اقتباس:
العفشه مساعدين و سوست بس مش عارف ايه الباقى
لو بقالك فتره ماشى بالمساعدين بايظه يبقى حملت على السوست وبالتالى هتلاقى السوست تعبت
يعنى هتغير مساعدين وهتغير سوست السوست عشان مدوخش نفسك هتجبها استيراد ونظيفه اوى
مش هتلاقى جديد غير بتوع الفيرنا او الالنترا بس النترا كام معرفش
السوسته عامله 50 جنيه استيراد عند حمدى على
المساعدين انا مركب kyb يبانى كان اول شهر ناشفين ومش طايق ركوب العربيه بس ظبطوا جامد دلوقتى وادائهم جميل
عاوز تجيب منرو اغلى من 100 الى 200 جنيه عن اليبانى بس ناشفيين وده انا مش بفضلوا لشخصى شوف
المساعدين اليبانى عاملين 1200 الكورى 1000 او 1100 ويفضل اليبانى والفرق مش كبير
هتبص بقى على المقصات والجلب والبيض والاسكترا لو فيها بوش وهتشوف الكبالن داخلى وخارجى
اقتباس:
- صوت الكستبانات بقى رخم اوى و شغال على طوول
مفيش حل غير انها تتغير وهتدخل معاك فى 1000 جنيه وبرضوا شوف بساتم الزيت يمكن مش موصله زيت كويس
او حط زيت تقيل
اقتباس:
- فى صوت كركبه من ناحية السيور و الطنابير بتاعتها و البلى و كده مع انه و الحمد لله الحمد لله العربيه بتجرى فل
شوف انت اخر مره مغير امتى سيور وبلى كاتينه لو محتاجين يتغيروا غيرهم
وحاول تشوف طنابيرك متربطه كويس ولا لا
اقتباس:
فى صوت كده فى الدركسيون مع اللف يبقى عايزين بصه كده على الباور و الاسكترا و اى حاجه تبعها
شوف طرمبه الباور الله يخرب بيتها
ده كلوا يترد على البارد ومفيش منوا مشكله عاوز ترش رشه نظافه هتدخل معاك فى 1500 او 2000
اقتباس:
و الاكصدام اللى ورا خارج من مكانه حاجه بسيطه من الناحيه الشمال ترييح ركن و الاكصدام اللى قدام كان اتكسر و تم اللحام بس الشنب من الناحيه اليمين عايز ظبطه بالزرجينه سنتيمتر او اقل حاجه كده
الاكصدمات ديه امر وارد فكبر دماغك منها بس الشنب لازم تشوف واحد يظبطهولك عشان تريح القوانيس والكبوت
اقتباس:
مع ان العروسه كانت جايه رشه بره قبل ما نشتريها بكام يوم بس اصل احنا اتعلمنا السواقه عليها و استحملتنا
و حاليا ما بنفكرش نرش نهائيا
عليك وعلى سمكرى كويس يظبطلك الدنيا ديه على البارد