تقرير مصور كامل عن فيات لينيا

**devilishtigers** · 15-10-2009 04:55 PM

المشاركة الأصلية كتبت بواسطة dabdob86

الف شكر لكل الناس اللى ردت و اللى باركت و زى ما قلت دى اقل حاجة اقدر اعملها لمنتدى نايل موتورز بعد كل المساعدات اللى شفتها من غير ما اسأل سؤال واحد كنت بلاقى الاجابة دايما

انا دخلت من نت التليفون مخصوص بالرغم انه بطئ جدا بس قولت لازم احاول اتابع الموضوع

عموما السعر بتاع العربية مستمر ان شاء الله لاخر السنة (توقعاتى من خلال خبرتى مع التوكيل بحكم ترددى الكتير علية)

ان شاء الله فيه تقييم مبدئى بجهزه و هيكون عندكم على اخر الاسبوع بس كبداية العربية ممتعة جدا و وهمية الى ابعد الحدود فى كل حاجة

انا كنت طلبت من الادارة تعديل شئ فى الموضوع و لم يتم التعديل فلو فيه حد يقدر يتابع مع الادارة لانى مش عارف الموضوع ده بيتم اذاى يكون فادنى جدا
انتظروا المفاجاة القادمة ان شاء الله ( مش هاقدر اقول لغاية ما تكمل)

طيب فين المفاجأة احنا وصلنا لاخر الاسبوع

**hanady** · 16-10-2009 06:24 AM

تقرير رائع عن عربية رائعة و ستثبت نفسها مع الأيام.
ربنا يبارك تعب محبتك يا باشمهندس جون.

**mohdfma** · 16-10-2009 12:01 PM

التقرير اكتر من ممتاز و انا ناوي اشتريها فعلا
لكن عندي سؤالين بع اذن سيادتك
هو التربو ال120 حصان عند كام rpm كل الناس بتكتب عن ال77 حصان عند 6000rpm
كدة عمرها ما هاتوصل لل120 حصان لو كانت هاتجيبة علي rpm اكتر

تاني سؤال هو فعلا التربو مش هينفع يتصلح غير عند الوكيل و هل دة هاياثر علي سعر اعادة البع بتاعها كتير
اعتقد بعد كام سنة هاتبقا العادة هي البياعة
انا نفسي اجيب التربو و خايف
و الف مبروك علي العربية اللة يباركلك فيها

**devilishtigers** · 16-10-2009 01:41 PM

المشاركة الأصلية كتبت بواسطة mohdfma

تاني سؤال هو فعلا التربو مش هينفع يتصلح غير عند الوكيل و هل دة هاياثر علي سعر اعادة البع بتاعها كتير
اعتقد بعد كام سنة هاتبقا العادة هي البياعة
انا نفسي اجيب التربو و خايف

سؤال مهم فعلا يا ريت حد يرد عليه يا ترى ( تربو / عادي ) علشان بعد كدا

**abohalmos** · 16-10-2009 03:44 PM

المشاركة الأصلية كتبت بواسطة mohdfma

التقرير اكتر من ممتاز و انا ناوي اشتريها فعلا
لكن عندي سؤالين بع اذن سيادتك
هو التربو ال120 حصان عند كام rpm كل الناس بتكتب عن ال77 حصان عند 6000rpm
كدة عمرها ما هاتوصل لل120 حصان لو كانت هاتجيبة علي rpm اكتر

تاني سؤال هو فعلا التربو مش هينفع يتصلح غير عند الوكيل و هل دة هاياثر علي سعر اعادة البع بتاعها كتير
اعتقد بعد كام سنة هاتبقا العادة هي البياعة
انا نفسي اجيب التربو و خايف
و الف مبروك علي العربية اللة يباركلك فيها

الاخ العزيز :
و الله يا باشا انا زى حضرتك معجب اوى باللينيا كعربية ممتازة ما شاء الله

