الله ينور عليك يا هندسة
وربنا يعوضك عن اللى حصل فى العربية ، المهم الحكومة الـ محترمة بتاعتنا تاخد حق الناس من البني أدم دة وأمثالة
عرض للطباعة
الله ينور عليك يا هندسة
وربنا يعوضك عن اللى حصل فى العربية ، المهم الحكومة الـ محترمة بتاعتنا تاخد حق الناس من البني أدم دة وأمثالة
جزاك الله خير وكتر من امثالك , وفعلا عن تجربة ممثلة بس ابسط من كده لما بتمسك الحرامى بتبقى عاوز تربيه من اول وجديد لمنع اذاه عن الناس
ربنا يعوض عليك خير باذن اللهاقتباس:
للأسف اتخبطت بس الحمدلله مش جامدة بس الجنط بتاعي باظ.
عماااااااااار يا مصر
يا عم دانت بتحكى فيلم عربى فعلا والله فيلم
وانت كده كشفت كمان لعبه بيعملوها بتوع تأجير السيارات وبيقع فيها الناس
ده ممكن صاحب العربيه يكون مشترك مع الحرامى
الف مروك على الحاجه الى رجعت بس بالواسطه تخيل لو مكنتش تعرف حد
الحمد لله إن في رجالة زيك موجودين يحموا نفسهم و غيرهم
ربنا يعوض عليك في العربية
و يعوض علينا في بلدنا
بارك الله فيك
الحمد لله على سلامتك
وبجد ول الحكم الاسلامى اتطبف و قطعت يد السارق و رجم او جلد الزانى مش هيبقى فيه امثال الناس دى
الحكومة ملهاش أي لزمة في بلدنا ......... الشرطة لخدمة و حماية الحكومة فقط لا غير .......
و بأحييك على شجاعتك و تضحيتك بسيارتك .......... ربنا يستر طريقك يا شيخ و أبقى خليك حريص زي ما روكسر قال ..... كلامه مظبوط
باشكر كل اللي شارك في الموضوع بكتابته أو بروحه بس بصراحة أنا بكرر أني كتبت الموضوع ده علشان الناس تتعلم من تجربتي
بس أخلاقكم الرفيعة و روحكم الطيبة دي بتخليني في قمة الاحراج
ومتضايق شوية ان الموضوع ابتدى ياخد الشكل البطولي مع اني والله ما كانش ده الغرض من اللي عملته
وفي نفس الوقت لازم ما نتنازلش عن حقوقنا قدر المستطاع
والله يا جماعة انتوا قلقتوني على أهل بيتي بالكلام ده....
طب وهل الحل اني أغير مكان سكني؟؟؟ لو هو ده الحل يبقى أكيد لو كل واحد مسك حرامي البلد كلها هاتعزل:)
والله انتوا خليتوني فعلا بافكر اني أغيره..
للآسف الشديد ........ و بأقولها للآسف الشديد
الشرطة بتبقى عارفة البلطجية و الحرامية و عارفين مكانهم و عارفين بيعملوا أيه و للآسف الشديد مفيش أي أجراءات بتتأخد ضدهم و لا أي تحرك للحد من خطورتهم ........
الأمن في البلد فعلا بيقل بسبب ترك الحكومة للحبل على الغارب للبلطجية و الحرامية اللي بيزيدوا مع زيادة السكان و قلة الأنتاج و عدد الوظائف المتاحة .
فخلي بالك ........ و موضوع الأربعة ساعات ده يخليك تفهم أنهم أصلا مكنوش عايزين يفتحوا محضر و كانوا بيزهقوك علشان تمشي علشان هما يسرقوا الحاجات اللي الراجل سرقها .............. و يمشوه ....... و تتكرر المشكلة من جديد
و على رأي المثل حاميها حراميها ..................................
أنا أتهددت أدام ظباط شرطة و أمناء ...................... و كلهم رفضوا يشهدوا معايا في محضر رسمي ..........
