حمدلله علي سلامتك يا كبير و الحمدلله بسيطه
واللي يجي في الريش .... بقشيش
عرض للطباعة
حمدلله علي سلامتك يا كبير و الحمدلله بسيطه
واللي يجي في الريش .... بقشيش
لاالله الا الله
كان الله فى عونك
بص يا سيدى
الاكصدامين ممكن يتظبطوا مش محتاجين تغيير ممكن بتاع فيبر يسخنهم و يستعدلهم على السخن
دة عادى جدا
اما الشنطة و الكابوت ف مفيش منهم امل عشان لو اتعملوا هيكونوا باينين جدا
عشان انت وصلت لمرحلة الانهيار 1 فى تركيب المعدنى بتاعهم
و بخصوص الشنب ف بعون الله يرجع زى ما كان بس لو انت مش ضامن الكلام دة و بما انك عايز ريداتير و سربنتينة ف احسنلك تجيب ربع امامى كامل
بيكون بفانوسينة و اكصدامة و شبورتة و ركبة و شنبة و ريداتيرة و سربنتينتة بمراوحهم بضفيرتهم (غير كاملة طبعا) و الليلة دى ممكن تخش فى 1000 جنية
و الكابوت ممكن عصام يتصل ب استاز سامح و ينزلوا السبتية و يشوفوة هناك على ما اعتقد كان بيتباع ب 200 جنية على ما اتزكر دة على اساس انة خردة و بيكون محتاج شغل بسيط ويارب تلاقى شنطة كمان
بس انت محتاج سمكرى حكاية فى الليلة دى وبوهيجى صايع عشان ميبنش انها راشة دواخل عشان فى الاغلب الشنب هيكون ضايع
و موضوع القنطرة الصاج دة انا لسة قايلة امبارح مع مجموعة التعديلات تالى هعملها مع العزل
كنت شوفت واحدفى اسبيكترا عاملها و قررت انى اعملها بردو
و ربنا يسترها معانا و معاكوا لسة بردو يوم الخميس واحدة بايسانى و انا واقف من ادام ..
ربنا يخليكم وشكرا على سئلكم كلكم ,,, ويبعد عنكم شر الطريق ,,, بس امانه تربطوا حزام الامان
-----------------------------------
وفعلا فكرت انا فى حكايه السبتيه دى ,,, انا ننزل هناك ونشوف ايه الى محتجاه ,,, وبلاش حكايه ربع امامى دة هاتبئى صعبة عشان فى حاجات سليمه الفانوسين الكبار واحد سليم والتانى العاكس اتكسر هاخد الى عند عصام والزق عليه الوش بتاعى ,,, والشبورة ال 2 سلام مفيهمش مشكله ,,, والمشكله الى مخلينا نفكر اننا نجيب اكصدامين جدا انىمصدات الى ورا الاكصدامين عندى فبر مش حديد زى الاصلى بتاعها فا محتاج اجيب الامصدات الحديد او لو ممكن يتباعوا لوحدهم ,,,, والشنب ممكن يتعدل بزرجينه من غير رش هوا المشكله الكبيرة فى الكابوت ,,, ربنا يسهل احنا هانشوف 2 سمكريه معلمين هنا ونشوف رأى كل واحد ايه و نقرر اننا هانعمل ايه ,,, وربنا يكفيكوا شر الطرق
ربنا معاك يا غزالي وان شاء الله الموضوع يتلم على خير
هي بس زعلت منك شويه علشان فكرت تبيعها فقالت تحسسك بقيمتها شويه :))
على فكرة يا اخوانا من غير ما حد يضرب انا مش فاهم ايه هي القنطرة دي ووظيفتها ايه بالظبط
بمناسبة موضوع غزالي ده احب اقولكم حاجه
المقامة الفريدة في أصول السواقة الرشيدة
بعد خبره في السواقة بقالي 16 سنةجوه مصر وبره مصر بالهدوء والمسكنة
اكتشفت ان السواقه بالادب مش ممكنة
العافيايجه كانو صح واللي غلطان هو انا
من بكره هاعمل زيهم وامشي على طول ف الشمال
واللي هيفكر يعدي مش هاوسعله المجال
واخطف الغرزة السريعه دي الغرز طبع الرجال
اللي ماشيين بالهداوة يا إما ستات او عيال
هالغي فوانيس الإشارة مش انا عندي دراعين؟
عادي ابقى في الشمال وفجأة ادخل في اليمين
واللي جنبي يخلي باله هو يعني ملوش عينين
المهم اكون مهدي قبل ما ادخل ع الكمين
لو طريقي لقيته زحمه لازم اهرب م اللي حاصل
عادي جدا أمشي عكسي ومش مهم أعمل مشاكل
نوري عالي ومش في بالي اللي ماشي في المقابل
اصلي لو ممشيتش عكسي هابقى خيخه ومش مقاتل
أوعو بقى حد يعارضني أو يقولي ده مش كلام
هي دي اصول السواقه بالدراع والالتحام
السواقه ف مصر عافيه ومش هيعدلها نظام
لو قدرت تسوق بادبك قول وانا اضربلك سلام
تصدق انا كمان معرفش يعنى ايه قنطرة