الموضوع: انفلونزا الخنازير من علامات الساعة الكبرى !!

أختى العزيزة فى البداية انا بشكرك على نقلك للميل ووضعه للمناقشة بين اعضاء منتدانا المحترمين
وأسمحيلى أرد على الكلام اللى موجود فى الميل على حسب معلوماتى المتواضعة والعلم فى النهاية لله سبحانه وتعالى .
بداية الميل ده فى مغالطات كتير قوى وتفسيرات خاطئة لبعض الأحاديث النبوية الصحيحة وده فى الغالب اللى بيحصل بعد كل حدث جلل بيحصل فى العالم وباء - زلزال - بركان - تسونامى - وفاة واحد من الزعماء الكبار وهكذا ،،،
لو تفتكرى ان بعد ما حصلت حرب الخليج الأولى والتانية ودخول العراق الكويت وبعد كده الأحداث اللى حصلت طلع علينا بعض الناس اللى قالت ان ده من علامات الساعة وان صدام حسين هو المقصود بحديث النبى صلى الله عليه وسلم عن شخص اسمه السوفيانى وقالوا ان اسمه جاى من التصادم ولما حبيت اعرف مين السوفيانى وايه دوره لقيت ان اسمه لم يرد فى اى حديث صحيح يعنى الموضوع كله كان كدب ،،،،
وقالوا برده بعد ان من علامات الساعة الصغرى اللى هيظهر بعدها المهدى المنتظر موت ملك من ملوك المسلمين اسمه على اسم حيوان وطبعا الكلام ده انتشر جدااا بعد وفاة الملك فهد رحمة الله عليه والرئيس السورى حافظ الأسد ،،،،،
اللى انا اقصده من كلامى انفى احداث كتير الناس بتسقطها على بعض الأحاديث الصحيحة والكثيرمن الأحاديث الموضوعة والمكذوبة ويطلعولنا بإختراعات كتير و للأسف الشديد فى ناس كتير مننا بتصدق عشان ما بيحاولوش يوصلوا للحقيقة

علامات الساعة قسمها علماء الدين إلى قسمين علامات صغرى وعلامات كبرى العلامات الصغرى حددها العلماء بأكثر من مائة علامة وكلها علامات صحيحة ومستخرجة من احاديث صحيحة ورجالها ثقات اتفق جمهور الفقهاء على ان اولها هو مولد النبى محمد صلى الله عليه وسلم مرورا بعلامات كثيرة منها ما تحقق فى حياة النبى صلى الله عليه وسلم ومنها ما حدث فى عصور الخلفاء الراشدين ومنها ما يتحقق حتى ايامنا هذه وقد اتفق معظم علماء عصرنا على أن جل هذه العلامات قد تحقق بالفعل ،،،،

و ذكر اكثر اهل العلم أن هناك علامة فاصلة بين العلامات الصغرى والكبرى وهى ظهور المهدى المنتظر وأجمعوا على ان المهدى سيظهر على وجه الارض فى زمن خلافة راشدة وانه سيسبقه فى الخلافة 6 خلفاء ويموت الخليفة السادس ولا يكون هناك من يخلفه فى الحكم فيكره المهدى على الخلافة كما اكره عليها عمر بن الخطاب رضى الله عنه( طبعا الواضح من الظروف اللى بتمرعلى الأرض حاليا ان قدامنا فترة طويلة لما يكون فى خلافة راشدة فى بلاد المسلمين )،،،،،،،،،،،،،

وبعد تولى المهدى المنتظر الخلافة تبدأ مرحلة الفتوحات الإسلامية وتنتهى هذه الفتوحات بالملحمة الكبرى التى يهزم فيها جيش المسلمين جيش اهل الكفر ومع نهاية الملحمة وفتح المسلمين لتركيا يصرخ الشيطان صرخة ايها الناس إن الدجال قد خرج فى اهليكم فيعود جيش المسلمين فلا يجدوا شيئا ثم يخرج الدجال (يقول النبى الكريم صلى الله عليه وسلم إن الدجال يخرج لغضبة عظيمة يغضبها )

وده هتكون بداية العلامات الكبرى على عكس ما معظم الناس معتقدين ان اول العلامات الكبرى هى خروج الشمس من مغربها.

