان أفضل طوال البطولة و إن لم يكن أفضل في النهائي
و لكن تذكروا الصفاقسي العام الماضي ........ الأخطاء التحكيمية موجودة في كل مكان
و لكن أرى أن العرجون كان منحاز للنجم على أساس أنهم جيران و الله أعلم :| :|
و مبروك للنجم و حظ أوفر للأهلي في المستقبل و الذي حدث جيد لأنه جرس إنذار للتغيير
فدفاع الأهلي يحتاج إلى إصلاح و تجديد و أيضا وسط الملعب
و بعدين اللاعب أحمد عادل ....... عايز يتعدم في ميدان عام و معاه حسام عاشور

**oshy** · 12-11-2007 12:40 PM

أنا كنت بوصل صحابى كليه الشرطه يوم الماتش و لحقت الشوط التانى فى الربوه على فكره أنا زملكاوى بس و الله بعد ما الماتش خلص ركبت عربيتى و معرفتش أتكلم لحد ما وصلت بيتى و الله العظيم كنت زعلان أوى ده أنا حتى نزلت الموسكى يوم الخميس اشتريت ب 200 بوازيك و صواريخ عشان أنا و صحابى الأهلويه نحتفل بعد الماتش و لكن قدر الله و ما شاء فعل و أنا مروح لقيت فرح فى أحمد عرابى فتحت الازاز اللى جنبى و اديت الشباب اللى فى العربيه اللى جنبى ( شباب تبع الفرح ) اديتهم كل البوازيك و الصواريخ اللى معايا و مكانوش مصدقين و قعدوا يشكرونى و أنا مفتحتش بقى بجد مكانش ليا نفس أتكلم ... و بعد ما الطريق مشى رفعت ايدى للشباب و مشيت من غير ما اتكلم معاهم نص كلمه حتى تلاقيهم افتكروا ان أنا أخرص :? :? :?

**zozza** · 13-11-2007 02:55 PM

محدش يعرف ال email بتاع العرجون نبعتلو الصورتين دول يعلقهم فوق سريره

**meza** · 13-11-2007 11:29 PM

العرجونى ده أسوأ حكم ......... شفته

بجد حراااااااااااام اللى عمله ده ............ ربنا هيحاسبه
تحيز كامل للنجم .....

:shock: العرجونى

**محمدايهاب** · 14-11-2007 12:11 AM

كلها شوية ونشوف النجم الساحلى هيعمل ايه فى اليابان
والعالم كله عارف احنا عملنا ايه

أنا صراحة أتمناله انه يفوز بالكأس ده برده الفريق العربي الوحيد

لا يوجد تعليق على اسوء تحكيم شوفتووووووووووووووووووووو وووووووووو امبارح

أنا أكيد معاك إزاي يعني حكم مغربي يحكم مبارة بين مصر و تونس
مصر و قفت ضد المغرب في استضافة كأس العالم
و نافسناهم في كاس الأمم الافريقية
حتى في مجال الإقتصاد هم بيفتخروا غنهم ناويين يعملوا أكبر ميناء عربي على المتوسط و يكون أكبر من ميناء اسكندرية
و في مجال السياسة رفضوا تدخل مصر في مشكلة الصحراء الغربية و أما الصحف في مصر ندتت بإلي بيحصل في السجون المغربية ( قبل الإصلاحات الأخيرة ) قامت هوجة كبيرة
طول عمرنا بينا منافسة و بين المغرب
أما تونس و المغرب دول جيران و نفس التاريخ و نفس المستعمر و نفس اللغة و نفس الأسس الإقتصادية
إزاي يعني حكم مغربي ؟؟؟؟؟؟؟؟

نسيت أقول إن لو الموقف ده حصل مع الزمالك كانوا رغم الهزيمه حيروحوا اليابان برده بس مع نفسهم زى لما اشتروا كاس على حسابهم وقعدوا يلفوا بيه

ليه نروح بعيد أما الهلال السوداني طلع الزمالك أنا زعلت جدا و كل مصر زعلت و الأهوية ما طلعوش في الشارع و حيوا الهلال و رفعوا علم السودان
الحقيقة الزمالك و الإسماعيلي عندهم عقدة النقص

بعدين اللاعب أحمد عادل ....... عايز يتعدم في ميدان عام و معاه حسام عاشور

حرام عليك احمد عادل لاعب 10\10 ده نشط الحبهة بتاعته جدا أما بالنسبة لحسام عاشور أنا معاك و معاه اسلام الشاطر و عماد النحاس

لأن جوزيه نفسه اعترف بتحمل المسؤلية كامللا

طبع أنا سبت النقطة دي للأخر صحيح جوزية قال الكلام ده بس أما استضفوا في جريدة في البرتغال قال إن سبب تأخر الكورة في إفريقيا هو التحكيم الفاسد رغم وجود لعيبة و اتحادات كويسة

-

الموضوع: الرجاء من الجميع الدخول والتعليق علىالصور

LinkBack

أدوات الموضوع

عرض

-

-

-

-

-

المواضيع المتشابهه

مفاجأة عبدالله أوبل .......هام (أرجو الدخول من الجميع)

خبر هام رجاء من الجميع الدخول

سؤال مهم جدا ارجو من الجميع الدخول

حاير بين عربيتين ارجو الدخول من الجميع

اقتراح هام بخصوص مكسب الوكلاء... برجاء من الجميع الدخول

الكلمات الدلالية لهذا الموضوع

المفضلات

المفضلات

ضوابط المشاركة