أنا بقولك خلي بالك علشان بجد بلدنا كل حاجة بقت فيها بالذراع .......... الحكومة ملهاش دعوة بأي حاجة إلا مُهددين النظام ........ أو القتلة فقط ......
غير كدا ............. مش بيعتبروها قضايا أصلا .
و ربنا يستر عليك و علينا .............................. و أنا رأيي شوف الموضوع هايعمل أيه في الفترة اللي جاية
لو لقيت أنه فيه أذى مباشر ليك أو لأسرتك
تراجع ..............البطولة في المواقف دي نهايتها مش كويسة .
لو الموضوع لقيت أنه فيه أهتمام و ماشي كويس ........... كمل و ربنا يجازيك خير
و منه لله اللي كان السبب في الوصول لحال البلد للنقطة دي .........
حسبي الله و نعم الوكيل
أنا بس كل اللي صعبان عليا عربيات الناس اللي أتخبطت و الراجل الغلبان صاحب الأوبترا المسروقة دي ربنا ما يورينا عذابه و حرقته على شقاه و تعبه
لكن انه بجد رجولة و كفاءة و قلب حديد ربنا يحميك
و على فكرة انا في السعودية أهوه و بأقولكم ان فيه هنا سرقة بس مش بالبجاحة دي خالص و حوادث فردية بسيطه كل فين و فين لما تسمع عن حاجة كده بس لأن فيه خوف من العقاب و الجزاء
أنا معاك في كل كلمة بتقولها
وعلشان أريح دماغي أنا هابتدي أدور على مكان بعيد عن اللي ساكن فيه حاليا
وربنا يسترها معانا
ومتشكر ليك جداااااا
ومن ضمن الحاجات اللي خليتني أمسك الحيوان ده ان كان حصل في بيت والدي سرقة حاجات تقدر بحوالي 250,000 جنيه وأهلي كلهم قاعدين في البيت ....تخيل...!!!!
المهم ان الحكومة ما عرفتش تجيبهم أو على رأيك مارضوش يجيبوهوم على تبقى التركة النص بالنص
ودهي حاجة مهمة من الحاجات اللي خليتني أمسكه..
والله نفسي أطلع من البلد دي على خير لأني عمري ماكنت فيها أصلا
دا أنا كنت شغال في أمريكا مع واحد يهودي, بس عمره ما ظلمني ولا كل حقي ولا اتخابث عليا...!!!!
صحيح في هناك فئة متعصبة ولكنهم قلة... وأنا باكلمك عن الأغلب الأعم
وبالمناسبة كنت في مشكلة مرة وواحد أمريكاني تدخل وحللي المشكلة و بقينا شبه أصحاب و كان بيحبني جدا وبيسألني عن الحياة في مصر وعن ديانتي وغيره...المهم انه في مرة لقيته جايبلي عجلة (بيسكليتة) هدية....!!! فأنا قولتله ايه كل ده أنا مش حاقبلها و روح رجعها وأنا متشكر جدا على اهتمامك...والكلام ده.....المهم.
