هما مسمارين و الباقى كليبسات يا باشا
منا بقولك صورلى التابلوة بتاعك هشان اشرحلك هتعمل اية ب الظبط
..
عرض للطباعة
:Zb_sor1[1]:انا مش عارف انزل الصورة من جهازى
بص هو التبلوه زى بتاع السيفيا بالظبط
يعنى اشرحلى على التبلوه بتاعك وانا هافهم
السلام عليكم جميعا انا قريت كل المواضيع بتاعتكم وبصراحه انا عجبانى جدا السفيا
فا يا ريت لو حد يقدر يفيدنى فى عربيه تكون حالتها ممتازة ويقولى سعرها كام ويقولى لونها وفابريكه ولا لا ويكون امين ويقول كل حاجه فى العربيه وفى السعر يجيب اخرها ويقولى كمان الترخيص اد ايه واسف للاطاله
الرابطة منورة بأهلها يا باشا
بالنسبة لللمبة التانية اكيد انت بتقصد لمبة التشيك انجن
ودي علشان تعرف هي منورة لية لازم تحط العربية علي الجهاز
وفي ناس كتير في الحرفيين عندهم الجهاز بتاعها
بالنسبة للطاسات الاصلي انا شاريهم من عند الجندي فرع مدينة نصر ودة عنوانة الحي السابع
شارع عبد الله العربي عمارة ميراكو والفوجات اسالة عليها اكيد ها يدلك
و الله يا جماعه انا كان عندى مشكله فى العربيه انا بحب العربية اللى تبقى معايه قديمه جديده تبقى نضيفه جدا و خصوصا التابلوه و الاضائة الداخلية
انا بروح لكهربائى فى الاسكندرية بيفك التابلوه من اوله لاخره و ينظفه حته حته بيطلع من نحت ايده ماشاء الله فابريكه و اللمبات القديمه تتغير كلها و كمان بيعمل حاجه جامده جداا بينظف تلاجه التكيف و يشوف لو بيسرب و بيرجع تانى تاكيف شديد بعد ما يكون شال تراب السنييين على فكره معايا كيا شوما اوتو 2001
انا يا جماعة الطنابير عندى مبتكملش كام شهر وبعد كدة بتريج ويبقى فيها عالى وواطى ودة طبعا بيخلى الدريكسيون يترجرج عند الفرملة وانا مش عارف سبب المشكلة مع انى مش بغسل العربية وهى سخنة ومش بفرمل جامد.
وانا غيرت الطنابير لحد دلوقتى مرتين فى سنة وبقت حاجة تقرف ومكلفة
والتيل الى بستعملة نوعة جولد كورى والطنابير بردة كورى
فتنصحونى باية
احمد باشا ازيك يا كبير يارب يكون مانع اختفائك عننا خير
و سبب الكلام دة كلة التيل وحش مليان برادة على نحاس تيل اى كلام و مضروب يعنى
ف ممكن تجرب تخرط الطنابير و تجرب تيل نوع مختلف زى مثلا فريكسا و دة علبتة حمرا و عليها علامتين صح
النوع دة نضرف جدا و عامل معايا حوالى 35 الف كيلو لحد دلوقتى و ماشاء الله علية لسة فية ربعة تقريبا ..
و تمنة 80 جنية
اما لو حضرتك خلاص لازم تجيب طنابير ف توكل على الله و حاول تجيب حاجة استيراد نضيفة اوفرلك
و لو حضرتك محتاج طنابير خلفية ف انا موجود عندى 2 حالتهم نضيفة جدا جدا ..
و اى خدمة ياباشا انا موجود ..
