احلال الملاكى؟ نقاش مفتوح

**youssefmustang** · 10-10-2009 12:39 AM

بسم الله الرحمن الرحيم
لماذا احلال الملاكى؟
هل للمكاسب الشخصية ام فعلا لحل ازمة السيارات ؟
طب فى سؤال بيطرح نفسه هنا:
هل لو واحد فكر فعلا فى الاحلال ده بطريقة ايجابية
واشترى مثلا فيات 128 او 127 اوسيات 133 بمبلغ لا يزيد عن 10000 جنيه
وجه الاحلال ده هل هيديلو مكانها سيارة جديدة مثل الفيرنا او الاسبيرانزا او الهيونداى i10
فى حين انهم محددوش نوع السيارة المقابلة للقديمة
وفى ناس بتأكد وتقول :
لا ياعم انت فكرك انهم هيدولك فيرنا او غيرها
اكيد هديلك صينى يا عم !!!
وناس تقولك :
هيديك عربية نفس السعة اللترية زى بتاعتك القديمة
يعنى لو عربيتك 127 سعتها 900 سى سى
هديلك ماروتى او سبارك
او عربيتك 128 1100 سى سى هديلك i10 او بيكانتو
!!!!!!!!!!!
مستنى ردودكم الحلوة
اخوكم يوسف
والسلام عليكم ورحمة الله وبركاته

**semsem_uno** · 10-10-2009 01:03 AM

نعممممممم ليييييييييييييه !! :(((
ديه تبقي مدبحة لو لمصالح شخصية و انتشار الجديد
طب انا بقي هاخد الأونو لما الرخصة تطلع ان شاء الله الاقي قانون ابن ..... يقولي كده و بعدين عربياتنا حالتها كويسة الكلام ده المفروض للحالات القديمة جدا اللي مالهاش حاجة و هتبقي عار و مينفعش فيها او معاها حاجة و لا قطع غيار ولا لكلام ده فاهمين قصدي او بعد فترة طويلة من الوقت تكون فعلا تستاهل الأحلال

و انا سمعت ان حوار التاكسيات في مصلحة احمد عز علشان الونش بينزل عالعربيات ديه بعد ما يتفك منها كل حاجة و تتسيح و تروحله و تخش في انتاج الحديد و اي تاكسي بيديك بداله مش عارف 5000 جنيه ولا 10000 باين ده لو الكلام ده هيحصل معانا يبقي لازم بجد وقفة تلمهم

**misoalex** · 10-10-2009 01:28 AM

كلام بقاله سنين بنسمعه ومفيش حاجه حصلت
طب يا جماعه احنا لو نفكر شويه الاشعه دى والكلام ده فى مصلحه مين

ده الاشاعه دى بقالها 3 سنين والمستفيد منها طبعا ان سوق المستعمل يقف والجديد هو الى يركب السوق بالبلدى كده وبلغه الصناعيه
يا جماعه انا من رأى ان الكلام ده مجرد اشعه من ناس كبيره ليها مصلحه فى تنشيط سوق الجديد
متقارنوش التاكسى بالملاكى هو التكسيات قد ايه فى البلد ومش كلهم تحت قانون الاحلال فى نسبه كبيره عربيات موديلات حديث لاتقع تحت قانون الاحلال
وفى الاول والاخر صحاب التاكسيات هما المستفيدين من الدرجه الاولى الاولى الاولى وهما عارفين كده لانه بيستلم عربيه زيرو عفيه بيعمل بيها يوميه كويسه تسد الاقساط ويكسب اضعافهم
انما تعالى على بتوع الملاكى حيجيبو الاقساط منين مش كل الناس تقدر تدفع اقساط شهريه لمد سنين طويله ده غير مصاريف العربيه الجانبيه
يلا ربنا يسترها علينا

**mr_sameh** · 10-10-2009 01:35 AM

دي اشاعة مش حقيقي

**maka** · 10-10-2009 02:24 AM

توقعى انه يبدل عربية بعربية مش هيحصل لان الروؤس كلها اتسوت فى احلال التاكسى

وكمان هو بيديك 5000 فى ايدك و يخفض الجمارك والضرائب على العربية الجديدة

يعنى الحكومة مخسرتش حاجة وصاحب المصنع نسبة ربحه ثابتة

وده اللى انا فهمته من مشروع احلال التاكسى

**youssefmustang** · 10-10-2009 05:47 AM

طب يا جماعة محدش عنده اخبار جديدة عن الموضوع ده
ياريت تفيدونا
اخوكم يوسف

**blazer** · 10-10-2009 08:08 AM

ياجماعه فعلا الموضوع جد
بديل احلال التاكسى
واحلال ال 60 الف ميكروباص اللى الحكومه هتبتدى باحلالهم
وقرأت اكتر من مره فى الاهرام و كونتاكت كاروو تصريحات لوزراء و مسئولين واصحاب توكيلات زى "غبور هيونداى - تويوتا - ابو الفتوح اسبيرانزا"عن مشروع احلال الملاكى

**youssefmustang** · 10-10-2009 10:26 PM

عايزين خبر مؤكد عشان فى ناس بتنكر الموضوع وناس بتأكد الموضوع وهل لو حصل فعلا هاخد عربية جديدة ولا لا وحتى لو هدفع قسط مش مشكلة

**amrico** · 10-10-2009 10:37 PM

المشاركة الأصلية كتبت بواسطة youssef_00

هيديك عربية نفس السعة اللترية زى بتاعتك القديمة
يعنى لو عربيتك 127 سعتها 900 سى سى
هديلك ماروتى او سبارك
او عربيتك 128 1100 سى سى هديلك i10 او بيكانتو
!!!!!!!!!!!

يعني اللي عنده امريكاني قديم زي البويك مثلا فوق ال3000 سي سي هاياخد هامر ولا ايه
ماتنسوش برضه الفيات 132 2000 cc وال 504 وغيرها وغيرها
مظنش هايربطوا الموضوع بالسعة اللترية
بس لو موضوع الإحلال ده حصل في ناس كتير هاتتظلم وناس هاتبقى مليونيرات