عرض للطباعة
سلام عليكم
عندي حاجة غريبة فى العربية الاستارليت وهيا إن العربية لما بتكون باردة خالص واقفة بقالها مدة كبيرة أول ما ادورها بتدور عادي خالص .. بس طبعا ببقي عايز اسخنها .. لكن لو زودت بنزين وهيا لسة دايرة علي طول كدة بلاقي العربية زي متكون اتخنقت وتبطل (لو زودت لمسة بس مفيش مشاكل)
لازم اسيبها شوية وبعد كدة ابتدي ازود عادي بس برضو مش قوي .. لحد ما تسخن شوية وبتبقي عادية خالص
يا تري دة من إية ؟ وطبيعي ولا لأ ؟
مع العلم ان كل حاجة متظبطة زي الكهربا ودورة البنزين وكلة
الامر دة طبيعى فى العربيات الكاربرتير....انا معرفش الستارليت كاربرتير ولا انجكشن...
علاج الحل دة تنظيف وتسليك الكاربريتر هتختفى تماما (عملتها فى لادا و100 100 )
طيب إية علاقة الكاربيراتير بالموتور إن كان سخن أو لأ ؟
بص ياباشا انا كان عندى لادا 2105....كنت لما اجى ادورها الصبح واكبس بنزين جامد الاقيها عتلت كده وابتدت تبطل..لازم كنت اسخن شويه...والموضوع دة كان قارفنى الحقيقه بالاضافه ان السحب كان تعبان وكل شويه تلاقى العربيه فرقعت من الشكمان وساخه وشوائب....رحت لميكانيكى قالى ياباشا انت عندك الكاربرتير مليان طين....سيبت العربيه عنده يوم ورجعت ختها ...الحقيقه كانت زى الفل والسحب اتحسن والصبح بقت تدور بسرعه وكله تمام....
الموضوع بتاع الصبح دة بيحصل لان الوساخه اللى فى الكاربرتير بتبقى متجمعه....وبالتالى لما تدور الموتور بيكون مخنوق ةبيبتدى يتعدل بالتسخين....وبالتدريج الوساخه دى بتطرد واحده واحده....بس برضه بتبقى موجوده ولكن بشكل اقل اثناء الدوران
و بعد 1500 يوم من الموضوع .. و بعد اختلاف الااراء وعدم حل المشكلة ..
من شهرين كده كنت عند ميكانيكي اول مرة اروحلة
وخد بالة من الخنقة اللي بتحصل لو كبست بنزين جامد مرة واحده مش تدريجي
كان بيحصل خنقة خفيفة كده وبعدين تسلك وتحرق عادي
وهي نفسها الحركة دي اللي كانت بتخلي العربية تبطل وهي لسة بارده
المهم طلع صابع كده من الكربيراتير حوالية زي شفة أو جوان مطاط ، المطاط ده كان مستهلك وناشف شوية
غيرة والمشكلة دي اختفت تماما الحمد لله :))
تقصد الأتوماتيك أتشوك؟اقتباس:
المشاركة الأصلية كتبت بواسطة pro_samir
متابع
الموضوع بيحصل عندى لو شديت الشفاط جامد و انا بسخن العربيه تطفى انما لو شديته واحده واحده الموتور يعلى من غير ما يطفى
العربيه ١٢٧ ايطالى و الكربيراتير سولكس شاريه جديد بعلبته
ارجو الافاده