انه طلع سارقها.....فقعدت اتكلمت معاه.... وراح رجعها فعلا
الفرق بنا وبينهم انهم بيتعلموا من أخطاؤهم على خلافنا تماما...للأسف
ربنا يعوض عليك فى الخساير الماديه والمعنويه
وفعلا تسلم ايدك على اللى انت عملته معاه , انما بقا الشرطه دى اخر حاجه تلجأ لها فى الحاجات اللى زى كدا
واحد غيرك لو ليه فى الحكايات دى كان خده معاه فى الشنطه وراح عمل معاه الواجب فى اى حته ورماه للكلاب , هى بلدنا بقت بالدراع للأسف
انا بجد عاجز عن الكلام
خلاص ما بقاش في امل في البلد الناس اتسعرت و ما فيش حد يلجمهم او يلمهم. بقينا عايشين في غابة و الواحد لازم يطبق القانون بايده. و قال ايه والدي عايز يسيب الكويت و ينزل يستقر في مصر
ربنا يعينك و يعوض عليك في الخسائر اللي حصلتك و يسترها معاك و الموضوع يخلص لحد كدة
أبوس ايدك تقوله ما يجيش
ولو عايز يسيب الكويت يروح أي حتة تانية غير مصر أكرمله
وعلشان الراجل ما يقضيش فترة الراحة في حياته في مكان مليء بعدم النظام والهمجية والبربرية و ده هايأثر على نفسيته جامد بعد الشر زي ما والدي رجع المخروبة دي واصطدم بكل ما هو سيء وكان فاكر انه راجع يرتاح وياعيني عليك ياوالدي رجع لوجع الدماغ برجليه ورجعنا معاه
الله ينور عليك بجد
ربنا يباركلك هى دة الشجاعة واحد تانى كان ساب الشنطة والحاجة ربنا يقدرك على فعل الخير وحسبى الله ونعم الوكيل فى كل حرامى اللى سبب انتشارهم الحكومة بتاعتنا
صدقني احنا مش مقصرين
انا و اخواتي و والدتي معارضين الفكرة لكن هو راكب دماغة
هو فاتح كام مشروع في مصر و بيباشرهم من هنا لكن لما الحمد لله ابتدوا يكبروا عايز ينزل و يتفرغلهم. انا عارف ان ده حقه و كلامة انه يتعب في ملكة احسن ما يتعب في ملك غيرة انا موافقه فية و مؤمن بية بس اللي بشوفوا و بسمعوا عن مصر مخليني مرعوب من العيشة فيها. انا نزلت قعدت سنة واحدة و كان هيجيلي انهيار عصبي لاني مش متعود علي الحياة و اسلوب المعاملة فيها بحكم اني مولود هنا.
غير كدة ابويا هنا و لله الحمد منصبة كويس و ليه قاعدة معارف كبيرة بيخلص بيها معظم مصالحنا و بالتليفون و ده طبعا مش موجود في مصر و انت ادري اللي ملوش ظهر في مصر بيحصل فيه اية خصوصا انه يعتبر فريسة و هدف لقطة لناس كتييير يتمصلحوا عليه.
ادينا بنعمل اللي علينا و ربنا يقدم اللي فيه الخير و يوفقنا الي ما يحب و يرضي ان شاء الله
اهي دي الرجالة احييك والله وربنا يكتر من امثالك ياباشا
انا كنت فاكر إن الرجولة والجدعنة راحت من مصر..بس والله لسه في أمل
حذار من الرجوع
حذار من الرجوع
حذار من الرجوع
خللي الوالد يرجع بري و خليه يتفرج
خللي الوالد يخلص الورق الحكومي بنفسه
اللي راجع من بره بيبقي فريسة لها ألف عين تراقبها لتفترسها
مش تشاؤم ، ده الواقع و بدون رحمة سواء رجل كبير أو امرأه أو حتي طفل
يا ريت تخلليه يقرأ الكلام ده و يتناقش معانا أفضل
اخيرا لقيت ناس عارفة الحقيقة ومش عايزين يعيشوا فى الوهم لو كان مصطفى كامل عايش كان غير مقولتة الى (لو لم اكن مصريا لودت ان اكون اى جنسية تانية ياااااااااااااااااااااااا اااارب)
ربنا يبارك فيك ويكتر من أمثالك
ربنا يستر عليك من انتقام هذا اللص .............خصوصا وانه عارفك وعارف البيت كمان
حمد الله خ سلمتك
بس هو يوم 6 اكتوبر كاى فيه شغل مش ده اجازه
عارف الكلام ده كله و الله
و اتناقشنا معاه اكتر من مرة
و في قرايب لينا عملوا الحركة ده و ندمانين اشد الندم و عمالين يحذروه و ينصحوه لكن هو خلاص عقد النية. احنا بنحاول دلوقتي نقنعة انه ميصفيش شغلة هنا و ياخد اجازة طويلة و ينزل يجرب لعل و عسي يتعظ و يرجع تاني.