وبعد خروج الدجال وفتنته العظيمة ينزل سيدنا عيسى عليه الصلام حكما مقسطا وهو من يقوم بقتل المسيح الدجال ويعيش الناس فى سلام وأمن ويقوم سيدنا عيسى فعلا كما ذكر الحديث الشريف المدرج بالميل انه سيكسر الصليب ويقتل الخنزير مش لأن الخنزير هيكون سبب العدوى لكن لأن الصليب والخنزير رموز خاطئة لبعض المعتقدات الخاطئة والتى نزل عيسى عليه السلام لتصحيحها ،،،،

بعد مكوث عيسى عليه السلام فى الأرض لسنوات قد تكون خمس أو سبع يخرج على الناس خطر كبير وهو يأجوج ومأجوج وهما قبيلتان عظيمتان يأكلان الأخضر واليابس حتى الماء المالح ولا يوجد اى ذكر ان يأجوج ومأجوج محتجزين خلف سور الصين العظيم ودى مغالطة مالهاش اى سند صحيح أو حتى غير صحيح ،،،،،

بعد نهاية خطر يأجوج ومأجوج تبدأ مرحلة العلامات الكبرى التى لا توبة بعدها ينتظر الناس الشمس فى صباح احد الأيام كالعادة فلا تشرق الشمس ويستمر هذا الوضع لثلاثة أيام ثم تخرج الشمس من مغربها وحينها يؤمن كل من على وجه الأرض ولا ينفع نفس يومئذايمانها إلا ان تكون أمنت من قبل أوكسبت فى ايمانها خيرا ،،،،

بعدها يأتى على الأرض دخان كثيف يغطى الأرض جميعها يكون على المؤمن كالزكام وعلى الكافر كخروج الروح (يقول الحق سبحانه وتعالى وارتقب يوم تأتى السماء بدخان مبين يغشى الناس)صدق الله العظيم ،،،،
بعدها تخرج الدابة العظيمة لتميز المؤمن من الكافر فيقول العلماء انها ستحلى وجه المؤمن بعصا موسى وستكسر انف الكافر بخاتم سليمان ،،،،،،

ويأتى بعدها ريح خفيف يقبض روح كل مؤمن على وجه الأرض ،،،،

وتنتشر بعدها عبادة الأصنام فى الأرض مرة اخرى وتهدم الكعبة ويرفع المصحف ،،،،،

ويتحقق قول النبى صلى الله عليه وسلم ( لاتقوم الساعة إلا على شرار الناس) وقوله صلى الله عليه وسلم ( لاتقوم الساعة وعلى الأرض من يقول الله ...الله)

وبعدها تكون أخر علامة من علامات الساعة تخرج نار من قعر عدن تحشر الناس إلى أرض المحشر .

أرجو انى اكون قدرت اوضح الموضوع بإختصار واى حد من الاخوة الاعزاء عنده تعليق أو تصحيح يا ريت يقولى عليه عشان نستفيد كلنا اللى انا كتبته هنا ملخص قراءة وبحث اكتر من 10 سنوات فى موضوع علامات الساعة وارجو ان كلامى يكون واضح ومافيهوشاى حاجة غامضة ولو فى اى حاجة مش واضحة انا مستعد اوضحها بشكل أكبر

الاخ الفاضل الاستاذ nakkash طبعا كلام حضرتك لاغبار عليه بس هل فيه دليل او حديث على ان المهدى سيظهر اثناء وجود خلافه رشيده ؟
اصلى اول مره اعرف الموضوع ده لانه على حسب مااعرف انه اول مايظهر فيه ناس هتهاجمه ويدعون انه كاذب وهايهرب منهم الى ان يجتمع الناس حوله ويبايعونه داخل الحرم مابين الركن والمقام
فياريت توضيح اكتر للجزء ده