للبيع
الـمـــاركـــــــــــة : كيا
الـفـئـــــــــــــــــة :سيفيا
الـمــــوديـــــــــل : 1999
الـســــــعـــــــــر : 45000
سعــــة المحــرك : 1500
الدهان الخارجى:ابيض بحاله جيده
الدهان الداخلى : فابريقه
الـعــــــــــــــــداد : 109000
الـغـيــــــــــــــــار : اوتوماتيك
الـتـكـــيـيـــــــف : يوجد
بــــــــــــــــــــاور : يوجد
مرايات كهربائية :يوجد
زجاج كهربائــي :يوجد
جنــــوط سبــور : لا يوجد
كــاســـــــيــــت : يوجد
جـهـــاز إنـــــذار : يوجد
سـنـتــرلــــــوك : يوجد
فـتـحــة سقــف : لا يوجد
عـمــر البطاريه :3شهور
عــمـر الكاوتش : حالته جيده
انتهـاء الرخصـه :31/8/2010
اســـم المــالك : ضياء اكرم
رقــم التليفــون 0162732626
السياره تقفيل كوري
وصالون الفابريقه وحالته ممتازه والموتور والعفشه تمام التمام والعربيه مش عايزه مصاريف
ودي الصور
http://img101.herosh.com/2010/04/16/851657196.jpg
http://img102.herosh.com/2010/04/16/243393155.jpg
http://img105.herosh.com/2010/04/16/601860543.jpg
http://img105.herosh.com/2010/04/16/717472254.jpg
http://img105.herosh.com/2010/04/16/274742417.jpg
الف شكر ليك يا ماكس باشا
ومعلش اصلى بجهز عش الزوجية
بالنسبة للطنابير فانا مش عاوز اخرط لان الطنابير بعد الخرط مبتعش كتير
والطنابير الكورى بتعمل 180 جنية
وطنابير الكيا الاصلية جديدة من عند الجندى فى شارع دمشق بتعمل 320 جنية
بس الاستيراد معرفش بتعمل كام
فاية رايك
وصحيح التيل الاصلى سعرة 180 جنية
انا ليل طلب عند الادارة وهوطلب صغنن
ودة اول طلب اطلبة وانا مش من عادتى اطلب كتير
وطلبى يا ريت ان الموضوع يتثيت لكونة مليان معلومات بالسيفيا هتفيد كل واحد بيمتلكها او بيفكر يمتلكها
وشكرا جزيلا لادارتنا العزيزة
انا كنت عايز اركب فوج لايت عندى فى العربيه
انا العربيه غير مجهزه بيهم
ممكن لو وصلتهم مع النور الصغير يبقى فيه مشكلة,, علشان انا مش عايز اجيب ضفيرة وزرار مخصوص
من الافضل تركيبل كل شى منفصل لان ممكن كدة يبقى فى حمل على دراع النور ويتحرق وكان لمض الفوجات مش هتعمر كتير علشان هتبقى منورة طول ما انتا منور النور الصغير بالليل وعالعموم اسال الكهربائى وقلنا عملت اية
وبالتوفيق
انا معايا سيفيا 2000 مانيوال وكنت عاوز طرمبة باور استيراد لأني سألت عند حلمي سليمان قالي 600 جنيه ياريت حد يقولي اجيبها استيراد منين
يا جماعة ياريت حد يرد علية
عايز اجيب سيفيا بس الناس بيخوفني منها
ومن الاتوماتيك بالتحديد ارجوا الرد سريعا
وياريت حد يقوللي سعر الاتوماتيك بكام جديد ومستعمل
ارجوااااااااااااااا الرد يا جماعة
بالنسبة للاخ الى بيسال على طرمبة الباور فممكن تجيبها استيراد من الحرفيين وسعرها حوالى من 300 الى 350 جنية.
بس تاخدها على تجربة وتركبها هناك علشان اذا كان فيها حاجة ترجعها.
والى بتشتريها منة بيعلمها بعلامة معينة علشان اذا رجعتها يعرف انها بتاعتة ولازم تتفق قبل ما تشترى انك تاخد الطرمبة على التجربة واذا مرضيش سيبك منة لان مش كل الاستيراد كويس.
وبالنسبة للاخ الى بيسال عن السيفيا الاتوماتيك
فالسيفيا عربية ممتازة واعتقد انى مقدرش اقول عليها اكتر من الى قالوا الصديق ماكس زيرو عربية واسعة بشكل غريب وثابتة وتكييف تلاجة وعفشة ناعمة ومتماسكة
بس نصيحة ابعد عن الاتوماتك منها لانة مش بيتحمل زى اليابانى ومش بتاع شد وجرى وكيك داون وخصوصا ان اى سيفيا اكيد هيكون مر على موديلها كتير والصراحة انا كتير بحس ان السيفيا يابانى مش كورى من كتر جودة التقفيل والتحمل ودة بالنسبة للمانيول وانا كنت هبيع عربيتى السيفيا فعلا ولكن مقدرتش لانى حبيت السيفيا جدا وحاسس انى بامكانياتى الحالية مش هعرف اركب حاجة زيها
وطبعا اذا اتوفقت فى سيفيا موديل 2000 او 1999 يكون افضل علشان دة كان كورى وتخلى بالك من الحالة واكرر الحالة ثم الحالة ثم الحالة لانى بشوف سيفيا متهانة وحالتها تعبانة كتير وتكشف على الاسكاترة وطرمبة الباور علشان دول اشهر عيب فى السيفيا وطبعا حالة المساعدين والكبالن والعفشة بصفة عامة
والعربية اعطالها نادرة وقطع غيارها الاصلية كفاية انى اقولك انها ارخص من قطع غيار الانوس الاصلية ومتوافرة
والتقليد بردة متوافرة وان كانت اغلى شوية من الانوس ودى اسعار بعض قطع الغيار
فلتر بنزين اصلى 50
فلتر زيت اصلى 20
تيل امامى اصلى 180
طنابير اصلى 320
تيل جولد كورى 70
طنابير كورى 180
ماستر فرامل اصلى 250
طرمبة باور اصلى 550
اكصدام امامى تايوانى 300
وفى اسعار تانية فى موضوع الصديق ماكس زيرو ممكن ترجعلها
http://www.nilemotors.net/Nile/114124-a.html
ممكن يا حماعة حد يفيدنى عن تكلفة نقل الملكبة حاليا كام العربية سيفيا مانيوال موديل 2000 كورى
و التجديد لمدة سنة كام
و ياريت حل اموضوع التابلوة المشقق
جزاكم الله خبرا
ايه اخبار السيفيا ون ياجماعه وعامله كام فلوس
انا معاى فى حدود ال30000 ممكن احصلها بهذا المبلغ ولا لأ
وشكرا
تكاليف التسجيل حوالى 700 جنيه .. ضريبة فى المرور حوالى 210 فى السنة .. تأمين مش فاكر .. لوحات حوالى 130 جنيه .. طفاية 2لتر حوالى 200 جنيه .. شنطة اسعافات حوالى 45 جنية .. + بعض النثريات و الاكراميات..
