كل سنة وانتم بخير والسنة الجية على عرفات ان شاء اللة .................................................. ............................
عرض للطباعة
كل سنة وانتم بخير والسنة الجية على عرفات ان شاء اللة .................................................. ............................
طبعا اولا كل عيد اضحى وانت طيبين
كنت عاوز اعرف اى سبب تاخير النقلة فى الفتيس الاوتو انا عربيتى شوما 99 بتاخر النقلة التانية ومبتنقلش الرابعة يعنى المفروض تنقل على 90 بس مبتنقلش وتفضل ماشية على التالت والاربى ام يعلى فمش عارف اية السبب
الف شكر لكل واحد عيد عليا و بعتلى مسج
و كل سنة و انتوا طيبين
و بعتزر عشان معرفتش ارد على ولا واحد
عشان تليفونى الى لسة جايبة اختى الله يكرمها وقعت علية كباية هوت شوكلت
و عملتة هوت تليفون و بعون الله بعد العيد هودية التوكيل و اتمنى متكونش الارقام طارت من علية
و مش قادر اوصفلكم احساس الواحد و هو معهوش نمرة اى حد خالص
يارب متجربوة
انا بصدد شراء سيفيا موديل 2000 و عندى استفسارات اتمنى الاقيلها رد عند حضراتكم :-
اعرف ازاى انها كورى ولا تجميع مصرى؟
صوت الموتور عالى شوية و بالخص داخل الكابينة بالرغم من غلق الابواب والزجاج ، البائع قالى دى جلب ممكن حد يفهمنى قصدة اية و علاج المشكلة دة يكلفنى قد اية؟
الدركسيون تقيل هل دا العادى ولا فية مشكلة فى طلمبة الباور ويا ترى علاج المشكلة دة يكلفنى قد اية؟
العربية دواخلها سليمة ورشة خارجى و الفرش فبريكة ممكن اعرف الثمن العادل ليها فى حدود كام؟
وللسادة المشاركين جزيل الشكر ، و كل عام وانتم بخير
يا شباب السيفيا أخوكم فى حيرة من امره ما بين اقتناعى وحبى للسيفيا وما بين خوفى من بعض مشاكلها المتكررة زى طرمبة الباور على سبيل المثال وده خلانى ابص على اختيارات تانية زى الاكسنت والفيرنا واللانوس والنوبيرا بس السيفيا كفتها رجحت بالنسبالى لغاية دلوقتى مش لاقى غير اللانسر الكريستالة هى اللى ممكن اقول عليها اقوى من السيفيا ومع انى سبحان الله مش بالعها زائد ان سعرها زيادة عن السيفيا بما يفوق طاقتى إلا انها والحق يقال مفيهاش مشاكل مشهورة ما عدا انها واطية من الارض ودى حاجة مشتركة مع السيفيا زائد انها موفرة وسهلة الصيانة لانها مافيهاش حساسات وكده وقطع غيارها ارخص وانتشارها اكتر هو بس مشكلتها معايا انى مش حاببها أوى وسعرها زيادة عليا بس على المدى البعيد ممكن تكون اوفر سواء فى الصيانة أو فى الضريبة السنوية
أنا محبيتش اعرض الكلام ده فى المقارنات أو فى قسم المتسوبيشى قبل ما ارجعلكم واستشيركم أنت رأيكم ايه؟
اولا مبروك مقدما
هو 90 % مو 2000 هتلاقيها مصرى و ممكن تعرف من الازاز بتاع العربيه لو مكتوب عليه دكتور جريش تبقى مصرى ولو اى حاجه تانيه تبقى كورى
هو طبعا مش جلب الجلب دى فى المقصات فى العفشه هو قصدوا قواعد ماتور وهما اربع قواعد وبيتراوح اسعارهم ما بين 85 الى 120 على حسب انهو واحده اللى بايضه
هو طبعا الباور ده عيب من عيوب السيفيا وده على حسب انتا سامع صوت ونه والعربيه دايره وبتزيد لما تلف الدركسيون ولا ما فيش صوت خالص و الباور تقيل بص عامتا لو ما فيش صوت ونه تبقى الاسكترا ودى استراد فى حدود من 700 الى 900 جنيه وجديده فى حدود 1500 جنيه ولو فى ونه فدى طلمبه الباور و دى استراد من 350 الى 450 جنيه و جديده فى حدود 700 جنيه
والعربيه دى تعملها فى حدود من 39 الى 40 الف جنيه علشان تعمل اللى فيها
وانصحك تصلى استخاره قبل لما تروح
ازيك يا احمد كل سنه و انت طيب
بص يا احمد كل العربيات اللى قلتها سوقتها بس السيفيا و اللهى بدون تحيز لو نضيفه برقبتهم و اللهى وتحس انك راكب عربيه واسعه و بتسحب و بترضيك فى اى نوع سواقه
بالنسبه لعيوب السيفيا انت لسه يا عم ما اشترتش وانت بتشترى شوف عربيه نضيفه ما فيهاش التابلوه اللى طاقق ولا طرمبه الباور وحافظ عليها هتبقى من غير العيوب اللى الناس بتشتكى منها وفى عربيات كتير بالحاله اللى انا بقلك عليها واى عربيه طول ما ايدك فيها وشريها حالتها نضيفه عمرك ما هتشتكى منها ولا هتزهقك
توكل على الله و صلى استخاره ودورلك على سيفيا تكون حالتها حلوووووووه
اولا لك جزيل الشكر على رد حضرتك
ثانيا البائع قال انها بلوف وليس جلب كما ذكرت انا عن طريق الخطأ،فها عند حضرتك فكرة عن هذا العيب وامكانية الاصلاح وتكلفتة ؟
والاسباب الاخرى التى قد تكون سبب فى ارتفاع صوت المحرك بهذا الشكل بالرغم من rpm عند 1 ؟
وجزالك الله خيرا