انا كونت ف الاول معجب بالسريون و بعدين فكرت لقيت انى عندى اسرة و طفلين يعنى شنط و لوازم و عربية اطفال ........فقولت بس يبقى خلينى فى الياريس هاف اوبشن و بعدين لاقيت انه كل الناس بيقولوا لانسر 1300 مانوال احسن حتى اللى معاهم ياريس ..... قولت يبقى لانسر 1300 ....... بعدين صابتنى الشوطة بتاعة اللينيا لما لقيت سعرها نزل ...... و بقيت هاجنن عليها و نفضت لكل الباقى و الشهادة لله ملاقيتش حد كاتب عن العربية اى عيب لحد دلوقتى .... الا موضوع التوكيل و انه يعنى فى ناس بيقولوا مش قد كده بس ماهو كل التوكيلات معلش فى مصر تعبانة اوى ....... ده غبور اللى كل الناس بتشتم فيه عربياته ماليه الشارع.......

أما بالنسبة لسؤال حضرتك عن موضوع 120 حصان دول بيبقوا على 1750 ار بى ام ...... يعنى على سرعات قليلة بتاخد اداء عالى جدا ..... العزم بتاعها 205 نيوتن مع ملاحظة انه عربية زى الكورولا 156 نيوتن ..... يعنى اداء اقوى بمراحل ....... و كمان اقصى سرعة 205 كم ..... و بتوصل من صفر الى 100 كم تقريبا فى 9 ثوان

اما بالنسبة لموضوع التربو انه هايربطك بالتوكيل ....... فده طبعا لانه معتقدش انه فيه حد ممكن تأتمنه على ماتور عربية زى دى غير التوكيل و برضه فى مراكز خدمة معتمدة كويسة اوى ........ اما بالنسبة لانخفاض السعر عند البيع ...... اى عربية مدام لمست الاسفلت بتقل 5 الاف جنيه ...... و كل عربية سعرها بينزل اوى بالذات الفيات لانها مش بياعة زى لانسر و لا هيونداى طبعا .... بس انا فى رأيى حضرتك هاتركب عربية بمواصفات و قدرات عربية سباق فى شكل عربية سيدان و مليانة كماليات رائعة ........ يبقى حضرتك راكب حاجة روعة و ممتازة و قدرات عالية جدا ...... طب هاتبيعها و تركب ايه بعدها .....انا عارف انه كل يوم فيه جديد ....... بس انت كمان راكب حاجة بمواصفات مش موجودة دلوقتى تقريبا و قدامها وقت كبير لحد ما تبقى قديمة ........

مع ملاحظة انه التربو بتاخد بنزين 92 و يفضل 95

العادة بتاخد بنزين 90 و يفضل 92 ..... العادة موتورها مخصص اساسا لداخل المدينة و بتدى الاداء بتاعها على سرعات منخفضة برضه و روعة فى استهلاك البنزين و تكيييف حلو برضه و اقصى سرعة 165 كم و بتديلك اداء ممتاز و سحب لحد 130 كم انما اكتر من كده بتاخد وقت على ما تزيد السرعة عن 130 و هيا مش بتاعة شد و حرق و كده و الماتور طبعا عادى فممكن تتصلح فى اى حتة ......

ارجو اكون افدتك و انا زيك محب جدا للعربية دى و نفسى اكمل مقدم حلو عشان ارتاح فى القسط بأذن الله و انا عن نفسى ناوى على العادة باكدج 2 اللى فيها جنوط و حساسات ركن و كده

دعواتكم يا جماعة

**dabdob86** · 16-10-2009 04:00 PM

هو التربو ال120 حصان عند كام rpm كل الناس بتكتب عن ال77 حصان عند 6000rpm
كدة عمرها ما هاتوصل لل120 حصان لو كانت هاتجيبة علي rpm اكتر