المشاركة الأصلية كتبت بواسطة mada121977

الاخ الفاضل الاستاذ nakkash طبعا كلام حضرتك لاغبار عليه بس هل فيه دليل او حديث على ان المهدى سيظهر اثناء وجود خلافه رشيده ؟
اصلى اول مره اعرف الموضوع ده لانه على حسب مااعرف انه اول مايظهر فيه ناس هتهاجمه ويدعون انه كاذب وهايهرب منهم الى ان يجتمع الناس حوله ويبايعونه داخل الحرم مابين الركن والمقام
فياريت توضيح اكتر للجزء ده

أخى العزيز المهدى المنتظر من أكثر العلامات التى حدث حولها لغط كبير بين جميع فرق و طوائف المسلمين فى طوائف انكرت من الأساس وجود شخصية المهدى المنتظر وشخصيات كبيرة وليها اسمها زى ابن خلدون وفى ناس غالت فى المهدى زى الشيعة اللى مستنين المهدى بتاعهم عند مدخل سرداب فى سامراء فى العراق وبيقولوا انه هو اللى هيقودهم عشان يكتسحوا العالم كله وفى الوسط اللى هما اهل السنة اللى بيعترفوا بالمهدى انه شخص كما ذكره النبى صلى الله عليه وسلم انه من عترة النبى (اى من نسله)وهناك بعض الأحاديث التى خصصت انه سيكون من نسل الحسن بن على رضى الله عنه وعن ابيه وعن جميع الصحابة وانه اجلى الجبهة اقنى الانف اى ذو انف معتدل صغير وذو جبهة عريضة وشعره منحسر عن مقدمة رأسه يملك الأرض خمسا أوسبعا يملأ الأرض عدلا ويصلحه الله فى ليلة ،،،،
واختلف العلماء فى تفسير ويصلحه الله فى ليلة ولكن الراجح ان الله سبحانه وتعالى سيجهزه للخلافة فى يوم وليلة إسمه على إسم النبى ( أحمد او محمد) واسم أبيه على اسم ابى النبى (عبد الله)و يعطى المال صحاحا أى لا ينظر فى عطاياه ( لا يقوم بعد الأموال ) خذ كل ما تحتاج اليه ويقود جيوش المسلمين فى الملاحم ،،،،،

يبايع المهدى المنتظر كرها على الخلافة بين الركن اليمانى ومقام سيدنا إبراهيم عليه وعلى نبينا السلام ،،،،،

يعارضه بعض الناس فى بداية حكمه واول من يخرج عليه جيش من بلاد العرب يخرج لحرب المهدى فيخسف الله الأرض بأولهم وأخرهم وعندها يعلم جميع من فى الأرض من المسلمين ان هذا هو المهدى المنتظر الذى اخبرنا عنه النبى محمد صلوات الله وسلامه عليه فيبايعونه جميعا ،،،،،

اما بخصوص الخلافة الراشدة التى ستسبق ظهور المهدى فى أقوال بعض العلماء أذكر منهم على سبيل المثال بن تيمية رحمة الله عليه

وهناك العديد من المحاضرات لعدد من افاضل العلماء مثل الشيخ محمد حسان والشيخ مسعد انور تتحدث بإستفاضة عن صفات المهدى وقام السادة المشايخ الأفاضل بالرد على الكثير من الإفتراءات فيها سأحاول ان احضر روابط لها نفعنا الله بها وارجو ان اكون قد اوضحت ما قمتم سيادتكم بالسؤال عنه واى استفسار أخر انا فى الخدمة

المهدي حقيقة أم خرافة ؟!


ده رابط لمحاضرة أكثر من رائعة عن المهدى المنتظر أرجو انها تكون مفيدة لأى حد محتاج يعرف اكتر عن المهدى