ده حقيقي .. انا قبل كدة إتسرقت في 6 أكتوبر و رحت القسم .. قالولي الطريقة اللي إتسرقت بيها و وصفولي شكل الحرامي و قالولي عنوانه و نوع العربية اللي كان سايقها ساعة السرقة و في الأخر قالولي ربنا يعوض عليك !! طب مدام إنتوا عارفين كل ده محدش مسكوا لييييه !!!!!!!!!! و عملوا محضر جبر خواطر كدة و إقلب .
مرة تانية ساعة حادثة أختي .. جبتلهم نوع العربية و موديلها و لونها و 4 أرقام من النمر !!! و برضه مفيش حاجة .. و حتي العسكري اللي أخد المعلومات كان تحفة .. بقوله الحادثة كانت علي سرعة 100 أو أكتر .. يقولي بمقدمة ولا مؤخرة العربية .. كنت عايز أقوله بمؤخرتك إنت .. فيه حد بيمشي مارشيدير علي 100 يا جدعان !!!!!!!
و أخيراَ فعلاََ يا بخت حرامية مصر بالشرطة اللي فيها .
بجد مش مجرد كلام عابر ..
انت المصرى (اللى على حق) اللى يقول للغلط لأ ..
بجد انا ليا شرف التعليق فى موضوعك ..
تحياتى .
اصل هو البيه الحرامي مش خطر ع النظام الحاكم سيبوا
انما لو اتكلم في السياسه يعلقوا
حسبي الله ونعم الوكيل
وموقف منك رجوله انك متبش حقك
تحياتي ليك بجد وارفعلك القبعة
اللي عايش خارج مصر في الفترة اللي أحنا فيها و يرجع يستاهل اللي يجراله .
و أنا برة احد صاحبي قعد يتحايل عليا علشان مرجعش .............................
و برضه رجعت ....... علشان أحرق في دم نفسي ....
بلد دي دلوقتي بتعيش حالة من التدهور الشديد في الأخلاق .........
اللي هايرجع هايتحرق دمه .......... و يتسرق .............. و الناس تطلع عين اللي جابوه
فالأفضل ......... المكوث أينما كنت طالما تستطيع ذلك .............
و تترك مصر للزيارات العائلية السنوية فقط لا غير
و تبقى تيجوا تتفرجوا على الهرم كل سنة و شكرا على كدا
إنما العيشة هنا تقصر العمر ............... و تحرق الدم ......... و الحكومة و الشرطة في وادي ....... و سايبين الناس تنطح في بعض في وادي تاني .
لا و الف مليون لا للرجوع الآن ........................ ستكون كمن يُناطح السحاب ............ أو يسبح ضد التيار .........
و ساعتها لن يكون هناك أمل في الرجوع و لا يوجد غير الندم و الحسرة على ما كان في الأيدي ....... و طار .........
و تحيا ج ع ع .......... حُرة مُستقلة و طويل العُمر يطول عُمره و ينصُره على مين يعاديه ........... و هاي هيئ
انا برة مصر وباجي اجازات بس وقسما بالله العظيم لو اهلي مش فيها مش هارجعلها ابدا
المواطن الدرجة التانية او التالتة برة ليه حقوق اكتر من المواطن العادي في مصر
ان الإنسان يكون مصري ابتلاء من ربنا وربنا يصبرنا عليه ولازم الأنسان يكون منتمي لدينه اولا وأخيرا اما موضوع الوطن فكلها ارض الله
والله نفسي مصر تبقى احسن بلد في العالم بس المنحنى نازل أوي أوي أوي ومفيش أمل قريب
بقت حاجة عظيمة في تاريخ مصر زي انتصار 6 اكتوبر المجيد عبارة عن يوم اجازة وخلاص عند الناس
انا بقترح انااى حد يتمسك فى قضية مخلة بالشرف سرقة قتل او زنا يتعدم ونريح البلد منة بس ساعتهامش حنلاقى حد ماشى فى الشارع
الله ينور عليك وربنا يحميك يارب ويكثر من امثالك احنا فعلا محتاجين نبقي كلنا عندنا نفس الشجاعة دى
أحييك بشدة وارفعلك القبعة