ال 120 حصان عند 5000 rpm
, و العزم 206 n.m عند 1750 rpm
يعنى العزم عالى على السرعات قليلة و ده بيفيد جدا فى الشد

الغريبة بقا انه مافيش red line فى عداد الrpm مش عارف ليه بس انا ببحث فى الموضوع

تاني سؤال هو فعلا التربو مش هينفع يتصلح غير عند الوكيل و هل دة هاياثر علي سعر اعادة البع بتاعها كتير
اعتقد بعد كام سنة هاتبقا العادة هي البياعة
انا نفسي اجيب التربو و خايف

هو ضرورى هيكون فى ناس فى الحرفيين تخصص يصلحوا الحاجات ديه
اذا الsubaru اللى بتشوفها كل فين و فين ليها واحد مشهور فى الحرفيين بيصلح العربة يبقى ضرورى مع الوقت هتلاقى ناس تصلح الفيات برده
ثم انه فيه مراكز خدمة معتمدة غير التوكيل بيصلحوا برده العربية
العربية لو الناس اقبلت عليها هتلاقبلها ميكانيكيا يصلحوها فى الشارع و هتلاقى محلات قطع غيار كتير و هتلاقى سعر اعادة البيع كويس
احنا اللى بنحكم دايما على العربية اما ننجحها و نخليها تنتشر او تختفى تماما

اتكل على الله و هات التربو لو عجباك و هتلاقى العربية معاك حلوة جدا و مش هتبقى عاوز تنزل منها

**devilishtigers** · 16-10-2009 06:06 PM

فين يا باشا التقرير حتى لو ملاحظات سريعة كدا
علشان في ناس كتييييييييييييييير مستنياه

**Moe86** · 16-10-2009 07:25 PM

مافيش red line فى عداد الrpm
الكلام دة فى ال 77 حصان لأنها 8 valve بس مش التربو لأنها 16 Vavle
نفس الكلام فى البونتو و الجراند اللى فى مصر
السبب ان المصنع لما عمل اختبارات على المواتير دى علشان يحدد الred line فين , لقوا ان المواتير دى تستحمل لحد 9000 RPM عادى (مع الصياتة فى مواعيدها)
فنزلوا العربيات فيها لحد 7000RPM من غيرred line
بس مالوش لازمة تحرق بعد ال5000 RPM فى البونتو و 6000 فى الجراند واللينيا لأن أقصى horsepower بيجى فى الRPM دة

**Ghamrawy** · 16-10-2009 10:42 PM

المشاركة الأصلية كتبت بواسطة moe86

مافيش red line فى عداد الrpm
الكلام دة فى ال 77 حصان لأنها 8 valve بس مش التربو لأنها 16 vavle
نفس الكلام فى البونتو و الجراند اللى فى مصر
السبب ان المصنع لما عمل اختبارات على المواتير دى علشان يحدد الred line فين , لقوا ان المواتير دى تستحمل لحد 9000 rpm عادى (مع الصياتة فى مواعيدها) :ta_clap[1]:
فنزلوا العربيات فيها لحد 7000rpm من غيرred line
بس مالوش لازمة تحرق بعد ال5000 rpm فى البونتو و 6000 فى الجراند واللينيا لأن أقصى horsepower بيجى فى الrpm دة

ممكن مصدر رسمى للمعلومات دى يا باشا ؟
و شكرا

**a_shanawany** · 17-10-2009 09:25 PM

ألف مبروك عليك يا باشا
عربيه تحفه
ربنا يباركلك فيها
بس معلش ممكن سؤال مهم
انتا جايبها منين
كونتكات كاز كاتبين انها ب 115 الف
دى غير اني اتصلت بالطارق اللي في الاسكندريه قالوللي لسه هتيجي في شهر يناير
وهل فيه منها اوتوماتيك
ياريت الرد بسرعه ربنا يكرمك علشان محتاج أشتري علطوووول والله
ربنا يباركلك فيها مره تانيه