اما موضوع التابلوه المشقق ممكن تشوف حد فى الحرفيين يعملوا لك بس انا سامع انه بيرجع تانى .. ممكن تجرب تابلوه ا ى سيارة تانيه نوبيرا مثلا .. انا ماجربتهوش لان التابلوه عندى حالته كويسة و محافظ عليه .. بس فكرت فيه
أحمد بيهاقتباس:
اكصدام امامى تايوانى 300
هو الاكصدام ده انت شفته عند مين عشان انا عاوزه
الاكصدام موجود فى الحرفيين
او فى التوفيقية عند شركة الاخلاص او حلمى سليمان
او فى شارع دمشق عند الجندى
السلام عليكم ورحمة الله وبركاته
ازيكم يا شباب السيفيا ويشرفنى ويسعدنى الانضمام للرابطه الجميله ديه واحب اعرفكم بنفسى
انا علاء محمد من القاهره وعايش فى العاشر من رمضان وجبت كيا سيفيا 99 لون كحلى
وطبعا احب اوجه شكر خاص جدا للصديق والاخ الفاضل محمد علاء على وقوفه جنبى وانا بشترى
العربيه ويارب يكون فى اتم صحه وعافيه
ياريت بقى حد يفيدنى لان ريموت الانذار بتاع العربيه ضاع ومش معايا اسبير ومش عارف اعمل ايه ومش عايز اغير الانذار اللى فيها بواحد تانى ؛؛ ياريت حد يفيدنى ضرورى جداااااااا
والحاجه التانيه احد ابواب السياره مش بيقفل مع السنتر ولازم اقفله لوحده ده عيب كتاوت ولا ايه ؟
لسلام عليكم
السوال دا ل max_zero ولكل الناس الخبره فى السيفيا هنا
انا بدور على واحده تكون كويسه موديل 99-2000-2001-2002 وتكون مانويل فا ياريت لو تنصحنى بحاجه معينه اشوفها فى العربيه واكشف عليها وياريت لو تقولى الاسعار كده فى رنج ايه لان انا شايف ان الناس مزوده اوى فى الاسعار وشكرا واسف على الاطاله
السلام عليكم ورحمة الله وبركاته
عندي مشكلة في عربية سيفيا 1999 اتوماتيك ان لمبة الاوفر درايف بتنور باستمرار وبتروح لما افصل البطارية بعدها بفترة ترجع تنور تاني.
وفي نفس الوقت حاسس ان العربية بتنتش في بعض النقلات خصوصا في بداية الحركة او عند التهدئة من سرعة عالية.
يا ترى دا عادي ولا في ايه في العربية ، اكون شاكر جدا لو حد يقدر يساعدني او يدلني على ميكانيكي يحل المشاكل دي لأني روحت لميكانيكي غير حساس (تقريبا اسمه حساس tps او بوابة) والمشكلة كما هي.
بالنسبه للنتشه يا باشا كانت عندى وروحت غيرت طقم بوجيهات يابانى محترم والمشكله الحمد لله راحت والعربيه بقت تمام فى الغيارات وفى التهدئه
السلام عليكم
معايا سيفيا 2000 مانيوال وكنت عاوز أعرف فين مكان فلتر البنزين وإزاي أفك فلتر الهواء عشان عاوز انضفه
انا سمعت إن المانيوال فيه فلتر للفتيس فهل ده صح وفين مكانه?
http://store2.up-00.com/May10/jrO53142.jpg
http://store2.up-00.com/May10/jrO53142.jpg
<img src="http://store2.up-00.com/May10/jrO53142.jpg">
دة ب النسبة للفلتر بتاع الهوا
اما لفلتر البنزين ف هوا فى الجمب اليمين للعربية قبل العجلة الورانية ب حبة و ممسوك ب مسمار 10 و الفلتر نفسة جوة افيز و متوصل ب 3 وصلات
واحدة داخل وواحدة للراجع او الفايظ وواحدة للخارج
اما ب النسبة لفلتر زيت الفتيس ف دة معنديش علم بية و مشفتوش عندى ولا عند اى حد ولا حتى موجود ف المانيوال بتاع العربية ..